النيابة تخلى سبيل أحمد السعدنى بعد قتله مزارعاً بسيارته خطأ

http://www.youm7.com/images/NewsPics...0087191524.jpg


أمر محمد القاضى رئيس نيابة العمرانية بإشراف المستشار حمادة الصاوى المحامى العام الأول لنيابات جنوب الجيزة بإخلاء سبيل الفنان أحمد صلاح السعدنى نجل الفنان الشهير صلاح السعدنى بعدما صدم مزارعاً بسيارته فى منطقة العمرانية


مما أدى إلى وفاته بكفالة 1000 جنيه.

وأكد أحمد السعدنى أمام النيابة على مدار 4 ساعات أنه أثناء سيره على طريق محور المنيب فوجئ بالمزاع يعبر الطريق السريع أمامه فحاول تفاديه إلا أنه لم ينجح بذلك فصدمه وأشار إلى أنه اصطحبه إلى المستشفى بعدها إلا أنه لقى مصرعه.

كان رئيس مباحث قسم شرطة العمرانية قد تلقى بلاغاً بوقوع حادث تصادم أعلى المحور بمنطقة الطالبية فأخطر اللواء مساعد وزير الداخلية لأمن الجيزة وأمر بسرعة الانتقال إلى محل الواقعة وتبين لرجال المباحث من المعاينة والتحريات أنه أثناء استقلال الفنان أحمد صلاح السعدنى لسيارته رقم "4867 ن ه مصر" أعلى المحور بمنطقة الطالبية العمرانية اصطدم بشخص يدعى عبد العاطى توفيق صابر (58 سنة) مزارع ومقيم بسنورس فى الفيوم أثناء عبوره الطريق مما أدى إلى وفاته فى الحال فحرر محضر بالواقعة حمل رقم 22805 والتى أمرت النيابة بإخلاء سبيله.

حياه المواطن المصرى = 1000ج

هو في حد يعدي المنيب !!!!

ده مالوش دية أساسا

انا مش بدافع عن حد بس الى يعدى محور المنيب وبليل هو المسئول عن نفسة مش اى حادثة لازم يكون الى سايق العربية هو الى غلطان دة مش طريق لعبور المشاة ولو فى عدل المفروض صاحب العربية هو الى ياخد تعويض مادى

أثناء سيره على طريق محور المنيب فوجئ بالمزاع يعبر الطريق السريع أمامه



يمن يا استاذى الى ممكن يعدى الطريق السريع فجاه
و بعدين ده موت خطا يعنى مش رايح يقتله مخصوص
انت لو ماشى عادى على الطريق السريع لقيت واحد رمى نفسه قدام العريبيه يبقى انت كده قتلته و تستاهل حكم القتل زيك زى الى قتل واحد فى بيته بسكينه ولا حاجه؟؟

و بعدين الالف جنيه ده كفاله مش تمن حياة مواطن مصرى

على فكره الجرايد بتقول الدائرى
والخبر انا سمعته من بره ويقال انه فى العمرانيه

اقتباس:

---

المشاركة الأصلية كتبت بواسطة merosss

انا مش بدافع عن حد بس الى يعدى محور المنيب وبليل هو المسئول عن نفسة مش اى حادثة لازم يكون الى سايق العربية هو الى غلطان دة مش طريق لعبور المشاة ولو فى عدل المفروض صاحب العربية هو الى ياخد تعويض مادى

---

+11111111111111111111

ربنا يرحمه ويطلع احمد منها على خير لو فعلا مش قاصد وغصب عنه

وربنا يرحمنا كمان من الناس المستهتره اللى بتعدى من على الدائرى والمحور وكل طريق سريع يعنى بكل سهوله ممكن يعملوا كارثه فى الطريق وبعدين يقولك صاحب العربيه الظالم المفترى بيدوس الناس

اقتباس:

---

المشاركة الأصلية كتبت بواسطة أبو إياد

حياه المواطن المصرى = 1000ج

---

كدة كتير على فكرة... فية ناس بتخرج بضمان محل اقامتها فقط

و اذا كنت بتتكلم على ان ال1000 جنية هى مقابل حياه المزارع فا احب اقولك ان دى مشكلة اللى "باع" حياتة ب1000 جنية... حد يعدى الدائرى و هو عندة 58 سنة؟؟؟... دا تلاقية اصلا بيمشى بالعافية... و هو اصلا كان فوق الكوبرى بيهبب ايه؟؟؟ و بيعدى الناحية التانية ليه؟؟؟... يعنى الجنب اليمين يزيد ايه عن الشمال (او العكس) فى الدائرى عشان واحد يموت نفسة عشانة؟؟؟

متلوموش اللى قتل... لوموا اللى اهدر حياتة قونطة

و اخيرا... احب احيى احمد السعدنى على تصرفة لان ناس كتير اوى فى الموقف دة كانت حتجرى و تسيب الراجل و شكرا و تنام الليل بضمير مرتاح

MMamdouh

اقتباس:

---

المشاركة الأصلية كتبت بواسطة merosss

ولو فى عدل المفروض صاحب العربية هو الى ياخد تعويض مادى

---

العدل موجود يا باشا و من حقك ترفع قضية تعويض عن التلفيات اللى حصلت فى عربيتك نتيجة الحادث... بس بشرط تاخد براءه فى قضية القتل الخطاء

MMamdouh

حد يعدى طريق زى دا !!
زى اللى بيعدى صلاح سالم وكوبرى 6 اكتوبر بلزبط
ربنا يرحمه
الجهل وحش و بيودى فى داهيه

اقتباس:

---

المشاركة الأصلية كتبت بواسطة mmamdouh

و اخيرا... احب احيى احمد السعدنى على تصرفة لان ناس كتير اوى فى الموقف دة كانت حتجرى و تسيب الراجل و شكرا و تنام الليل بضمير مرتاح

mmamdouh

---

انا مش عااااارف اقول لحضرتك اية
و انا الحمد لله محصلش معايا موقف زي دا ... ربنا يكفينا شر البلاوي دي
بس بجد بجد ... انا لسة من كام يوم ... معدي على قرية في طريقي ... الطريق فيها ضيق جداً ... حارة و كسر.... و فيها رصيف فاصل بين الجهتين صغير جداً....
المهم... شوفت عيال صغيرة بتعدي من الناحية التانية... هديت و بصيت في المرايا... تحسباً ...
و حصل فعلاً ... عيل من العيال راح واقع على وشه قدام عربتي ... و كسرت في ثانية و فديته الحمد لله

الفكرة دلوقتي ان دي قرية و ناس فلاحين جهال... لو كان لا قدر الله حصل حاجة ... عارف حضرتك كان اية اللي ممكن يحصل لو وقفت ؟ ....

على فكرة انا لحد دلوقتي مش عارف هتصرف ازاي في موقف زي دا (ربنا يستر) ضميري ممكن ميسمحليش اني اجري ... والعقل بيقول اجري

اقتباس:

---

المشاركة الأصلية كتبت بواسطة blazer

الجهل وحش و بيودى فى داهيه

---

بالظبط... هو الجهل ... هو اللي مودي البلد دي في داهية

١٠٠٠ جنيه مش تمن حياة المواطن ..
دي كفالة هاياخدها تاني لما القضية تخلص ..
القتل الخطأ غالبا بتصفصف على ٥٠ جنيه ! اللي مستغرب يسأل المحامي بتاعه ..
ده تحذير لكل اللي بيعدي الطريق غلط ..
الأسفلت مخصص للسيارات ..الدائري ده مش ترعة يعبرها المشاة ..

الله يرحم الراجل بس بجد انا احترمت احمد السعدني جدا

أنا معرفش ظروف الطريق ايه لأني مش من القاهرة بس لو هو فعلا كدة يبقى المزارع عليه الخطأ
زي اللي بيعدي في إسكندرية على البحر و في نفس المكان اللي بيعدي منه بس تحت الارض فيه نفق للمشاة
و زي 2 لطاف خفاف كانوا بيعدوا الزراعي في منطقة مفيهاش نور و مكناش شايفنهم خالص لولا ستر ربنا جروا على اخر لحظة و كنت راجع ساعتها مع دكتور كان بيدرسلي في الكلية

نسيت أقول ان الموقف اللي عمله أحمد السعدني أنه نقل الراجل المستشفى موقف محترم للغاية و مجراش و سابه

بس المشكلة مش في احمد او المزارع الله يرحمة . المشكلة ان الحومة المباركة بتاعتنا عملت طريق دائري طويل وعريض ونسيت ان في ناس موجودة علي جانبي الطريق . ونسيت ان في جامعات ومدارس علي جانبي الطريق والناس بتحتاج تعدي . يعني مفيش ولا كوبري ولا نفق . وشوفوا الطريق دة من ساعة اما اتعمل كام روح راحت علية . والحكومة لسة نايمة .
تعالوا نفكر.. واحد عاوز يعدي عشان يركب ويروح من الشغل بتاعة ؟ يعمل اية ؟ دة الناس فاعلة الخير جابوا ميكروباص بيعدي الناس مجانا من كارفور الي الناحية التانية منطقة الجامعات لان المكان مكتظ بالناس . وبرضة الحكومة لسة مش دريانة ؟ والنهارد عربية مقطورة خبطت سواق موتوسيكل ومات وكل يوم نسمع عن مصيبة من العربيات المقطورة . انا مش عارف هي الحكومة عاوزة تصفي الشعب كلة ولا اية ؟

وشكرا للراجل المحترم انة راح نقل الراجل المستشفي
وربنا يرحم المزارع ويصبر اهلة . انا لله وانا الية راجعون

اقتباس:

---

المشاركة الأصلية كتبت بواسطة أبو إياد

حياه المواطن المصرى = 1000ج

---

عندنا علي الكورنيش ب51 جنيه

هو مش مفترض ياجماعه ان المبلغ ده بيتدفع على اساس ديه ؟ سواء قتل متعمد او غير مقصود .

اصل الديه الشرعيه مش كده تماماااااا

اقتباس:

---

المشاركة الأصلية كتبت بواسطة m.osman

انا مش عااااارف اقول لحضرتك اية
و انا الحمد لله محصلش معايا موقف زي دا ... ربنا يكفينا شر البلاوي دي
بس بجد بجد ... انا لسة من كام يوم ... معدي على قرية في طريقي ... الطريق فيها ضيق جداً ... حارة و كسر.... و فيها رصيف فاصل بين الجهتين صغير جداً....
المهم... شوفت عيال صغيرة بتعدي من الناحية التانية... هديت و بصيت في المرايا... تحسباً ...
و حصل فعلاً ... عيل من العيال راح واقع على وشه قدام عربتي ... و كسرت في ثانية و فديته الحمد لله

الفكرة دلوقتي ان دي قرية و ناس فلاحين جهال... لو كان لا قدر الله حصل حاجة ... عارف حضرتك كان اية اللي ممكن يحصل لو وقفت ؟ ....

على فكرة انا لحد دلوقتي مش عارف هتصرف ازاي في موقف زي دا (ربنا يستر) ضميري ممكن ميسمحليش اني اجري ... والعقل بيقول اجري


بالظبط... هو الجهل ... هو اللي مودي البلد دي في داهية

---

لآ قدر الله لوكان حصل حاجة كان أهل القرية خرجوا عن بكرة أبيهم زى القبائل فى الجاهلية كدة و... مش عايز اكمل كانوا حيعملوا معاك ايه

الحمد لله الذى نجاك ونجى العيل الصغير وربنا يسترنا جميعا

أنا زمان كنت مختلف مع بعض الناس في موضوع القتل الخطأ لو الميت هو اللي غلطان لحد ما في مرة على طريق اسماعيلية قدام الهايكستب اتنين بيهرجو مع بعض وبيجروا ورا بعض في عرض الشارع وكنت هموت واحد فيهم بس ربنا نجاه الحمد لله بس كان هاين عليا أنزل أموته من الضرب

اقتباس:

---

المشاركة الأصلية كتبت بواسطة ahmed samy

هو في حد يعدي المنيب !!!!

ده مالوش دية أساسا

---

مظبوط
ومكتوب يفط ممنوع عبور المشاة

اقتباس:

---

المشاركة الأصلية كتبت بواسطة al_manara

بس المشكلة مش في احمد او المزارع الله يرحمة . المشكلة ان الحومة المباركة بتاعتنا عملت طريق دائري طويل وعريض ونسيت ان في ناس موجودة علي جانبي الطريق . ونسيت ان في جامعات ومدارس علي جانبي الطريق والناس بتحتاج تعدي . يعني مفيش ولا كوبري ولا نفق . وشوفوا الطريق دة من ساعة اما اتعمل كام روح راحت علية . والحكومة لسة نايمة .
تعالوا نفكر.. واحد عاوز يعدي عشان يركب ويروح من الشغل بتاعة ؟ يعمل اية ؟ دة الناس فاعلة الخير جابوا ميكروباص بيعدي الناس مجانا من كارفور الي الناحية التانية منطقة الجامعات لان المكان مكتظ بالناس . وبرضة الحكومة لسة مش دريانة ؟ والنهارد عربية مقطورة خبطت سواق موتوسيكل ومات وكل يوم نسمع عن مصيبة من العربيات المقطورة . انا مش عارف هي الحكومة عاوزة تصفي الشعب كلة ولا اية ؟

وشكرا للراجل المحترم انة راح نقل الراجل المستشفي
وربنا يرحم المزارع ويصبر اهلة . انا لله وانا الية راجعون

---

على فكرة دى مش مشكلة الحكومة خالص... الحكومة عملت الطريق لتسهيل حركة المرور... المشكلة فى فهلوة سواقين الميكروباص و الركاب اللى حولوا جنبات طريق سريع زى دة الى موقف اوتوبيس... اللى فيكم بيمشى على الدائرى فى الفردة اللى من طريق السويس الى الهرم حيفهم انا قصدى ايه اول ما يجى عند كارفور... اضرب بعينك كدة على اليمين حتلاقى بشر واقفة على رجليها وواكلين حوالى حارتين من الطريق... هل دة مشكلة الحكومة؟؟؟

بتاع المكروباص مش طالبة معاه يخرج من الدائرى و ينزل على اى طريق جوة المدينة ينزل ناس و يحمل ناس... فا ببساطة بيرميهم على جنب الطريق و خما يتصرفوا... و التصرف بيكون العبور من وسط الطريق و القفز من على الحاجز الخرسانى اللى فى نص الطريق زى لاعبى الاكروبات فى السيرك... و لما واحد فيهم ميقدرش المسافة و الوقت صح يجيب مصيبة لواحد راكب عربية و ماشى فى امان الله

انا شايف ان دى مش مشكلة حكومة خالص لان الحكومة معملتش الطريق دة عشان يبقى موقف مكروباصات... دة طريق سريع... اللى عايز ينزل بقى وسط الطريق ميلومش الا نفسة

MMamdouh

اقتباس:

---

المشاركة الأصلية كتبت بواسطة أبو إياد

هو مش مفترض ياجماعه ان المبلغ ده بيتدفع على اساس ديه ؟ سواء قتل متعمد او غير مقصود .

اصل الديه الشرعيه مش كده تماماااااا

---

الدية الشرعية 3.75 كيلو ذهب او 27 كيلو فضة او 100 جمل... او طبعا ما يقابلها من فلوس

بس اعتقد الدية لما اكون انا الغلطان و فعلا خطائى هو اللى تسبب فى موت انسان... مش هو اللى غلط و غلطة تسبب فى موتة

انا راجعت حوادث مماثلة كتير حصلت فى السعودية (لان هما اللى بيطبقوا نظام الدية بالقانون) و كان دايما مبلغ الدية مربوط بنسبة الخطاء

يعنى لو انا بهد بلكونة و حاطت مليون يافطة تحت العمارة من عينة "احترس" و "مبنى تحت الانشء" و "خطر" و خلافة وواحد طلبت معاه يعدى من وسط الكوردون الخطر ووقعت علية دبشة جابت اجلة يبقى دة خطائة هو مش انا و انا متحملش حاجة

لكن لو حصل نفس الحادث و انا مش حاطت اى لوحات ارشادية و تحذيرية و محوط مكان الخطر يبقى الغلط عليا انا مش هو...

كلا الحالتين القانون بيبص للواقعة انها "قتل خطاء"... الفكرة هنا هو "خطاء مين اللى سبب الوفاه"

MMamdouh

دا انتحار مش قتل خطأ
مفيش اعتراف بان دا طريق سريع وتلاقيهم بيعدو وهما بيتنكو ولا بيقدر مسافات ولا بينيل واصلاً في البلاد المحترمه البني آدم اللي مش بيعدي من على خطوط عبور المشاه بياخد مخالفه فوريه والنظام ده متطبق في العراق !

يا جماعة الشعب المصري مكبر دماغه و لا تفرق معاه خطوط مشاة و لا خطوط إستواء..الراجل هايعدي هايعدي و لو طلبت معاه يعدي بالحمار بتاعه هايعدي
هل لو حد عدى الأوتو بان مثلا في ألمانيا على رجليه هايرحموه ? ده يموت أحسن له من اللي هايشوفه

اقتباس:

---

المشاركة الأصلية كتبت بواسطة mmamdouh

على فكرة دى مش مشكلة الحكومة خالص... الحكومة عملت الطريق لتسهيل حركة المرور... المشكلة فى فهلوة سواقين الميكروباص و الركاب اللى حولوا جنبات طريق سريع زى دة الى موقف اوتوبيس... اللى فيكم بيمشى على الدائرى فى الفردة اللى من طريق السويس الى الهرم حيفهم انا قصدى ايه اول ما يجى عند كارفور... اضرب بعينك كدة على اليمين حتلاقى بشر واقفة على رجليها وواكلين حوالى حارتين من الطريق... هل دة مشكلة الحكومة؟؟؟

بتاع المكروباص مش طالبة معاه يخرج من الدائرى و ينزل على اى طريق جوة المدينة ينزل ناس و يحمل ناس... فا ببساطة بيرميهم على جنب الطريق و خما يتصرفوا... و التصرف بيكون العبور من وسط الطريق و القفز من على الحاجز الخرسانى اللى فى نص الطريق زى لاعبى الاكروبات فى السيرك... و لما واحد فيهم ميقدرش المسافة و الوقت صح يجيب مصيبة لواحد راكب عربية و ماشى فى امان الله

انا شايف ان دى مش مشكلة حكومة خالص لان الحكومة معملتش الطريق دة عشان يبقى موقف مكروباصات... دة طريق سريع... اللى عايز ينزل بقى وسط الطريق ميلومش الا نفسة

mmamdouh

---

لا يا باشا اسمحلي اختلف معاك

دي مشكلة حكومة طبعاً
مهو البرنس سواق الميكروباص دا اللي بينزل الناس على الدائري لو بس تم سحب رخصه 6 شهور .. مش هقول رخصة ولا حبس.... بس لو اتسحبت الرخصة هيحترم نفسه و عمرها ما هتكرر ... لكن مفيش تتطبيق للقانون

اقتباس:

---

المشاركة الأصلية كتبت بواسطة al_manara

بس المشكلة مش في احمد او المزارع الله يرحمة . المشكلة ان الحومة المباركة بتاعتنا عملت طريق دائري طويل وعريض ونسيت ان في ناس موجودة علي جانبي الطريق . ونسيت ان في جامعات ومدارس علي جانبي الطريق والناس بتحتاج تعدي . يعني مفيش ولا كوبري ولا نفق . وشوفوا الطريق دة من ساعة اما اتعمل كام روح راحت علية . والحكومة لسة نايمة .
تعالوا نفكر.. واحد عاوز يعدي عشان يركب ويروح من الشغل بتاعة ؟ يعمل اية ؟ دة الناس فاعلة الخير جابوا ميكروباص بيعدي الناس مجانا من كارفور الي الناحية التانية منطقة الجامعات لان المكان مكتظ بالناس . وبرضة الحكومة لسة مش دريانة ؟ والنهارد عربية مقطورة خبطت سواق موتوسيكل ومات وكل يوم نسمع عن مصيبة من العربيات المقطورة . انا مش عارف هي الحكومة عاوزة تصفي الشعب كلة ولا اية ؟

وشكرا للراجل المحترم انة راح نقل الراجل المستشفي
وربنا يرحم المزارع ويصبر اهلة . انا لله وانا الية راجعون

---

عايز اقولك ان الحته اللى هما بيتكلمو فيها دى بالذات كان ممكن ينزل ويعدى من تحت الدائرى وهو كده كده عايز يعدى عشان يروح الناحيه التانيه بس كسل وجهل لأن فى مطلع للدائرى فى الحته دى لو كان نزله على رجليه كان هيبقى فى شارع الطالبيه اللى ما بيمشيش اساسا وكان عدى بسلام بس هو قدره مكتوب انو يموت كده
طب تعملو ايه فى واحد بفسبا رمى نفسو قدامى ومعاه ابنه ومراته وكل دا عشان الطريق وقف قدامه وقدامى مفتوح ولما ضغطت على الكلاكس يرد يقولى ماهى واقفه
ولما حصلتو وبقلو طب لو كنت ملحقتش امسك فرامل ولطشتك وقعتك انت واللى معاك
رد عليا بقله ادب خلانى قلتلو والله لو ما كان معاك ابنك ورمراتك لكنت وقعتك يقولى راجل وقعنى قلتلو انا راجل ومش هووقعك عشان خاطر اللى معاك
تخيلو سمعت مراتو بتقولو هو صح ومعاه حق
يرد عليها يقولها أيه انا سواق مش كفتجى شفتو الجهل وصل لحد فين ويقولك هو انتو عشان راكبين عربيات تدوسو علينا يرمو نفسهم قدام العربيات ويقولك هو انتم عشان عندكم عربيات بس الزنب مش زنبهم زنب السبب اللى خلى فى حقد بين الناس وبعضيها كلو بقى بيحقد على كلو اللى ماشى على اللى راكب واللى راكب على اللى راكب حاجه احسن منه الا من رحم ربى ومنه العوض وعليه العوض فى البلد أيام ما كانت بلد قبل ماتتحول فى غابه وكله يمشى بقوه دراعه وفرد عضلاته
رحمتك بينا يارب

اللي يعدي باستهتار في الطرق السريعة مسئوليته هو و أحترم أحمد السعدني جدا أنه و قفله ووداه المستشفى

اقتباس:

---

المشاركة الأصلية كتبت بواسطة M.Osman

لا يا باشا اسمحلي اختلف معاك

دي مشكلة حكومة طبعاً
مهو البرنس سواق الميكروباص دا اللي بينزل الناس على الدائري لو بس تم سحب رخصه 6 شهور .. مش هقول رخصة ولا حبس.... بس لو اتسحبت الرخصة هيحترم نفسه و عمرها ما هتكرر ... لكن مفيش تتطبيق للقانون

---

انت صح طبعا... انا قصدى ان دى مش مشكلة الحكومة ممثلة فى "الهيئة العامة للطرق و الكبارى" لان دة طريق سريع بالتالى مش من المنطقى ان يبقى فيه اماكن عبور مشاة او اشارات او كدة

لكن طبعا العيب على اللى سايب الناس دى - سائقى الميكروباص - تنزل و تحمل فى وسط الطريق بدون رابط ولا ضابط... و على فكرة نفس الحوار حتلاقية على كوبرى 15 مايو و 6 اكتوبر بس اللى يضحك بجد ان فيه سلالم للناس تطلع عليها... طيب هى السلالم دى معمولة ليه؟؟؟ هو طبيعى ان يبقى فيه بنى ادمين ماشيين على كوبرى علوى؟؟؟

طبعا تحول المفرق بتاع 15 مايو الى محطة ميكروباص (مفرق الكورنيش/26 يوليو/ الزمالك) و الناس بتعدى اى هبل و تتخبط و بعد كدة الحكومة عملت صور حديد فى نص الكوبرى عشان تمنع الناس انها تعدى... ما كنتوا قفلتوا السلالم اللى عاملة الازمة دى من الاول بدل ما نخترع حل لمشكلة احنا اللى عملناها اساسا؟؟

MMamdouh

اقتباس:

---

المشاركة الأصلية كتبت بواسطة mmamdouh

انت صح طبعا... انا قصدى ان دى مش مشكلة الحكومة ممثلة فى "الهيئة العامة للطرق و الكبارى" لان دة طريق سريع بالتالى مش من المنطقى ان يبقى فيه اماكن عبور مشاة او اشارات او كدة

لكن طبعا العيب على اللى سايب الناس دى - سائقى الميكروباص - تنزل و تحمل فى وسط الطريق بدون رابط ولا ضابط... و على فكرة نفس الحوار حتلاقية على كوبرى 15 مايو و 6 اكتوبر بس اللى يضحك بجد ان فيه سلالم للناس تطلع عليها... طيب هى السلالم دى معمولة ليه؟؟؟ هو طبيعى ان يبقى فيه بنى ادمين ماشيين على كوبرى علوى؟؟؟

طبعا تحول المفرق بتاع 15 مايو الى محطة ميكروباص (مفرق الكورنيش/26 يوليو/ الزمالك) و الناس بتعدى اى هبل و تتخبط و بعد كدة الحكومة عملت صور حديد فى نص الكوبرى عشان تمنع الناس انها تعدى... ما كنتوا قفلتوا السلالم اللى عاملة الازمة دى من الاول بدل ما نخترع حل لمشكلة احنا اللى عملناها اساسا؟؟

mmamdouh

---

و نفس الكلام برضه على كوبري عندنا في المنصورة عند الجامعة (حارتين فقط) و تلاقي اوتوبيسات و واقفة تنزل ناس عشان في موقف تحت الكوبري و حصل كوارث عليه قبل كدا ... و اصلا الأسفلت على الكوبري سئ جداً .. و هو عبارة عن مطبات هوا ... لو ماشي 60 بحس العربية هتطير مني!

طيب ايه رائيك ان المكروباصات بتقف على منزل كوبرى السيدة عائشة تنزل ناس و 90% منهم بيعدى من قدام الميكروباص عشان يبقى فى وش العربيات اللى نازلة

اعتقد ان دة واحد يستحق فعلا ان عربية تدوسة... و بتاع الميكروباص عايز الحرق

MMamdouh

اقتباس:

---

المشاركة الأصلية كتبت بواسطة MMamdouh

طيب ايه رائيك ان المكروباصات بتقف على منزل كوبرى السيدة عائشة تنزل ناس و 90% منهم بيعدى من قدام الميكروباص عشان يبقى فى وش العربيات اللى نازلة

اعتقد ان دة واحد يستحق فعلا ان عربية تدوسة... و بتاع الميكروباص عايز الحرق

MMamdouh

---

اللي بيعدي من قدام الميكروباص او الأتوبيس دا جاهل و يستاهل اللي يجرى له

طب تقول اية على اللي بينزل ركاب في يوتيرن ؟؟؟ و يخلي اللي وراه مش شايف الطريق ومش عارف يلف !!:_Alshmokh08[1]::_Alshmokh08[1]::_Alshmokh08[1]:
و حتى لما تيجي تلف تلاقي واحد على كبوت عربيتك...مهو الـ@#$%^$ منزله في يوتيرن