خطــوه جديده نحو تحسييـن اداء الخدمات المقدمه من التوكيـل

**Ayman_52** · 25-06-2010 10:27 PM

-:: الســـلام عليكــم ورحمــة الله وبركاتـــه ::-

ايــه أخبــار البروتونـاويــه , -ان شاء الله- كل حاجه تمـــام ,..

القصــه من اولهـــا .....

.....

من فتره كنا (مهاب وانا) قاعدين بنفكر فى افكار جديده تتعمل فى التوكيــل , وجت فى دماغى فكرة ان احنا نعمل حاجه زى -أستبيــان- ورقه اسئله كل عميل بعد الصيانه يملاها عن رايه فى خدمة التوكيل ,...

وعرضناها على المهندس/امــر , وعجبته جدا جدا ... وكانت دى نتيجـــة شغــل مهاب باشـــا

.
.

وبعد تعديلات المهندس/امــر, بقى شكلهــا النهــائى كده

.
.

-------------------

الورق دا بيتجمع كل اخر اسبوع , والمهندس/امـر بيقراه ويكتب الملاحظات الوارده فيــه

وانا هابقى اخد الورق دا كل فتره , عشان اعمل منه مستوى تقييم العملاء للتوكيل خلال المدة دى

--------------------------------------------
بجد شكـــرا للمهنــدس/أمـــر , على اهتمــامه وسرعته لتنفيذ الفكـــره

--------------------------------------------

: ملحـوظـــه :

الاسئلـه دى مهمــه جدا جدا عشان نلفت النظر لاى عيب او شىء سلبى موجود فى التوكيل , برجاء عند ملىء الاستماره الالتزام التـام بالحياديه دون اى مجاملات ... للحصول على الهدف المرجو منـه

--------------------------------------------

تحيــــــــــــــــــــــ ـاتـــى

**mody2008taher** · 25-06-2010 10:53 PM

يشرفنى انى اكون اول واحد يرد عليك
احنا طبعا نتمنى ان يكون عز العرب احسن توكيل فى مصر وان شاء الله كلنا هنتعامل مع الموضوع بمنتهى الحياديه والجديه وشكرا لاهتمامك انت فعلا انسان محترم جدا كفايه الوقت والجهد اللى بتبذله لخدمه البرتوانيين

**m.3abdel3al** · 25-06-2010 11:09 PM

ممتاز يا مووووووون ان فعلا في اشتراك مننا مع التوكيل في تطويره بجد حاجة ممتازه و شكرا ل م / امر على التنفيذ و شكرا ليك و مهاب على الفكرة

**ramyar** · 25-06-2010 11:15 PM

فينك من زمان يا معلم انتا واستاذ محمد عبد العال مره واحده في المنتدي ايوه كده رجعوا الروح للمنتدي

**mido_soliman** · 25-06-2010 11:41 PM

ممتاز جدا طب انا رايح الصيانة بتاعة الالف بكرة ان شاء الله حلاقى الورقة دى ولا مش حلاقيها :) علشان انول شرف انى اول واحد يملى الاستبيان دة وحظبطهم بكل حيادية والله :):):):)

**midosalah** · 26-06-2010 12:24 AM

بجد فعلا الواحد حاسس ان المنتدى دبت فىه الروح تانى

**mo7hamedemad** · 26-06-2010 04:03 AM

المشاركة الأصلية كتبت بواسطة mido_soliman

ممتاز جدا طب انا رايح الصيانة بتاعة الالف بكرة ان شاء الله حلاقى الورقة دى ولا مش حلاقيها :) علشان انول شرف انى اول واحد يملى الاستبيان دة وحظبطهم بكل حيادية والله :):):):)

هتلاقيها لانى انا عملتها يوم الاربع الى فات
تصدق بالله يا ايمن ان كنت واثق انك ورى الموضوع دة ونسيت اقلك يوميها

**mrwho1982** · 26-06-2010 04:12 AM

علي فكرة احنا انشط قسم في المنتدي كلة لان رجالة بروتون بتعمل احلي شغل بجد تسلم ايديكم

**Moi** · 26-06-2010 04:19 AM

ما شاء الله

بجد ربنا يباركلك يا أيمن انت ومهاب على المجهود والافكار الجامدة دى

ايوة كده يا عم اظهر تانى وشغل المنتدى من تانى
هى الامتحانات دى اللى كانت واخداك منا.... ربنا مايرجعها ويعديك منها بالسلامة

اشوفك الصبح بقى ان شاء الله
سلام