عرض للطباعة
عندي استفسار لو ممكن الزملاء ملاك الكليو يفيدوني...
أنا اكبر عيب باسمعه عن الكليو أسعار قطع الغيار الغالية
بس السؤال هي بتستهلك قطع غيار كتير أساسا؟
وعمر قطعة الغيار قد ايه؟
والأهم من كده اللى بقاله فترة معاه العربية بيصرف عليها قد ايه صيانة وقطع غيار سنوياً مثلاً؟
أنا عايز اعرف لو جبتها هقدر على مصاريفها ولا لأ
أنا اهلى طبعا اللى هيدفعولي تمنها بس مش عايز اتقل عليهم بعدها
وانا اللى مفروض اتكفل بكل مصاريفها بعد كده
وده هيكون عامل حاسم في اني اشتريها أو لأ
شاكر لحضراتكم مقدماً
كليو 2003
عداد 22 الف كم
صاينه 10 ب 280 جنيه بالتوكيل
صيانه 20 الف كم حوالى 897 تم تغير فيها البوجيهات -زيت توتال تخليقى -فلتر زيت -فلتر هواء - تيل فرامل امامى -تزويد ومراجعه جميع السوائل -تربيط العفشه - ضبط هواء العجل -غسيل السياره
الاسعار شامله الضريبه
تغير كلاكس بالتوكيل ب85 بالمصنعيه
على فكره الكليو ممكن تصلح اى حاجه فيها بره التوكيل عدا الاجزاء الخاصه بالمحرك وذلك لضمان معرفه العطل بالضبط مش اكثر
موديل ٢٠٠٧
عملة حوالي ٨٠٠٠ كم
على ما أتذكر الصيانة بعد ٦ شهور كانت ٣٠٠ جم
والحمد لله
ممكن حضرتك تشوف اللينك
http://www.nilemotors.net/Nile/showthread.php?t=2757
بص شوف انا هقولك عن تجربه واقعيه لأحد اقاربي
عربيته ماشيه 120 الف لحد دلوقتي وموديل 2003
المصاريف الكلية على العربيه اعطال وتغيير قطع غيار عمر افتراضي وليس حوادث
يعني الطبيعي بتاع العربيه
وكله في التوكيل دخل في 20 الف جنيه من 100 الف كيلو
ومتسألنيش ازاي
قطع الغيار عمرها الأفتراضي ضعيف جدا مقارنة بمثيلاتها في السوق
ولها اعطال كهربائية كتير
وحاسب منهم نقله للعربيه كل ما تقف منه لأي سبب من بطاريه الى الاعطال اللي عاناها منها
تيب ياريت يبو عبدو تسئلنه الراجل ال بتئول انو اريبك . لما هيه عربية فشلة كدة . اه ال مخليه يتمسك بيهة 120000kmاقتباس:
المشاركة الأصلية كتبت بواسطة أبو عبدالله
ممكن اعرف يا ابو عبدالله ايه المشاكل الى حصلت مع قريب حضرتك بالضبط ؟
وايه مشاكل الكهرباء بالتحديد
العربيه كانت بتبقى ماشيه وتروح فجأه مرجرجه وعداد الأر بي ام يطلع وينزل فجا لوحده وتفضل كده مشكلتها بقه
انك لو ماشي على سرعه وفجاه عملت كده وفي حد وراك فأحتمال كبير جدا يلبس فيك لأنها بتبقى عامله زي الفرمله لأن العربيه بتفصل بنزين خالص وانت لم تضغط على الفرامل
ودي متصورة وهحاول اجيبلكوا الفيديو بتاعها لأن التوكيل مكنش عارف دي ايه راح قريبي مصورهالهمم على الموبايل
وراحت اتصلحت اكتر من مره وبرضه ترجع تاني قعدت تقريبا فتره كبيره
بس هيا دلوقتي مش بتعملها بس والله بعد معاناه
اما بخصوص هو متمسك بها ليه
ما هو على راي المثل القرد في عين امه غزال
يعني كل واحد له خبره معينه محدده له وبيتعامل بها
ولو شايف ان الشاهين احلى عربيه لو عملت معاه ايه هيا احسن عربيه برضه
يعني الناس اللي راكبين 128 ومعاهم يركبوا احسن منها برضه شايفين انها احلى
مش مشكله تقف به على الطريق مش مشكله
كل واحد حر في النهايه
ما الناس بتشتري الصيني اهه وميه ميه
el kalam dah 3ala el Clio only or with Megane also ??!!
ya3ny the megane after 10000 km will be like that ??
انا فعلا الموضوع ده حصل معايا اول ما اشتريت العربيه واصلح فى الضمان فى 5 دقائقاقتباس:
المشاركة الأصلية كتبت بواسطة أبو عبدالله
غير كده محصلش معايا تانى
+الكلاكس اتحرق وغيرته على حسابى وماشى معايا زى الفل
الحمد لله العربيه معايا 5 سنوات وكان معايا لانوس برضو فى خلال الحمس سنوات دول والكليو لا تقارن بالانوس بتاتا من ناحيه الاداء
انا شايف ان الكليو كانت احسن اختيار وقتها لما كانت ب52 الف والانوس ب55
لاكن دلوقتى 74 الف دول ممكن ازود واجيب حاجه احسن من الكليو
بس والله العربيه مش وحشه اوى زى ما انت متخيل
مصطفى باشا الموضوع دا متهيألى محدش فى الميجان حصلوا الكلام دااقتباس:
المشاركة الأصلية كتبت بواسطة moustafafarouk600
لكن انا حصلى حاجة قريبة من كده لقيت العربية بقطع كإنها متلتة و دا كان سببة كويل الإنجكشن و لما بيتغير العربية بترجع زى الاول لكن أعراضه ما بتبقاش زى ما أبو عبدالله بيقول فى الكليو
يعنى بتحس إن العربية مخنوقة و مش بتجرى فقط
يا ليمو باشا وبرضه التلكس غيره وكل اللي اعرفهم غيروا التلكس ده
وبرضه في خرطوم للهواء اللي داخل الماتور بضه يبوظ في اقل من 100 الف وبيتغير وسعره مش رخيص بس مش متذكر كام
يعني فيها حاجات كده بقت معروفه
ولكن انا مش بقول انها وحشه للدرجه دي
فانا اشهدلها ان عزمها ونعومة سحبها جمال جدا ولكن كعربيه اجمالي في احسن منها للمستهلك بكتير
وبرضه انا عند كللامي العربيه متعبه جدا في السواقه وبالذات لو مسافات
يا ابو عبدالله انا ملاحظ ان معظم مشاركاتك قصدي كلها عن الكليو نقد جامد جدا مع ان حضرتك ما عندكش كليو ؟
اعتقد علشان كل الناس تستفيد من المنتدي كل واحد يقول خبرته مش رأيه الشخصي
ولا ايه راي حضرتك ؟
مع خالص احترامي لك و لأرائك خصوصا عن الدايهاتسو اللي كانا بنستفيد منها
أتفق معاك تماما فيما قولتهاقتباس:
المشاركة الأصلية كتبت بواسطة achrafhendawy71
ان الواحد المفروض يتكلم عن تجربه
ومتهيألي المفروض ان لو حضرتك زي ما انت ملاحظ ان بنقد الكليو هتلاقي اني لا اتكلم في كل العربيات حيث انني لا اتكلم الا عما اعلم عنه وجربته وليس كل انواع السيارات
انا بركب الكليو دي زي عربيتي لأن مع قريبي اللي عنده عالطول
ودائما انا اللي بصلحهاله كمان في غالب الوقت
فأكيد مش هفتري على عربيه واتكلم عنها وانا لا اعلم عنها شئ
وانا متهيألي ذكرت حاجات في العربيه أكيد محدش هيعرفها الا اللي مجربها
وانا ذكرت فيها برضه حاجات تبهر زي جري الماتور وقوته وسحبه ولكن كل السلبيات بصراحه كتر من الأيجابيات اللي فيها
وعلى فكره العربيه دي لا يباع منها الا في القاهرة
يعني حضرتك لو رحت اي محافظه تانيه هتعد الكليو اللي فيها على صوابع اليد الواحده
ولذلك الموديل الجديد منها لا يباع الأن
لأن العربيه فعلا فيها حاجات رخمه زي الضيق الداخلي لها
علو مصاريف الصيانة وقطع الغيار النار في سبيل انها عربيه بــ 72 الف تقريبا
زي مثلا يقولك الوسع الداخلي للشنطة 510 لتر
يا فرحتي لما الشنطه واسعه وانا قاعد مخنوق داخل العربيه
هيا مش عربيه نقل دي سيدان
طيب انا هقولك على حاجه
مش شنطتها 510 لتر
وانا شنطتي 225 لتر
مره حطيت في شنطتي سخان ميه كهرباء 50 لتر
دخل عندي عادي والله في اي حاجه
جيت ادخله في شنطة الكليو مرضاش يدخل من ضيق فتحة الشنطة
طيب يا فرحتي شنطتي 510 لتر ومش عارف ادخل فيها حاجه زي كده
القصد انا النجاح مش بالأرقام وبس
النجاح في الأستخدام الفعلي
وشكرا لك وعالعموم انا لا افتى فيما لا اعلم فيه
الاخ العزيز ابوعبدالله
لو تسمحلى حضرتك اعلق على بعض النقاط الى انت ذكرتها عن تقيمك للكليو
اولا انا مش معاك خالص ان عيوب الكليو تعلوا عن المميزات فياريت علشان الموضوع يكون اكثر افاده حضرتك تحصر جميع العيوب وجميع المميزات ونتقاقش فيها
-موضوع قطع الغيار
انا لم انكر ان قطع غيار الكليو غاليا لاكن مش نار
العمليه مش بحسب بثمن العربيه بكام وقطع غيارها بكام لا الموضوع بتحسب بعوامل كتير منها العمر الافترادى
عندك الاسبرنزا شوف قطع غيرها عامله ازاى والفرنا شوف قطع غيارها دلوقتى
مش بس كده عندك العربيه البرودا كانشيل شوف سعرها كام وقطع غيراها عامله ازاى
عندك الياريس الى 85 الف شوف سعر الطاسه بكام وسعر طاسه الميجان بكام
والامثله كثيره
-انا اعرف ناس معاهم كليو عامله 130 الف كم ومعاملوش حاجه فى العربيه غير الصيانه الدوريه وتغير بعض الاجزاء الاستهلاكيه الى تحتاجها اى عربيه
- اما عن مساحه الشنطه الخلفيه فطبيعى جدا ان السخان يدخل فى عربيتك لانها هاش باك -لاكن فى حاله لو مسافر وهتشيل حاجات كتير فى الشنطه انى عربيه هاتشيل اكثر الهاتش باك ولا السيدان ؟
كمان الى مصغر فتحه باب الشنطه الرف الخلفى الكبير وفى حين ان باب الشنطه صغير والعيب ده موجود فى الياريس والكورولا الشكل القديم لاكن مش موجود فى الانسر او الانوس او النوبيرا .
وشكرا لسعه صدرك
يا استاذ ليمو
انا مش في طور اني اتكلم على ليه العربيه فتحتها ضيقه ولا كبيره
المهم في النهايه هيا ليست مثل كثير من السيدان زي الفيرنا مثلا
شنطتها فتحتها اكبر وهتشيل السخان
وانا مش بقارنها بالهاتشباك
انا بأعطي مثل ان الأرقام مش كلام وبس وانما فعل كمان
العربيه معاك قطع الغيار مش في كل الأحول بتقاس بثمن العربيه انا القصد من ذلك ان لو شفت العربيات اللي في سعرها واعلى منها في السعر كمان هتلاقي قطع غيارها ارخص او متساويه ومعمره اكتر كمان منها
مميزات السيارة بالنسبة لي :
1- ماتور قوي وسحبه ممتاز
2- خامة التابلوه جميله بصراحه
3- اداء الفرامل جيد
4- استهلاك البنزين جيد ايضا
عيوبها :
1- ناشفه جدا سواء الكراسي او العفشة بتاعتها مقارنة بمثيلاتها
2- قطع غيار غاليه مقارنة بعمرها الأفتراضي
يعني شوف بعد 100 الف كيلو هتصرف كام في الصيانات الدورية وقطع الغيار الاستهلاكية وشوف عربيه غيرها مثيلة في السعر بتاعها هتصر كام ايضا وانت تعرف
3- العربيه ضيقه جدا جدا من الداخل سواء في الامام او الخلف وانا اتحدى احد ان ينكر ذلك
4- وضع الدركسيون وعدم اتاحة الفرصه على تحريكه متعبه جدا في السواقة خصوصا لو بتقعد كتير في العربيه واظن ان اللي مجرب عربيات احسن هيعرف الفرق
يعني انا وانا معايا النوبيرا مكنشي الكرسي بالنسبة لي وحش وانما لما جربت الكورولا والسيريون بتاعتي عرفت اني كنت بتعذب على الكرسي بتاع النوبيرا
5- احتمال حدوث اعطال كهربائية مفاجأة ترتفع لنسبة 40 % تقريبا خصوصا البطارية عمرها الأفتراضي ضعيف خصوصا انها اغلى من الذي يباع بالخارج من انواع تانيه معروفة
6- معرفش حد معاه العربيه لم يغير التلكس بتاعها قبل 100 الف كيلو الأولانيه
7- اسعار الصيانه مرتفعه
8- مفيش ميكانيكي يعرف يشتغل فيها ومقتصر ذلك للتوكيل
9- الجلد اللي حوالين الزجاج الامامي والخلفي غالبا بتتشال بد فتره قصيره لتقع لا انت تلحقها وتعينها
10- وضعية مفاتيح فتح الزجاج ومفتاح السنتر لوك بصراحه غبيه جدا جدا للصبح
كفايه كده لو افتكرت حاجه هبقى اقولها ان شاء الله
الاخ العزيز ابو عبدالله
معلش انا اصلى مش هسيب حضرتك غير لما تقتنع بالكليو وتشترى واحده كمان فاستحملنى شويه
-اولا موضوع السخان وفتحه الشنطه الضيقه المصنع اكيد مش هيضع فى اعتباره اماكنيه دخول سخان فى العربيه ولا لان السخان انت ممكن تضعه فى الكنبه الخلفيه او على شبكه فوق سقف العربيه .مش قضيه
ما الكورولا والياريس برضو باب الشنطه صغير معنى كده انى مجبش ياريس ولا كورولا علشان باب الشنطه صغير ؟
-انا مش هتكلم عن قطع الغيار غاليه ولا رخيصه بس ليا تعلق على ان قطع الغيار مش معمره
اولا اغلبيه قطع الغيار فرنساوى مش تركى هي اينعم موجوده بكثره فى تركيا بس صناعه فرنساوى بس مش تركى
حضرتك شوف العربيات الكيو 2001 الى ماشيه فى الشارع عامله ازاى اعتقد انها ليه ماسكه نفسها
فياريت حضرتك تقولى ايه الى باظ فى العربيه بالضبط وباظ بعد كام كيلو علشان تحكم ان العربيه انها مش معمره
http://nilemotors.net/Nile/showthread.php?t=2757
ده اسعار الصيانه وقطع الغيار لاخونا شاركى موضحه اسعار الصيانات لغايه 100 الف كم وبعد 100 الف ما يخلصوا تداء تانى من الاول يعنى هيه هيه بعد 100 الف كم مفيش اى زياده
-اما عن موضوع الكراسى الاماميه والخلفيه الناشفه فانا شايف ان الكراسى عاليه و مريحه فى السفر -لاكن من اريح من الكرولا مثلا -لاكن اقدر اقول انها اريح من الانوس والفرنا
-اما عن موضوع الدركسيون وعدم تحركه اعلى واسفل فده عيب فعلا لاكن الحمد لله مش مسبب لى مشكله
5- البطاريه ازى عمررها ضعيف انا البطاريه اصليه فرنساوى اعدت معايا 4 سنين و5 شهور بالضبط وجب بطاريه اى سى دلكو ب250 جنيه والعربيه ماشيه زى الفل
6 -حضرتك بقول احتمال حدوث اعطال كهربائيه 40 % انت مش شايف ان النسبه ده فيها مبالغه شديده
انا المشكله الكهربايه الوحيده حصلت اول ما جبت العربيه واتحيت فى الضمان علطول فى 5دقائق على مدار 4 سنوات لم يحدث لى اى مشاكل كهربائيه
7-بالنسبه ان محدش بيفهم فيها -الكلام ده مضبوط على الاجزاء الحساسه فى المتور والمحرك نفسه لاكن عفشه وباقى العربيه ممكن اى ميكانيكى يشتغل فيها عادى واعتقد ان الكلام ده مش موجود فى الكليو بس وانما العربيات الحديثه كلها
كمان فى ناس متخصصه فى تصليح الرينو بسى احنا بنكلم فى الاضمن
8-بانسبه لجلد الزجاج الامامى والخلفى
اولا الزجاج الامامى والخلفى مثبت بسيلكون مش كاوتش يمكن الزجاج الامامى معظى بكاوتش ليس لتثبيت الزجاج وانما علشان يخفى حدود الزجاج
والجرء االى بتشال ده جزء صغير جدا بتاع زوايا الزجاج الى فوق ومفش منه ضرر انه يتشال
9 انا معايا الهاف اوبشين مش الفول اوبشين وفعلا وضعيه مفتاح الزجاج الكهرباء فى السمامات الاماميه مش ظريف
10- حضرتك نسيت تقول ان العفشه ناشفه شويه علشان خدمه شاقه
وكمان ميزه ان العربيه عاليه عن الارض
اشكرك وانا سعيد جدا بمناقشه اخ فاضل مثلك
فى النهايه احب اقول ان كلمه قولتها فى موضوع سابق ان الكليو ممكن تكون مناسبه لشخص ومش مناسبه لواحد تانى الموضوع
-
انا عشت في فرنسا 7 سنين و الكليو هي السياره الأولي هناك اكتر من البيجو و السيتروين
طبعا علشان صناعه فرنسيه بس طبعا الناس دي مش حتشترى اى عربيه علشان صناعه بلدها بس لكن علشان هي تستحق
-مش معني انها مش منتشره في مصر انها وحشه
- عربيه ناعممممممممممممممه للصبح
- انا مش شايف انها ضيقه ابدا و كنت باركبها انا و مراتى و ابني و صديق لى و اسرته من غير ما نتخنق
- لولا اختلاف الأذواق لبارت السلع و اكيد مش حنتفق كنا علي حاجه واحدة
بس ما نطلعش فبها القطط الفطسانه- دي صناعه فرنسيه مش هندي او صيني
أنا أكتر واحد أجاوب على السؤال دا لإنى معايا الإتنيناقتباس:
المشاركة الأصلية كتبت بواسطة limo
الطاسة الواحد فى الميجان بـ 95.00 جم يعنى الأربعة بـ 380.00 جم
الطاسة الواحد فى الياريس بـ 250.0 جم يعنى الأربعة بـ 1000.00 جم يعنى أجيب جنوط أحسن :D
بالنسبة للكليو أنا ليه مهندس عندنا فى الشركة أسكندرانى أصلا و بيشتغل فى القاهرة بينزل جمعة و سبت الأسكندرية و شارى العربية من 2003 و عامل بيها دلوقتى 215.000 اف و بيقولى العربية زى الفل و مابيعملش فيها اى حاجة غير الصيانات الدوربة فقط
ممكن سؤال يا أبو عبدلله
هو حضرتك بتمشى بالسخان كتير ليه ؟
على فكره إوعى تزعل من هزارى يا أبوعبدالله
وأنا سمعت كلامك وجبت ياريس
أولا انا برضه لم اتحدث على هذه النقطه لذاتها وانما استشهاد بموقف لكي اقول لك ان العربيه فيها حاجات غريبه وليست متوافقه مع بعضها زي انها سيدان وفتحت الشنطة ضيقة جدا مع ان الشنطة واسعه جدا جدا بالنسبة لفئتها وكمان الصالون ضيق جدا جدا لحساب الشنطة وفي الأخر مش بستفاد من الشنطة للدرجة الكاملة اللي المفروض اخدها منها بما انها على حساب الصالون بالمنظر دهاقتباس:
-اولا موضوع السخان وفتحه الشنطه الضيقه المصنع اكيد مش هيضع فى اعتباره اماكنيه دخول سخان فى العربيه ولا لان السخان انت ممكن تضعه فى الكنبه الخلفيه او على شبكه فوق سقف العربيه .مش قضيه
للأسف ان شنطتهم هتاخد السخان او غيره لأن فتحتهم واسعه وليست كالكليواقتباس:
ما الكورولا والياريس برضو باب الشنطه صغير معنى كده انى مجبش ياريس ولا كورولا علشان باب الشنطه صغير ؟
وياريت تتفهم انا بتكلم في انهي نقطه ومقصد كلامي ايه
ده انا اللي مش هتكلم وهقول لحضرتك فلتر الهواء اللي بيتغير كل 10 الاف كيلو ده ايهاقتباس:
انا مش هتكلم عن قطع الغيار غاليه ولا رخيصه بس ليا تعلق على ان قطع الغيار مش معمره
اولا اغلبيه قطع الغيار فرنساوى مش تركى هي اينعم موجوده بكثره فى تركيا بس صناعه فرنساوى بس مش تركى
حضرتك شوف العربيات الكيو 2001 الى ماشيه فى الشارع عامله ازاى اعتقد انها ليه ماسكه نفسها
فياريت حضرتك تقولى ايه الى باظ فى العربيه بالضبط وباظ بعد كام كيلو علشان تحكم ان العربيه انها مش معمره
بلاش ده انا هقولك عاوزك تحسب العربيه دي بيتصرف عليها اد ايه من اول ما تشتريها لحد ما تعمل 100 الف كيلو وهات الياريس اللي انت بتقول عليها او الكورولا وشوف دي هتكلفك كام بالفلوس لحد ما توصل 100 الف كيلو ودي هتكلف كام قصادها وانت تعرف انها غاليه وجدا كمان وانا اعلم ما اقوله ان شاء الله
وانا لا اتكلم على حالات فرديه وانما ككل
وغالب قطع الغيار تركي وليست فرنساوي ولما جينا نشتري القنطرة اللي تحت الماتور لم نجد الا استيراد او تركي سيئة جدا
والا تشتريها من الوكيل
حضرتك لو انت متعود على دركسيون متحرك صدقني هتحس وهتعرف ان الموضوع ده متعب جدا بالذات لو بتركب العربيه كتيراقتباس:
-اما عن موضوع الدركسيون وعدم تحركه اعلى واسفل فده عيب فعلا لاكن الحمد لله مش مسبب لى مشكله
لأن انك تفضل رافع ايديك بالمنظر ده ممل جدا ومرهق ليديك
والله شوف انت عطلت برضه كام مره في المائة الف كيلو بسبب الكهرباء وشوف العربيات التانيه اللي انت اشرت اليها كام واحد مشى الماءة الف كيلو ولم يشتكي او تعطل العربيه منه في المائة الف كيلو بسبب كهرباءاقتباس:
6 -حضرتك بقول احتمال حدوث اعطال كهربائيه 40 % انت مش شايف ان النسبه ده فيها مبالغه شديده
انا لا اتكلم عن ضرر ولو مش عند حضرتك ضرر ممكن يكون عند غيرك ضرر ان العربيه يبقى متشال منها الجلد دي وشكلها بايخ ورغم بصراحه وكويس انها عندك لأنها في غالب الكليو اذا مكنشي كلها علشان ده عيب تصميم وتقفيل بعدهاقتباس:
8-بانسبه لجلد الزجاج الامامى والخلفى
اولا الزجاج الامامى والخلفى مثبت بسيلكون مش كاوتش يمكن الزجاج الامامى معظى بكاوتش ليس لتثبيت الزجاج وانما علشان يخفى حدود الزجاج
والجرء االى بتشال ده جزء صغير جدا بتاع زوايا الزجاج الى فوق ومفش منه ضرر انه يتشال
أحب ان اقول لك من كلامك انت :
عيوب السيارة :
1-2-اقتباس:
انا لم انكر ان قطع غيار الكليو غاليا لاكن مش نار
3-اقتباس:
-اما عن موضوع الكراسى الاماميه والخلفيه الناشفه فانا شايف ان الكراسى عاليه و مريحه فى السفر -لاكن من اريح من الكرولا مثلا -لاكن اقدر اقول انها اريح من الانوس والفرنا
4-اقتباس:
اما عن موضوع الدركسيون وعدم تحركه اعلى واسفل فده عيب فعلا
يعني في نسبة لوجود اعطال فعلا والدليل انها حصلت معاك مره وهيا لا تقاس بفرديه بس حصلت معاك ومع فلا ومع علان مع ده ومع ده يبقى فيه مشاكل كهرباء في العربيهاقتباس:
حضرتك بقول احتمال حدوث اعطال كهربائيه 40 % انت مش شايف ان النسبه ده فيها مبالغه شديده
5-6-اقتباس:
بالنسبه ان محدش بيفهم فيها -الكلام ده مضبوط على الاجزاء الحساسه فى المتور والمحرك نفسه
7-اقتباس:
بانسبه لجلد الزجاج الامامى والخلفى
اولا الزجاج الامامى والخلفى مثبت بسيلكون مش كاوتش يمكن الزجاج الامامى معظى بكاوتش ليس لتثبيت الزجاج وانما علشان يخفى حدود الزجاج
والجرء االى بتشال ده جزء صغير جدا بتاع زوايا الزجاج الى فوق ومفش منه ضرر انه يتشال
للأسف مفيش حاجه اسمها ناشفه علشان الخدمة الشاقة يبقى اركب ايسوزوا احسناقتباس:
حضرتك نسيت تقول ان العفشه ناشفه شويه علشان خدمه شاقه
في النهايه انا لا ارى اختلاف مع كلامي الذي ذكرته لعيوب هذه السيارة من كلامك انت مالكها
وشكرا للتحدث معك ايضا واحنا طبعا نتشرف بمحادثتك وحوارك ان شاء الله
omm el s7`aan el 7aiza3alkoo men ba3dd :)
abo 3abdo el 3arabia 7elwa mat7awelsh
علي فكرة انا عربيتي كليو 2001 والدركسيون بتاعها بيتحرك لفوق وتحت
والصراحة العربية ممتازة بس فيها عيب انها ضيقة شوية
وموضوع قطع الغيار دا انا شايف انها عادية لان قطع الغيار دي معمرة جدا
والعربية ال 2001 كانت نازلة بعيب في طرمبة البنزين بس التوكيل كان بيغير الطرمبة ببلاش بس للاسف انا معرفتش الا قريب بعد مالضمان خلص بكتييييييييييير
وكمان انا مروحتش التوكيل غير مرتين 5000 كم و 10000 كم بس والعربية عاملة معايا 100000 كم وبعمل الصيانة عند ميكانيكي برة وخلاص (تغيير الفلاتر والزيوت وتيل الفرامل والحاجات البسيطة دي ومرة غيرت طرمبة المياه عند الميكانيكي برضو )
مروحتش مركز صيانة الا عشان اغير سير الكاتينة بس عشان كنت خايف اغيرو عند الميكانيكي
خلاصة الكلام العربية الكليو عربية ممتازة بمعني الكلمة وتستحق كل قرش دفعتو فيها.
بس كان ليا استفسار بسيط حد يعرف محل لبيع قطع غيار استيراد عشان عاوز اجيب كبلنين للعربية سالت علي تمنهم لقيت الكبلن الواحد الاصلي ب 1650 جم لييييييييييييييييية مش عارف حرام بجد لو حد يعرف مكان محل يقولي علي عنوانه بالظبط
fe fel7erafieen
we fee fe sa2r koreesh mad7al el ma3aadii-autostrad