عايز اعرف رايكم فيها بصراحة يا اهل الخبرة
عرض للطباعة
عايز اعرف رايكم فيها بصراحة يا اهل الخبرة
أختيار موفق ويعتبر من احسن الاختيارات فى فئة سعرها
عربية جميلة وواسعة وادائها قوى وعزم شديد وبتتحمل
لكن يعيبها غلو بعض قطع الغيار نسبيا عن الفيات لكن بتعيش اضعافها
الماتور بتعها مش اى ميكانيكي يشتغل فيه عاوز واحد خبرة فى البيجو
وبس
اصل فى ناس كتير بتخوفنى منها ويقولولى لا بلاش انا محتااااااار
بالنسبه لل305 عربيه جميله وواسعه
وعزمها حلو جدا
الموتور 1500 سى سى
مميزاتها
اقنصاديه فى البنزين
قطع غياراها متوفره وسيبك من اللى بيقول ملهاش قطع غيار
كل بتوع البيحو فى الوكاله بيشتغلوا فى قطع غيارها وخاصه سمير العسكرى واخواته وولاد عمه
وعلى ليفه وواحد اوعى تتعامل معاه اسمه زقلط (حرامى وقليل الادب)
كل بتوع لاظوغلى بتوع قطع الغيار عندهم حاجتها
شنتطها واسعه وجميله تشيل يعنى
افضل مليون مره من ال128 مع احترامى الشديد لها
ناعمه فى السواقه
سريعه
العداد 180 كيلو
عيوبها
مش كل الصنايعيه وخاصه الميكانيكيه بيشتغلوا فيها
بعض الموديلات حوضها ضيق خاصه السبعينات
الجنوط 3 مسمار (هتدوخ شويه عشان الجنط الاسبور 3 مسمار لاكن موجود) وفى ناس بتغير السره والطنابير تخليهم اربعه مسمار والله اعلم
بعض قطع الغيار غاليه بس مش غلاء مطلق بل غلاء نسبى(يعنى طرنمبه المياه مثلا تعمل استيراد 130الى 150 جنيه ولاكن بتعيش 10الى 8 سنوات وممكن اكتر بكتييييير يعن غالى رخيص
نصيحه حاول تجيب موديل الطياره لانه ممتاز بمعنى الكلمه
لان حوضه واسع وممكن تسقط عليه موتور 405 بيركب فيها
وربنا يوفقك فى حته كويسه ولو عاوز ميكانيكى متخصص ابقى قول وانا اوصفلك
وانا برضه سمعت انه يوجد قطع غيار ليها غير موجودة ارجو اللى عنده العربية يقول ايه قطع الغيار النادرة ولا كل القطع متوفرة
كله موجود فى الوكاله لاكن النادر هتلاقيه الجديد
انا معايا العربية بقالها 4 سنين عربية زى الفل ولسه عملها سرفيس بس هى محتاجة شوية دهان خارجى لان فيها شوية خرابيش فقط فى الابواب ( مفيهاش حتة صاج موعوجة ) والعربية فابريكة دواخل بالكامل وحوضها نظيف جدا وبفكر اليومين دول ابيعها علشان نفسى اركب عربية بتكييف علشان مشوار الشغل بتاعى كل يوم من مصر الجديدة لـ 6 اكتوبر والموضوع صعب جدا فى اليومين الحر دول وهى موديل 79 لو تحب تشوفها ممكن تكلمنى على رقم تليفونى ده 0123374762 على فكرة عربية حمالة اسية واسال الاعضاء اللى معاهم العربية دية وعلى فكرة قطع غيرها موجودة فى كل حتة مش صعبة زى ما الناس بتقول لانى لما جيت اشتريها الناس كانت بتقولى كدة برضه ومنهم المكانيكى اللى بتعامل معاه وبعد ماجبتها بحوالى سنة لقيته هو كمان اشترى واحدة لنفسه بعد ماكان بيقول عليها وحشة وقطع غيارها غالية وكمان جارى عنده محل كاوتش اشترى واحدة زيها بعد ماانا اشتريت ب3 شهور يعنى لو هى زى مالناس بتقول ماكنش الناس دى اللى همه فى المهنة كانوا جابوها اتوكل على الله العربية كويسة صدقنى دي الحقيقة مش عشان عايز ابيع عربيتى لانى لغاية دلوقتى مقررتش ابيعها بشكل نهائى لانى مستخسر ابيعها وبفكر اسيبها لمراتى تتعلم عليها خصوصا ان اعطالها قليلة يعنى مش هاتعمل حركات نص كم مع المدام
استاذ احمد علوان
تحية طيبة
انا مش عارف ابعتلك الرد على اسئلتك لان المنتدى بيدينى رسالة بعد ما بعمل ارسال يقولى لم يستدل على المرسل اليه ارجو انك تكلمنى على التليفون افضل وهو 0123374762
طيب بالنسبه لقطع الغيار الخارجيه زي الاكصدام و الفوانيس متوفره و لا الواحد يدوخ عليها