الموضوع: السواقه و الموبيل. انت بتحس بايه؟

المشاركة الأصلية كتبت بواسطة د.محمود صلاح

واللي بيقرأ جرنال وهو سايق تقولوا فيه ايه ؟

والله شفتها أكثر من مرة..وفي إسكندرية كمان مش في القاهرة فقط..يعني لما شوفتها في القاهرة قلت يمكن عشان الإشارات والزحمه..لكن في اسكندرية؟؟!!!!!..واللي يغيظ إن تلاقيه ماسك الأهرام مثلا

عموما الناس بتتكلم كتير في التليفون في كل الأوقات وبالتالي ده هينسحب على فترة السواقة..لكن في بعد نفسي في الموضوع وهو إن بعض من يتحدث في الهاتف أثناء القيادة يشعر بنوع من اللذة (العوجان) وده بيكون ملحوظ جدا وخاصة لو حاولت تنبهه تلاقيه بصلك بطريقة مليئة بالغرور والتعالي نظام (إيه الناس اللي مش مشغولة زيي دي)
كنت باعلم واحد صاحبي السواقة وتاني مرة يركب عربية تليفونه رن راح ماسك الدريكسيون بإيده الشمال وساند كوعه على الشباك ومدخل إيده اليمين بيطلع التليفون من الجيب الداخلي للجاكت بحركة كده مفعمة بالـ (سينس)....خلاني زعقت فيه واديته اللي فيه النصيب..غالبا الروح دي انتقلت له من ملاحظته لطريقة الناس في التعامل مع الموقف ده

انا طول عمري بقول ان الشعب ده معدووووووووووووم من الثقافه ووالله من كل الفئات يعني سواء الاتوبيسات ولا الميكروباصات او حتى الملاكي وتلاقي مبالاة ويا جماعه انعدام الوعي بقى ظاهرة غريبه جدا
اناعن نفسي اول لما بطلع من الشارع بتاعي والله ما بشيل ايدي من على الكلاكس " استعدادا " علشان اكلكس وانا كمان من النوع الي بقرف الناس وممكن اكلكس 5 دقائق بدون ادنى مشكله وربنا يتوب علينا بقى يا رب