فعلا الموبايل مصايبه بحالها
عرض للطباعة
فعلا الموبايل مصايبه بحالها
أحمد باشا ألف سلامة على عربية حضرتك ربنا يقومهالك بألف سلامة .:ask:
زي ما حضرتك قلت ال car kit حدث ولا حرج على اسعاره .
الحل التاني بتاع الكاسيت انا جربته كام مرة صوت السماعات وحش اوي واللي بكلمه بيسمعني بالعافية ولما سألت في محل بتاع موبيلات قاللي هو ده الطبيعي لازم يا إما تكون هاند فري بسلك أو سماعة بلوتوث .
لجد دلوقتي بجد مش لاقيلها حل يتناسب مع إحتيجاتي.
والله انا مش بعمل كده منظره او عوجان على خلق الله زي ما بعض الناس بتعمل بس ظروفي بتحتم عليا ان في تليفونات متتاجلش.
ربنا يسترها معانا و متشكر يا استاذ أحمد على رد حضرتك .
أتمنى لو حد من الأعضاء برضه ليه تجربه في سماعات البلوتوث دي يقوللي على نوعها و بكام .
مشكورين جميعا .
اغتت حاجة اللى بيمشوا يتكلموا فى الموبيل
انا على نفسى مبعرفش اتكلم وانا سايق ابدا ابدا لازم اركن وارد على التليفون
لو رديت وانا سايق بتبقى نص المكالمة اقفل وانا هتصل بيك (لان ديما مبيبقاش متاح للواحد الركنة بسهولة)
والمخالفة الوحيدة اللى عملتها من ساعة لما سقت هى انى اتمسكت موبيل
كان واحد صحبي عمال يتصل فبرد علية وبقولة ثوانى اقفل وهكلمك لقيت العسكرى واقف وبينادى موبيييييييييييييييييل
نزلت رضيتة وخلاص
لا تتصل حتى تصل
إدارة التوعيه , مرور نايل موتورز
انا بصراحه اللي بيستفزني البنات اللي بسوق و المرايات الاتنين مقفولين
وياااااااااااااويلك و يااااااااا سواد ليلك لو ده طلع باشا أو طلعت مرات باشا يبقى انتا الغلطان علشان الباشا طبعاً مبيغلطش :T_thum1[1]:
انا شفت فى مدينة نصر عربيتين ماشيين جمب بعض بالراحة و عربية منهم اتفتح شباكها و ناولو طفل صغير بتاع 6 سنين للعربية التانية من الشباك برده و الموقف بيدلل على مدى الاستهتار اللى الناس وصلتله فى الشارع
اما بخصوص هواة التكلم فى المحمول فدول حسبى الله و نعم الوكيل فيهم و تصرفى بيكون مقطوعة موسيقية من نغمات الكلاكس قريبة قوى من زفة الافراح و ممكن احسن منها كمان و الحمد لله بتجيب نتيجة كتير بس هوا بيفتحلى الطريق و بيزنق على غيرى لانهم بنسبة كبيرة بيبيقوا ماسكين نص الطريق بالظبط
حسبى الله ونعم الوكيل فى :-
1- كل واحد سايق وبيتكلم فى الموبايل ومكبر دماغة عن الطريق ومكبر عن باقى الناس اللى ماشية جنبة او حوالية
2- فى كل واحد سايق ومش مهتم بالمرايات وقافلها وماشى كده بالفهلوة
3- فى كل واحد سايق مش مهتم بالاشارات ومكبر دماغة من الطريق ومقضيها بلطجة
4- فى كل واحد سايق وضارب الزينون فى عيون البشر اللى ادامة وكأنة الطريق اللى بابا جابهولة
حسبى الله ونعم الوكيل
حسبى الله ونعم الوكيل
حسبى الله ونعم الوكيل
(بقولها من القلب بجد)