السواقه و الموبيل. انت بتحس بايه؟

**N.a.j.d** · 26-06-2010 05:52 PM

فعلا الموبايل مصايبه بحالها

**fadyspot** · 26-06-2010 06:00 PM

المشاركة الأصلية كتبت بواسطة gazzar91

طيب ما تجيب Car Kit
أو شغل الموبايل على الكاسيت و حط الموبيل على رجلك و إنت سايق و هتبقى المكالمة واضحة جداً
أنا كنت بعمل الحل التاني و أنا سايق عربيتي (ربنا يقومهالي بالسلامة) و كان نفسي في الحل الأول بصراحة بس كان غالي عليا...
في رعاية الله...

أحمد باشا ألف سلامة على عربية حضرتك ربنا يقومهالك بألف سلامة .

زي ما حضرتك قلت ال car kit حدث ولا حرج على اسعاره .
الحل التاني بتاع الكاسيت انا جربته كام مرة صوت السماعات وحش اوي واللي بكلمه بيسمعني بالعافية ولما سألت في محل بتاع موبيلات قاللي هو ده الطبيعي لازم يا إما تكون هاند فري بسلك أو سماعة بلوتوث .
لجد دلوقتي بجد مش لاقيلها حل يتناسب مع إحتيجاتي.
والله انا مش بعمل كده منظره او عوجان على خلق الله زي ما بعض الناس بتعمل بس ظروفي بتحتم عليا ان في تليفونات متتاجلش.
ربنا يسترها معانا و متشكر يا استاذ أحمد على رد حضرتك .
أتمنى لو حد من الأعضاء برضه ليه تجربه في سماعات البلوتوث دي يقوللي على نوعها و بكام .
مشكورين جميعا .

**night_phoenix** · 26-06-2010 11:49 PM

المشاركة الأصلية كتبت بواسطة fadyspot

ليه يا رجالة كده بس الطيب أحسن :)
الصراحة انا على طول بتكلم في الموبيل بس باخد بالي اوي من اللي ورايا و مش بعطل السكة ، أينعم انا نفسي اجيب سماعة بلوتوث عشان انا تعبت من ال50 جنيه اللي بدفعهم غرامة كل شوية بس يقال ، الله أعلم ، انها بتعمل صداع خصوصا على الفترات الطويلة :(
يا ريت لو حد عنده تجربه مع السماعات دي او يعرف نوع كويس يقوللي عليه يبقى كسب فيا ثواب كبير و رحم جيبي من ال50 المتبعزقة على المرور كل شوية دي .
و اوعدكم انشاء الله انني مش هكون سبب في عطلة المرور بسبب الموبيل :)
تقبلوا مروري.

انا معايا سماعه جبرا ب 90 جنيه و جميله الحمد لله ومش بحس معاها بتعب
هتلاقيها في موبيل شوب و ماليه الدنيا

**Eng_Mostafa_89** · 27-06-2010 01:42 AM

اغتت حاجة اللى بيمشوا يتكلموا فى الموبيل

انا على نفسى مبعرفش اتكلم وانا سايق ابدا ابدا لازم اركن وارد على التليفون
لو رديت وانا سايق بتبقى نص المكالمة اقفل وانا هتصل بيك (لان ديما مبيبقاش متاح للواحد الركنة بسهولة)
والمخالفة الوحيدة اللى عملتها من ساعة لما سقت هى انى اتمسكت موبيل
كان واحد صحبي عمال يتصل فبرد علية وبقولة ثوانى اقفل وهكلمك لقيت العسكرى واقف وبينادى موبيييييييييييييييييل
نزلت رضيتة وخلاص

**m_mekkawy** · 27-06-2010 09:33 AM

لا تتصل حتى تصل
إدارة التوعيه , مرور نايل موتورز

**medoxmedox** · 27-06-2010 10:52 AM

انا بصراحه اللي بيستفزني البنات اللي بسوق و المرايات الاتنين مقفولين

**mohamed_kta** · 27-06-2010 11:03 AM

وياااااااااااااويلك و يااااااااا سواد ليلك لو ده طلع باشا أو طلعت مرات باشا يبقى انتا الغلطان علشان الباشا طبعاً مبيغلطش

**Ahmed Galal** · 27-06-2010 11:06 AM

انا شفت فى مدينة نصر عربيتين ماشيين جمب بعض بالراحة و عربية منهم اتفتح شباكها و ناولو طفل صغير بتاع 6 سنين للعربية التانية من الشباك برده و الموقف بيدلل على مدى الاستهتار اللى الناس وصلتله فى الشارع
اما بخصوص هواة التكلم فى المحمول فدول حسبى الله و نعم الوكيل فيهم و تصرفى بيكون مقطوعة موسيقية من نغمات الكلاكس قريبة قوى من زفة الافراح و ممكن احسن منها كمان و الحمد لله بتجيب نتيجة كتير بس هوا بيفتحلى الطريق و بيزنق على غيرى لانهم بنسبة كبيرة بيبيقوا ماسكين نص الطريق بالظبط

**ihabchina** · 27-06-2010 11:55 AM

حسبى الله ونعم الوكيل فى :-

1- كل واحد سايق وبيتكلم فى الموبايل ومكبر دماغة عن الطريق ومكبر عن باقى الناس اللى ماشية جنبة او حوالية
2- فى كل واحد سايق ومش مهتم بالمرايات وقافلها وماشى كده بالفهلوة
3- فى كل واحد سايق مش مهتم بالاشارات ومكبر دماغة من الطريق ومقضيها بلطجة
4- فى كل واحد سايق وضارب الزينون فى عيون البشر اللى ادامة وكأنة الطريق اللى بابا جابهولة

حسبى الله ونعم الوكيل
حسبى الله ونعم الوكيل
حسبى الله ونعم الوكيل

(بقولها من القلب بجد)

**night_phoenix** · 28-06-2010 12:58 AM

المشاركة الأصلية كتبت بواسطة ihabchina

حسبى الله ونعم الوكيل فى :-

1- كل واحد سايق وبيتكلم فى الموبايل ومكبر دماغة عن الطريق ومكبر عن باقى الناس اللى ماشية جنبة او حوالية
2- فى كل واحد سايق ومش مهتم بالمرايات وقافلها وماشى كده بالفهلوة
3- فى كل واحد سايق مش مهتم بالاشارات ومكبر دماغة من الطريق ومقضيها بلطجة
4- فى كل واحد سايق وضارب الزينون فى عيون البشر اللى ادامة وكأنة الطريق اللى بابا جابهولة

حسبى الله ونعم الوكيل
حسبى الله ونعم الوكيل
حسبى الله ونعم الوكيل

(بقولها من القلب بجد)

وانا وراك بكل حته في قلبي و دمي و روحي بقول اميييييييييييييييين

الموضوع: السواقه و الموبيل. انت بتحس بايه؟

LinkBack

أدوات الموضوع

عرض

-

-

-

-

-

-

-

المواضيع المتشابهه

يعنى ايه مواصفات السواقه ؟هى العربيه بتحس بطريقه سائقها فى السواقه

سؤال من مبتدئ في السواقه بخصوص السواقه والعربيه((ليجانزا 2002

جديد في السواقه واتدبست في عربيه جديده وغاليه .. تنصحوني بايه ؟

سؤال من مبتدئ في السواقه بخصوص السواقه والعربيه((ليجانزا 2002

سؤال من مبتدئ في السواقه بخصوص السواقه والعربيه((ليجانزا 2002

الكلمات الدلالية لهذا الموضوع

المفضلات

المفضلات

ضوابط المشاركة