حل و فكرة لتجنب حوادث السير + تقليل المطبات + الحفاظ على نظافة الشوارع + عمر السيارات
http://img534.imageshack.us/img534/7060/basmala1.gif كل يوم و التانى واحد يعدى السكة عربية تموته أو تسبب فى عجزة مدى الحياة كل متر والتانى و أحنا راكبين العربية نلاقيها بتنط بينا و نقول معلش أصل دة مطب كل يوم والتانى نشتكى من عفشه السيارة و إنها بقيت مخلعة معلش أصله برضه من المطب كل يوم و التانى حاله العربيه فى النازل و زيارة الميكانيكى بتزيد معلش برضة أصله من المطب كل يوم بيتأكدلنا 100% أن مينفعش يدخل فى مصر لامبرجينى أو بورش لأنها واطيه (مش مستوانا لمؤاخذه أحنا بتوع الدبابات) فكرونى بأعلان رايحه فين يا فاطمه رايحه أجيب أومو .. جايه منين يا فاطمه كنت بجيب أومو طيب نعمل حل أو أقتراح كويس يخلينا زى الدول المحترمة إلى حياة الفرد عندها غالى وفى نفس الوقت بتحافظ على ملكياتها سواء سيارات أو غيره طيب نعمل أيــــــــــه دا أحنا أكتر دولة فى العالم عندها حوادث سير
1- بدل مايكون فى كل 10 متر نلاقى مطب معمول بشكل مستفز و عشوائى جدا لأ تتشال كل المطبات 2- فى أماكن عبور المشارة إلى مفيهاش كبارى او أنفاق يتعمل مطب واحد فقــــط (برضة مش هنحرمهم من هوايتهم) لكن يكون خفيف و بعده بأتنين متر خطوط بالعرض لعبور المشاة عليها و دا منها العربيات بدل ماتعدى على مليون مطب لأ هتعدى على مطب واحد و هيتضر يبطء و طبعا مرور المشاة هيبقى أسهل و فى الأمان محدش هيتداس 3- يتم تحديد الحارات فى كل الشوارع بالطول و محدش يمشى برة الحارة بتاعته (على الأقل أحتراما) بس دى مش مشكلة عادى أكيد محدش هيسمع الكلام فيها و برضة مش مشكلة عـــــــــــادى أهم حاجة اول نقطتين يتهئ لى 3 أقتراحات مفيش أسهل منهم و مش هيتكلفوا كتير لكنى حتى الأن مش عارف أزاى مفيش مسؤل فكر فى كدة !!!!!!!!!! على العموم منتظر أرائكم لأنى فكرت فى الموضوع دة من زمان جدا جدا جدا
