| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 2 من 11 الأولىالأولى 1 2 3 4 5 6 7 ... الأخيرةالأخيرة
النتائج 11 إلى 20 من 106

  1. #11

    الصورة الرمزية major_memo

    رقم العضوية : 3335

    تاريخ التسجيل : 21Nov2007

    المشاركات : 265

    النوع : ذكر

    الاقامة : benha

    السيارة: suzuki GSXR400

    السيارة[2]: lancer super action 2007

    دراجة بخارية: suzuki GSXR400

    الحالة : major_memo غير متواجد حالياً

    افتراضي -

    hasad">

    انا بحب اشتغل من زمان ومش بحب اقول للحاج هات مصروف بحس انها بايخة اوي
    وشكلك وحش قدام نفسك اوي انا عملت سيبر نت اينعم كنت واخد الفلوس منوا بس الحمد لله رجعتها وفوقيها بوسة والسيبر بقي بتاعي وبعدين جالي مكسب فية جامد بعتة وفتحت مكتب كمبيوتر وبردوا اول ما المكتب بقي كويس بيعتة وبعدين اتجهت للاهتمام بالسيارات بقيت اظبط عربيات زمايلي وزمايلي يجبولي عربيات زمايلهم وتجارة شوية كدة في العربيات بس علي خفيف وفي الاجازة الي فاتت نزلت الغردقة مع واحد قريبي عندوا مكتب تاجير سيارات هناك اينعم مكنش شغل شغل بس اهو الواحد بيتعلم وكان بيتفسح بردوا ومش لازم علي فكرة الواحد يشتغل بمقابل مادي في ايام الدراسة علي فكرة المكسب الحقيقي هوا انك تتلط بالناس والمجتمع وطرايقة التعامل مع الناس ودخول السوق وتعرف الدنيا ماشية ازاي ومش مهم المقابل المادي علي اد الخبرات التانية الي بتكتسبها والاعتماد علي النفس
    والحمد لله اخر سنة ليا في كلية تجارة علشان الواحد يشق طريقة بقي بجد


    <a href="http://en.picjoke.com"><img src="http://n10.picjoke.com/useroutputs/512/2010-09-29/10-en-9bb0ca2599e0198ebd0c26c2da037fbb.jpg" border="0" alt="Funny Pictures"></a>


    مــــــــــحـــــــمـــــ ـــد صــــــــــــــــلاح


  2. #12

    الصورة الرمزية Nile_Storm

    رقم العضوية : 3233

    تاريخ التسجيل : 16Nov2007

    المشاركات : 4,415

    النوع : ذكر

    الاقامة : El Haram

    السيارة: FSO Polonez 1990

    السيارة[2]: Hyundai Verna 2008 LS

    الحالة : Nile_Storm غير متواجد حالياً

    افتراضي -

    طب يادكتور احمد بذمتك و انت استاذنا كلنا
    الاقي وقت منين اشتغل فيه في كليتنا ديييييييييييييييييييييييي يييييييييييييييي


  3. #13

    الصورة الرمزية Dr Ahmed

    رقم العضوية : 79

    تاريخ التسجيل : 22Apr2007

    المشاركات : 9,737

    النوع : ذكر

    الاقامة : بنــهــا

    السيارة: Perodua Kancil 1998

    السيارة[2]: NIssan Qashqai 2014

    الحالة : Dr Ahmed غير متواجد حالياً

    افتراضي -

    اقتباس المشاركة الأصلية كتبت بواسطة storm_unleashed مشاهدة المشاركة
    طب يادكتور احمد بذمتك و انت استاذنا كلنا
    الاقي وقت منين اشتغل فيه في كليتنا ديييييييييييييييييييييييي يييييييييييييييي
    والله يا أخى الفاضل إحنا فاهمين كلية الطب غلط شوية..
    وكلنا واحنا طلبة كنا عايشين دور المزنوق دايما وكده رغم إن الوقت فيه بركة لكل حاجة: مذاكرة ونشاط طلابى وأسرة ونت وشغل كمان..
    ولا أدّعى أن ذلك سهل ، لكن فعلا يحتاج لشخصية منظمة من الطراز الأول لإدارة كل هذه المهام الغير مستحيلة..

    لكن الموضوع يبدأ قبل الكلية ، فعلا من الطفولة زى ما بعض الأخوة تفضلوا وقالوا..
    مثلا والدى الله يرحمه كان بيشجعنى وأنا لسه فى المرحلة الابتدائية على إنتاج "مجلة"... أيوه مجلة بيتية باجمع فيها إبداعاتى الصغيرة وتجميعاتى من المجلات الأخرى مقابل أن يشتريها هو منى ب "عشرة قروش"
    وعندما كنت فى الاعدادية أصدرت مجلة طلابية وأيضا كانت بمبلغ زهيد لكنها لاقت نجاحا محمودا..
    وكنت أشترك فى مسابقات مجلة "ماجد" الاماراتية وكنت دااااااااائما أفوز فى مسابقة أكمل الرسم المشهورة ، حتى أنى اشتريت ب "جزء" من هذه الجوائز دراجتى الكحلى التى تشبه سيارتى لانسر الحالية..
    وفى الثانوية بدات أتدرب بعض الرياضات العنيفة شجعتنى على العمل فى بعض الأعمال التى تعتمد على القوة فى أحد المصانع لكنى تركتهم بسرعة بسبب سوء المعاملة وعدم إعطاء الحق لأصحابه وحسابى معهم يوم القيامة..
    ثم عملت وأنا طالب فى المرحلة الثانوية فى بيع الجرائد والمجلات.. أخرج فجرا وأستلم كل شئ وأرصه فى أماكن عرضه وفى نهاية اليوم أسلم الحصيلة وآخذ نصيبى ، وكنت أحتفظ به وأنظر له كما تنظر للذهب اليوم..
    كل هذا وأنا -بفضل الله- دائما الأول على المحافظة فى جميع الشهادات العامة.. كى لا يظن أحد أنى كنت أعانى صعوبات دراسية، والعمل كان فى الأجازة فقط.
    ثم دخلت الكلية وقمت لفترة بعمل بعض التحف الفنية وبيعها لمحلات الأنتيكات ، ثم أنعم الله علىّ بالإشراف على مشروع يدر دخلا للأسرة كنت أشرف عليه وأنا طالب ويتكفل بمصاريفى الكثيرة كطالب طب..
    ومنذ تخرجت عملت فى العديد من المستشفيات كطبيب مقيم ولم أفتح عيادة إلا بعد أن حصلت على الماجستير حفاظا على حق المريض فى العناية الطبية المتخصصة فعلا لا قولا ، وأنا الآن -بفضل الله- استشارى ومدرس بالجامعة ولدّى أكثر من عيادة وأكثر من مستشفى كبير أعمل بهم وأعد لإصدار بعض المؤلفات فى تخصصى ولدّى أسرة صغيرة جميلة وأبناء لابد أن أعلمهم قيمة العمل والجهد وإثبات الذات بالعرق والكد والتقرب إلى الله قبل كل شئ وليس بأى طريقة أخرى.

    [aldl]http://www.jewelsf.com/up/uploads/542f6eee3a.gif[/aldl]
    وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين
    Dr Ahmed Abdelghany
    ENT,H&N consultant - Benha University
    my website: www.drahmedclinic.com


  4. #14

    الصورة الرمزية Nile_Storm

    رقم العضوية : 3233

    تاريخ التسجيل : 16Nov2007

    المشاركات : 4,415

    النوع : ذكر

    الاقامة : El Haram

    السيارة: FSO Polonez 1990

    السيارة[2]: Hyundai Verna 2008 LS

    الحالة : Nile_Storm غير متواجد حالياً

    افتراضي -

    بصراحه تحيه مني لحضرتك
    و تقبل فائق احترامي لشخصك
    اخجلتني بردك


  5. #15

    الصورة الرمزية hazem_khidr

    رقم العضوية : 168

    تاريخ التسجيل : 24Apr2007

    المشاركات : 7,982

    الاقامة : المحله الكبري

    الحالة : hazem_khidr غير متواجد حالياً

    افتراضي -

    تحيه للدكتور احمد و الباشمهندس كريم
    بجد شخصيات من دهب :)


  6. #16

    الصورة الرمزية Karim_Monir

    رقم العضوية : 32

    تاريخ التسجيل : 17Apr2007

    المشاركات : 26,316

    النوع : ذكر

    الاقامة : جسر السويس-القاهرة

    السيارة: BMW E90

    السيارة[2]: Jeep KK 2009

    دراجة بخارية: لا يوجد

    الحالة : Karim_Monir غير متواجد حالياً

    افتراضي -

    شكرا يا حازم وفعلا اللي بيبتدي من بدري الاعتماد على نفسه اكيد بيعرف قيمة الفلوس كويس
    ويعرف ينظم حياته ويعتمد على نفسه
    وكمان يتلم بدري ويتجوز بدري
    ربنا بس يقدرنا على تربيتهم


    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  7. #17

    الصورة الرمزية حماده عزو

    رقم العضوية : 3043

    تاريخ التسجيل : 06Nov2007

    المشاركات : 852

    النوع : ذكر

    الاقامة : طنطا

    السيارة: سوزوكى siaz

    السيارة[2]: لانسر بومه sam 2006

    دراجة بخارية: لا يوجد

    الحالة : حماده عزو غير متواجد حالياً

    افتراضي -

    أنا ولله الحمد ربنا كان ميسرلى موضوع الشغل من صوغرى
    يعنى من أجازه الصيف فى أولا أعدادى وأنا بشتغل
    بدايه مع الحاج فى مشروعه الخاص ولحد مربنا اكرمنى بالوظيفه والعمل الخاص
    والزواج والأسره ولأطفال كمان
    بس والله انا أتطمرمت فى الشغل من صوغرى لحد مربنا اكرمنى وقعدت على مكتب
    والناس كانت بتبصلى وتحسدنى على الى أنا فيه من نعم الله
    وانا من كول ده بأكد انى بشجع الشغل من الصغر ولحد أخر يوم فى عمر البنى أدم

    @ إن الله لغنى عن العالمين @
    سأصبر حتى يعجز الصبر عن صبرى ،و أصبر حتى يأذن الله فى أمرى ، و أصبرحتى يعلم الصبر أننى صابر على شئ هو أمر من الصبر
    لشراء أستيكر المنتدى فى الغربيه 0111019565


  8. #18

    الصورة الرمزية Goodle

    رقم العضوية : 3544

    تاريخ التسجيل : 03Dec2007

    المشاركات : 1,882

    النوع : ذكر

    الاقامة : حلوان

    السيارة: لا توجد

    السيارة[2]: Mazda 3

    الحالة : Goodle غير متواجد حالياً

    افتراضي -

    والله اللي قريته من مهندس كريم منير ودكتور أحمد وأستاذ حماده عزو فكرني بأيام بشوفها جميلة على الرغم من صعوبتها ساعتها.

    انا ابتديت اشتغل من صيف ثالثة اعدادي وده كان بناء على إحساسين حسيت بيهم، أولهم إني حسيت إن مكسوف آخد مصروف ماكانش بيكفيني والتاني إني كنت حاسس بظروفنا المادية ساعتها ماكانتش تستحمل إني أطلب زيادة.. إحنا ماكناش فقراء بل مستورين بس مش أكتر.

    والدي وأمي قعدوا يحاولوا يقنعوني بعدم جدوى شغلي وحاولوا يغروني بالنادي وأي حاجة تخليني انسى الموضوع (لما سألت أمي لما كبرت.. قالتلي إني كنت صعبان عليهم إني يجيلي الشعور وانا صغير كده بالحالة المادية ساعتها..)

    .. ولو قلتلكم إن كنت شغال عند خالي طبعا هاتفتكروا إنه كان بيدلعني.. لكن والله الراجل ده.. ربنا يكرمه يارب ويباركله في اللي عنده.. قاللي من أول يوم تحب تكون هنا في الشغل "حمادة" وللا عايز تكون "محمد" ؟؟

    قلتله طبعا "محمد" ... وأنا طبعا ساعتها كنت فاكر هو بيسألني عن مجرد إيه اللقب اللي احب يناديني بيه الناس في الشغل. لكن هو بص ليا ساعتها باعجاب وقالي تحب تقعد تتفرج على التلفزيون وللا تشتغل (بس هاتتمرمط)؟؟

    بصراحة انا قلت اشتغل عشان حسيت إني كبرت في نظرة بعد السؤال الأول. وفعلا المرمطة ابتدت.

    كنت بافتح الصبح واكنس وامسح قبل ميعاد وصول الموظفين. ماكدبش عليكوا كان برضه احساس صعب عليا إني اقابل احيانا زمايلي رايحين النادي وانا رايح الشغل.. بس في نفس اللحظة، شوف ربك الكريم، ألاقي واحد من اصحابي (حالة اهله ساعتها كانت أعلى من أهلى بشوية) يقولي معاكش جنيه سلف، والاقي نفسي ثقة توصل للسماء بفضل من ربنا، إني انا اللي بسلف زمايلي.. وانا الحمد لله عمري قبلها او بعدها ما استلفت.

    المهم بعديها دخلت الورشة بتاعة الصيانة (أجهزة كهربائية) كنت بنضف العدة واقف اتعلم حاجة على السريع.. يعني الشكوي الفلانية بتكون سببها العيب الفلاني.. حاجة زي ال (troubleshooting) كده. طبعا ده بدون الاخلال بمسؤلياتي من حيث التنظيف وتوصيل قطع الغيار للفروع التانية (كان خالي يديني فلوس التاكسي رايح جاي ويقوللي لو تعبت ابقى اركب).. كله ده كان بيحسسني إن ماشي في طريق صح ومحسسني إن بعمل حاجة ليها قيمة قدام نفسي قبل أي حد تاني.

    وفي صيف أولي وتانية وثالثة ثانوي استمريت في العمل وزادت مسؤلياتي... بقيت باستقبل الأجهزة اللي داخلة التوكيل للصيانة (معايا موظف قديم مرافق) وباتعلم إزاي اقابل الناس.. وإزاي ارد على أي سؤال مهما كان بردود تخلي العميل راضي (مش ضحك على الدقون وخلاص) عشان ييجي تاني وهو واثق إنه مش بيتسرق ولا بياخد حاجته بايظة.

    ومع ذلك ما اهملتش الرياضة وكنت متفوق في ثلاثة ألعاب: سلة (صانع ألعاب)، وسباحة، وكاراتيه (حصلت على الحزام الأسود وأنا عمري 16 سنة).

    أما سنين الكلية، (على الرغم من إن حالة أهلي المادية كانت مرضية جدا.. فضل ونعمة من الله سبحانه وتعالى) فأنا كنت الحمد لله بادفع مصاريف الكلية من منحة التفوق اللي بتتصرف ليا (كنت الحمد لله من الأوائل كل السنين.. وتم اختياري الطالب المثالي للكلية ال 4 سنوات.. والطالب المثالي للجامعة وانا في سنة ثالثة.. والطالب المثالي الرابع على جامعات مصر وانا في سنة رابعة)..

    بالنسبة لمصاريف الكتب وكده، كنت بأصور الكتب لزملائي (دفعتنا كانت كلها 90 فرد).. بس أهي كانت بتسد برضه.. بالإضافة لشغل الصيف في بيع الموسوعات والأجهزة التعليمية (سيبتها بعد شهرين عشان لقيتهم بيغشونا إحنا في المواصفات اللي بيقولوا انها في الأجهزة المباعة.. وطلع كلامهم كدب.. إذا كان بيكدبوا على اللي شغالين معاهم..يبقوا دول ناس إيه) :)

    المهم لما اتخرجت قعدت ادور على شغل لمدة شهر

    انا هاكمل في رد تاني عشان ترتاحوا مني شوية... فاصل ونعود :)

    Goodle

    محمد عبد الجواد

    موضوع الساعة: الفن المسماري- حقائق تاريخية - متجدد
    http://www.nilemotors.com/Nile/showthread.php?t=29892



    مصر يامّة يا سفينة :)
    شكلك كده.. هاتغرقينا :)


  9. #19

    الصورة الرمزية Dr Ahmed

    رقم العضوية : 79

    تاريخ التسجيل : 22Apr2007

    المشاركات : 9,737

    النوع : ذكر

    الاقامة : بنــهــا

    السيارة: Perodua Kancil 1998

    السيارة[2]: NIssan Qashqai 2014

    الحالة : Dr Ahmed غير متواجد حالياً

    افتراضي -

    ماشاء الله
    ربنا يبارك لك

    [aldl]http://www.jewelsf.com/up/uploads/542f6eee3a.gif[/aldl]
    وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين
    Dr Ahmed Abdelghany
    ENT,H&N consultant - Benha University
    my website: www.drahmedclinic.com


  10. #20

    الصورة الرمزية Goodle

    رقم العضوية : 3544

    تاريخ التسجيل : 03Dec2007

    المشاركات : 1,882

    النوع : ذكر

    الاقامة : حلوان

    السيارة: لا توجد

    السيارة[2]: Mazda 3

    الحالة : Goodle غير متواجد حالياً

    افتراضي -

    hasad">

    المهم لما اتخرجت قعدت ادور على شغل لمدة شهر أو اكتر

    ما كنتش لاقي خالص.. ساعتها كنت هاتجنن بجد.

    واحد هايقوللي طيب ماكملتش مع خالك ليه.. الحقيقة أنا حسيت إن هناك وصلت لسقف التعلم بالنسبة لواحد مش متخصص.. لا أنا مهندس ولا حاجة.. أنا مترجم خريج آداب انجليزي.. والرابع على دفعتي.. ومع ذلك لم يتم تعييني (والحمد لله على نعمه.. زمايلي اللي اتعينوا بيشدوا في شعرهم).

    المهم قعدت اقول لكل الناس عاوز اشتغل.. لغاية ما ربنا اكرمني بشغلانة مدير مكتب (قصدي مرمطون) لواحد مقاول كان عاوز يدخل في موضوع الاستيراد والتصدير جديد..

    كنت باعمل كل حاجة ليه: فاكسات، إيملات (ما يعرف انجليزي) ومقابلة عملاء، وادفع فاتورة الموبايل (ساعتها كان لازم تروح للشركة عشان تدفع)، وممكن شاي وقهوة لما يكون الوقت متأخر والسفرجي روح.

    المهم قعدت معاه حوالي 9 شهور اتعملت فيها مهارات شخصية قيمتها أكتر بكتير عندي من المرتب اللي كان بيماطلني كل شهر قبل ما يديهوني متأخر 5 أو 7 أيام :)

    سبت القاهرة ورحت اشتغلت في الغردقة في السوق الحرة (قطاع خاص) هناك.. كان في قسم المصنوعات الجلدية وبالصدفة كان القسم مفتوح على قس العطور ومستحضرات التجميل.. وانا طول عمري باعشق العطور..وكنت باعرفها كويس مع إني ساعتها كنت بس باحلم يكون عندي إزازة أصلي..

    المهم الحمد لله كنت باعمل مبيعات وانا واقف في المصنوعات الجلدية لفتت نظر المدير (وكان بقالي يومين بالعدد.. فضل من ربنا) ولما جالي قلتله هو انا ممكن اشتغل في قسم العطور افتكر إني باترسم وشايف نفسي.. فلما سألني اعرف إيه عنها ورصيتله شوية اسامي للعطور قاللي تقدر تشتغل في القسمين في نفس الوقت؟ قلتله طبعا لأ..

    فبصلي بصه فكرتني ببصة خالي.. وقاللي وليه لأ.. قلتله عشان انا ماعرفش اركز مه عميل وفيه واحد تاني محتاج اجاوب على أسألته.. ساعتها لما سمعت اللي انا بقوله حسيت أد إيه إن كل اللي اتعلمته من معاملة الناس له قيمة.

    المهم عملت مبيعات في العطور الحمد لله.. المدير ياسر نفسه قاللي يا محمد أنت بتعرف تسمع الكلام من الزبون وتجيبله ماركة البرفان تفصيل :) ودي فعلا كانت حقيقة.. كان بيجيلي ناس تقوللي عاوز حاجة شبه البرفان الفلاني بس تكون فيها شويه على ريحة كذا.. وانا ارد اقله طلبك عندي واجيبه إزازة من ماركة ثالثة مايكونش رده على رائحتها غير كلمتين.. هي دي !!! :) :)

    لكن سبت الشغل ده بعد شهر تقريبا عشان العائد المادي اللي وعدوني بيه طلع كلام ما اتحققش.

    لما رجعت وقعدت اسبوع في البيت.. حسيت إني على المعاش وكنت عمال ألف في الشقة لغاية ما أمي كانت هاترميني من الشباك :) :)

    لغاية ما ربنا اكرمني بشغلانة في مجال الترجمة بطريقة غريبة جدا

    فاصل إعلاني وسنعود.. ابقوا معنا :)

    Goodle

    محمد عبد الجواد

    موضوع الساعة: الفن المسماري- حقائق تاريخية - متجدد
    http://www.nilemotors.com/Nile/showthread.php?t=29892



    مصر يامّة يا سفينة :)
    شكلك كده.. هاتغرقينا :)



 
صفحة 2 من 11 الأولىالأولى 1 2 3 4 5 6 7 ... الأخيرةالأخيرة

المواضيع المتشابهه

  1. الصدقة الجارية في القرن الواحد والعشرين ...!!!
    بواسطة abogogo في المنتدى المنتــــــدى الاجتمــاعى
    مشاركات: 8
    آخر مشاركة: 25-02-2012, 02:10 AM
  2. تغير الضفيرة وصيانة الخامسة والعشرين باوتو ايجيبت
    بواسطة Powert في المنتدى نيـــــــــسان
    مشاركات: 28
    آخر مشاركة: 02-01-2012, 11:21 AM
  3. النقلة الخامسة
    بواسطة rzeiny في المنتدى لادا
    مشاركات: 4
    آخر مشاركة: 20-06-2011, 12:48 AM
  4. الطريق الي صفط اللبن والعشرين
    بواسطة nubera97 في المنتدى دليل الطرق الداخلية وطرق السفر
    مشاركات: 5
    آخر مشاركة: 12-07-2009, 04:36 AM
  5. يحدث في القرن الواحد والعشرين ... ( منقول )
    بواسطة Abouelela في المنتدى المنتــــــدى الاجتمــاعى
    مشاركات: 13
    آخر مشاركة: 23-05-2007, 11:13 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2