ليه فيات 500 محدش بيتكلم عليها ولا حد يعرف عنها حاجه

**amrseba** · 26-06-2010 12:28 PM

انا كنت بحاول اعرف ايه اخبار الفيات 500 محدش بيتكلم عليها ليه وليه العربيات الى بتنجح فى اوروبا واسيا بتفشل عندنا والعربيات الى فاشله فى اوروبا واسيا ناجحه عندنا وانا ماشفتش العربيه ديه غير مره واحده فى حياتى وهيا فى الشارع ولو فى اى موضوع تلاقى التريقه نزلت على طول ويقولك ديه عربيه مدليه والى يقولك ديه لو اتخبطت تبقى كفته والى يقولك متنفعش للشوارع المصريه ديه احسن عربيه فى الزحمه ووسعه وفيها اوبشن عالى وسريعه و قويه

ياريت من رجاله فيات يجيبوا معلومات ويعملوا مواضيع للعربيه ديه بجد عربيه ملهاش حل وعلى فكره عربيه شيك شيك جدا

وعلى فكره يا جدعان كل عربيه ليها زبونها وكل واحد ليه مزاجه الخاص

وكنت عايز اعرف السرعه القصوه كام و العزم والثبات وكده وشويه معلومات

**fadyspot** · 26-06-2010 12:44 PM

بيتهيألي يا باشا السؤال ده ممكن يتساوى بإن احنا نقول ليه مفيش مواضيع كتير عن الميني كوبر أو السمارت ؟؟؟
ال500 عربية شكلها اكتر من ممتازة ، إمكانيتها تحفة ولكن سعرها عالي نسبيا و عربية ميني .
يا باشا احنا في بلد بيتريقو فيها على الهاتش باك ، مابالك بقى بالميني و يكون سعرها علي شوية .
سياسة مصر في التعامل مع العربيات تختلف تمام مع أوروبا و آسيا.
عموما عضو فيات الممتاز Yoko ، كان عامل عنها تقرير هي و الجراند بونتو Evo من معرض أوتوماك اللي فات.
تحياتي.

**yoko** · 26-06-2010 12:57 PM

العربيه ١٠٠ حصان ١٤٠٠ سي سي على الوزن ده تحفة بتنزل abs ebd esp hillholder يعني صباح الثبات (ثباتها أحسن من البرافو!!!) ٧ إيرباج بلوتوث فوجات زينون جنوط ١٦ إيه تاني مش فاكر والله بس فيها بلوي جوه

**SharpArrow** · 27-06-2010 10:32 AM

هو مش موضوع تريقة على الميني بس
هو كمان احنا في بلد عالم تالت فا الناس هنا مش معاهم فلوس بالهبل زي اوربا فا الي معاه 100000 جنيه بيشتري عربية تشيله هو و عيلته و لو مش متجوز هيقول طب لو ابويا و امي حبو يركبو معايا
طب صحابي
طب
طب
طب
و هندسة هههههه
فا لما يشوف دي قدامة حتى لو مبهور بيها هيلاقيها مش هتقضي طلباته فا هيصرف نظر و يقول اجيب حاجة تنفع السفر و الحركات دي كلها فا يجيب لينيا او برافو او اي عربية تانية من نفس الفئة

و اللى بيجيب عربية زي دي بيبقى عامل حسابة انه عنده عربية تانية عائلية مريحاه

انما في اوربا العربية دي برخص التراب ( مع ان التراب هنا بقى غالي) هناك ممكن يجيبها و يرميها تحت السرير و يجب غيرها بعد شهرين 3 شغل و خلاص
عشان كده بيجيبو هناك العربية اللى فعلا ناجحة باستثناء هي عملية او لا

**engahmedsamy** · 27-06-2010 01:34 PM

علشان مش منتشرة في مصر وبغدين مش اي حد بيئدر العربية دي

-

الموضوع: ليه فيات 500 محدش بيتكلم عليها ولا حد يعرف عنها حاجه

LinkBack

أدوات الموضوع

عرض

ليه فيات 500 محدش بيتكلم عليها ولا حد يعرف عنها حاجه - انشر الموضوع فى :

-

-

-

المواضيع المتشابهه

عايز اجيب البيا حد يعرف عنها حاجه

الرينو سكالا حد يعرف عنها حاجه؟

برافا 1600 سى سى موديل 97 حد يعرف عنها حاجه ؟!؟

حد جرب اللمض دي أو يعرف حاجه عنها

renault super 5 حد يعرف عنها حاجه

الكلمات الدلالية لهذا الموضوع

المفضلات

المفضلات

ضوابط المشاركة