الموضوع: لا أستحق نصر الله

السلام عليكم ورحمة الله....

بالرغم من إن السلام دلوقتي مبقاش له وجود غير في تحية الناس لبعضها وإختفا في كل شئ بعد كده, كان زمان أيام الملكيه و الإستعمار الناس كانت لا تأمن فقط لوجود جنود لكيان مستعمر ميعرفش يعني إيه حرمة بيت و لا إنسانيه بني آدم وبيعامل المصري كعبد ليه ده غير أنه كان بيسرق موارد وخير البلد دي......

المستعمر أهو غار في ستين سبعين داهيه وخير البلد أصبح لولاد البلد ومصدر القلق و الخوف إللي كان موجود في الشارع زال, وبعد أكتر من 50 سنه إيه الحال؟؟؟؟؟

مبقاش في سلام لأن الخوف بقى من جنود برده بس المره دي مصريين مش إنجليز

مبقاش في أمان لأنك ممكن تكون رايح تجيب عيش فينو من البقال ينتهي بيك الحال في معتقل " آسف أقصد منتجع "
مبقاش في خير لأنه بيتقسم عينى عينك بالسرقه و الرشوه وإستغلال المناصب والفضلات تترمي لبقيت للفراخ إللي عايشه في قفص الفراخ " أقصد الشعب "

مبقاش فيه أمان:

لا في ميه بتشربها == غير صالحه للإستخدام الآدمي و أتحدى إذا كان أي مسئول بيشرب منها , وحتى المعدنيه برده غير صالحه للإستخدام الآدمي

ولا في طريق سايق عليه== منتاش عارف تلاقيها من نقر في الطريق ولا عربيات نقل سايقنها سواقين شاربين ولا من قطع غيار مغشوشه

ولا في أكل ممكن تاكله === خضار مروي بمياه الصرف الصحي / سمك مجمد مستورد من اليمن و الصين / لحوم فيها ديدان

ولا في تعليم == أبنك تدخله مدرسه حكوميه يطلع بقدرة قادر عباره عن شوال غباوه , لا فكر و لا رؤيه ولا ثقافه ولا لغه , من الآخر يا تعلموا بنفسك دينه وتثقفه بنفسك وتتابعه يا الولد يروح منك و يبقي خنفس من الخنافس إلا ملايين البلد و إسأل إسبرايت

ولا في الصحه == تدخل تعمل الزايده تطلع من غير كليه يمين... أو شمال إنت وحظك ده غير الإرتفاع الرهيب في أسعار الكشف ده لو عايز تروح لدكتور بيفهم مش دبلوم صنايع

يعني لا في أمان ولا سلام ولا خير والناس كارها العيش و العيشه و إللي عايشنها طيب مين السبب في ده كله؟

الحكومه؟؟

أحزاب ؟؟

مؤسسات إجتماعيه؟؟

لو عرفت الإجابه ممكن تتصل بـ 09001111


طبعا السبب لا في الحكومه ولا في الأحزاب ولا في اي مؤسسه من المؤسسات.. السبب فينا إحنا كاشعب..

لما بعدنا عن ربنا و إنشغلنا بضيق الرزق أو بكنره وإنشغلنا بتعليم عيلنا والثانويه و الجامعه ونسينا نعلمهم دينهم وتحول الدين إللي ثقافه وليس عقيده .

خايفين لاتتحول مصر للعلمانيه و إحنا إللي حولنها من سنين

يقول أكرم الأكرمين رسول الله صلى الله عليه وسلم: "" توشك أن تتداعى عليكم الأمم كما تتداعى الأكلة إلى قصعتهم ، قالوا أمن قلة نحن يومئذ يا رسول الله ؟! قال : بل أنتم يومئذ كثر ولكن غثاء كغثاء السيل ، ولينزعن الله من قلوب أعدائكم المهابة منكم ، وليقذفن في قلوبكم الوهن . قالوا : وما الوهن يا رسول الله ؟! قال حب الدنيا وكراهية الموت " أو كما قال عليه الصلاة والسلام"

فالحديث فيه تشبيهان :
الأول : في قوله عليه الصلاة والسلام : " تتداعى عليكم الأمم كما تتداعى الأكلة إلى قصعتهم "
ففي هذا التشبيه دلالة على ما سيصبح عليه حال المسلمين بعد ذلك ، وهو حالة موت تام كالطعام مسلوب الإرادة متى يؤكل يؤكل في أي وقت ، إضافةً إلى أن الطعام يكون عليه قوام حياة الآكلين ، فكأن المسلمين صاروا قواما يعتمد عليه في استبقاء حياة الغير .


الثاني : في قوله صلى الله عليه وسلم : "غثاء كغثاء السيل "
غثاء السيل : هو ما يحمله السيل أمامه من أشياء حقيرة لا قيمة لها ، وإن حملت بداخلها أشياء ثمينة ؛ فهناك في الأمة أفراد هم على قدر من الأهمية ولكن الكثرة هم الغثاء الذي لا فائدة منه .

في خطبة الجمعه إللي فاتت كان الخظيب الشيخ الجليل محمد حسان يسرد لنا موقف عندما كان في مطار القاهره وصادف أحد المسئولين هناك وبادره بالسؤال


وقاله ياشيخ محمد ربنا ده ظالم!!!" أعوذ بالله"

رد عليه الشيخ الفاضل في منتهى الهدوء وسأله إنت مسلم

قاله أيوا
قاله طيب ليه بتقول كده؟
قاله بقى إحنا بقلنا عشرات السنين بندعيه أنا يرفع من علينا البلاء وينصر إخونا في فلسطين و العراق و الشيشان و الصومال ولا نزيد إلا إذلال و تنكيل في كل مكان ومفيش واحد مننا يطلع صالح وربنا يقبل دعوته؟؟؟رد عليه الشيخ محمد حسان وسأله أنت شغال فين

قاله شغال في المكان الفلانيقاله لو شركة بتورجيت مثلا وزعت أرباح على عامليها كلهم وأنت لم تأخذ مثلهم هتزعل؟؟قاله أزعل ليه؟؟ هو أنا شغال في بتروجيت أصلا ياعم الشيخ أنا عمري ما إشتغلتهم علشان يكفؤني بالفلوس
رد عليه الشيخ وقاله كذلك أنت ما إشتغلتش لربنا علشان ينصرك و يرفع عنك
زاد الشيخ وسأله انت متجوز قاله أيوا , وعندك بنات قاله أيوا, زوجتك عامله, قاله ايواقاله طيب إنت بتشوفهم الصبح و هما نازلين الجامعه ولابسين لبس ملفت , قاله هو انت شوفتهم فين يا شيخ؟؟
سأله الشيخ وقاله بتقبل في شغلك هدايا " رشاوي "
قاله زي كل الناس يا شيخ
قال الشيخ لا حول ولا قوة إلا بالله
قاله أنا هسألك دلوقتي إنت ينفع ربنا ينصرك؟؟؟
سكت الرجل وقاله لأ

دلوقتي كل واحد قرأ كلامي ده دلوقتي يسأل نفسه إنت تستاهل ربنا ينصرك و يرفع عنك بلاءه

أنا أول واحد سألت نفسي وكانت الإجابه== لأ