هههههه تصدق مخدتش بالي
يا جماعة الإعتمادية قبل الرفاهية :Ob_mak1[1]:
عرض للطباعة
يا باشا ما انا جربته للاسف كان نفسي يطلع الكلام ده صح بس كاميرته مع انها حلوه على الموبايل بس حطها على الكمبيوتر وحط معاها صوره من n95 وهتعرف الفرق وبالنسبه للجوده فانا مجرب ايبود وكان من اسوأ ما يكون ومفيهوش اي اوبشنز وسعره غالي التنين وكان بيهنج كتير ولا جوده ولا بتنجان وفي الآخر وقع في كباية ميه وحمدت ربنا ورميته في الزباله وجبت كرييتف انضف منه مليون مره وعلى الاقل فيه اسبيكر (محسسني ان الاسبيكر اختراع في جهاز سعره اضعاف المنافسين) وبعدين جودة ايه اللي بتتكلم عنها انت قريت الموضوع ؟؟؟
وبالنسبه للشاشه جرب تحطها جنب شاشة اومنيا hd وشوف الفرق وكنت قريت ان شاشات الاي باد من سامسونج اصلاً
وموضوع البلوتوث ميزه ازاي؟؟؟؟؟؟؟ مش فاهم؟
نظرية التقادم موجوده طبعاً للاسباب التسويقيه بس كون اني اكون بعمل كاميرا 5 ميجا بكسل والمنافس بيعمل 12 ميجا بكسل دا ميبقاش تقادم دا يبقى لا مؤاخذه تخلف والتخلف الاكتر من كده انهم يعملو حمله تسويقيه للكاميرا ال5 ميجا ،والتقادم ده بيبقى بالتوازي مع المنافسين علشان ميخطفوش الزبون وانا عايش في الماضي
دا استخفاف بالناس اللي مش فاهمه ،وكمان عمر ما في شركه عملت ضجه على موبايل زي ابل ما الساتيو والhd نازلين من زمان ومع انهم يستاهلو بس ما اتعملهمش زي اللي اتعمل للاي فون
ازى يعنى اول كميوتر شخصى فى العالم ..مين اللى بلغك المعلومة دى ...؟؟؟؟!!! هى كمان ابل بقيت بتحرف تاريخ الكمبيوتر
بالنسبة للاى فون الجديد العيوب حقيقية و تقدر تدور عليها بنفسك فى اكتر من موقع...و هى الفكرة اساسا ان ابل عايشة فى دور الشركة المستحيلة و ان منتجتها لا تقهر ..بينما الحقيقية ان منتجتها بتصنع فى الصين زيها زى باقى الشركات ...و كلها عيوب فى التصميم والتصنيع و هناك امثلة لا حصر لها بهذا الخصوص .لكن طبعا الشركة عندها قسم اعلامى ممتاز بيغطى بذكاء على اى اخبار سلبية
دة فى فضيحة اخرى محدش يعرف عنها حاجة فى مصر و هى ان عدد من عمال شركة فوكسكون انتحر هذا العام بسبب انخفاض المرتبات و هى الشركة التى تقوم بتجميع منتجات ابل فى الصين ..
يعنى ابل كانت بتعمل ارباح خرافية على حساب عاملين بسطاء و تكاليف قليلة جدا و هو دة سبب ارباح ابل الخرافية .
satio sony ericcson better than i phone
اللي بيشتري اجهزه أبل عشان عاوز يعيش اللايف ستايل بتاع ابل ! لكن هي كبرمجيات غبيه و محتكره بغباء !
لكن هما متميزين في جذب انتباه الناس و وهم الناس بأنهم بيعملو التكنولوجيا جديده !!
اول كمبيوتر شخصي ابل خدت السمعه , لكن في الحقيقه مش هو اول واحد !اقتباس:
مننساش ان دي الشركة القدمت اول كمبيوتر شخصي في العالم
و الشركة الغيرت مفهوم الmusic بالipod
و الشركة غيرت مفهوم الناس عن الموبيلات المملة بالiphone
بالمناسبه الايبود من تاريخه و هو مليان بالعيوب ! مش عشان جهاز صوته كويس و بيتصل بالكمبيوتر من ايتونز يبقي هي دي التكنولوجيا !!اي باد اكبر ضحك علي العالم ! بعيدا عن انه اي فون كبير مش اكتر من كدا ! الا انه كله عيوب ! مش لاقيله ميزه !اقتباس:
و غيرت مفهوم الكتب الالكترونية بالipad , و الذي حقق مبيعات رهيبة و مستمر في الانتشار بدون توقف
بعيدا عن الموضوع دا !اقتباس:
مظنش ان الشركة دي هيكون ردها كدة , ابدا , دة لو شركة على قدها في مصر مش هترد كدة
مننساش ان شركة زاى دي ليها منافسين لا حصر لهم , و الهجوم الحاصل دة دليل ممتاز على قوة الشركة
هههه تعرف في البرامج للأي فون ! لو عملت برنامج و بعته و أبل بعتتلك و رفضت و اذا تكرمو عليك و بعتولك سبب الرفض ! من حق ابل مقاضاتك لو انت نشرت سبب الرفض اللي بعتهولك !! عشان اغلبها ردود تافهه ! المبرمجين اتعودو علي الردود دي من ابل قووي !!
عندي ماك بوك برو و بفضله علي باقي الاجهزه اللي عندي ! و ناسي ويندوز ! لكن ميمنعش اني انتقد سياسه الشركهاقتباس:
و حاجة كدة على جنب : عارفين هنا في المنتدى لما حد يقول لو جربت الالماني مش هتسيبه و مش هتركب حاجة غيره , اهو ابل كدة
لو حد جرب يمتلك لابتوب ابل (ماك بوك) , هينسى كل اللابتوبات التانية و هينسى حاجى اسمها ويندوز
ارجو اولا ان حضرتك تقلل حدة الكلام لان الموضوع مش مستاهل كل دة
اولا اول كمبيوتر شخصي كان من انتاج IBM و لكن كان كمبيوتر شخصي اسما فقط , لأن كان سعره عالي (1500 دولار) و كان سعته تتحمل رسالتين من الرسايل بتاعت دلوقتي
و لكن ابل انتجت اول كمبيوتر شخصي قابل للاستخدام اليومي و سعره جيد
ابل فعلا بتجمع منتجاتها في الصين و دي مش مشكلة اطلاقا و كل الشركات بتعمل كدة
اما عن العيوب الحضرتك بتقول عليها , فالاجهزة كلها فيها عيوب مش ابل بس , و لو دققت هتلاقي و لو دورت على النت هتلاقي برده ناس بتهاجم شركات تانية
زاى ما قلت لحضرتك شركة كبيرة زاى ابل ليها منافسين كتيييير و طبيعي ان ناس تطلع تقول كدة و مش كل حاجة نصدقها ...... احنا على النت !!!!
احب اقول لحضرتك اني عندي تلاتة Ipod و اتنين ماك بوك و Iphone غير اكسسوارات كتيييير و في حاجات منهم بقالها 3 سنين و شغالة زاى الفل و محصلش اي عيب في اي حاجة الحمد لله
و لا انكر ان القسم الاعلامي عند الشركة ممتاز و ذكي جدا , بيعملوا اعلانات بتخلي المتفرج يبهر بالمنتج
يجماعه جربو nokia n900 رهيييييييب