ولية متكنش البوجيهات أو السلوك أو حتى المارش نفسة
عرض للطباعة
لو اى حاجة من دول هى المشكلة مكانتش مشكلة غياب الدوارة تختفى الصبح و تظهر لما العربية تتركن نص ساعة
MMamdouh
فعلا هى المشكله بتبان لما أركن العربيه وأرجع اشغلها تانى وأنا النهارده عملت اختبار دواسة البنزين قبل ما أدورها بعد ساعه من ركنها ودارت على طول فغالبا حتكون رشاشات بس ليا سؤال بعد اذنك هوه جهاز السكانر ده ايه يعنى بيطلع أرقام ولا بيانات علشان بس لما أروح للميكانيكى أباه فاهمه ايه اللى بيحصل
وهوه مش ممكن الرشاشات الاصليه اللى راكبه تتنضف وتركب تانى وياترى فيه علاقه بين تغيير طلمبة البنزين(العام الماضى غيرتها) ومن بعدها بدأت تظهر المشكلة وبين عيب الرشاشات
معلهش حأتعبك معايا ربنا يجازيك كل خير وشكرا
السكانر بيحدد زمن فتح الرشاشات... لو الزمن دة كبير (اكتر من1.8 الى 2.0 مللى ثانية) يبقى الرشاشات بترمى بنزين بالزيادة
عموما الاختبار اللى انتى عملتية بالفعل دليل كافى على تلف الرشاشات... تنظيف الرشاشاتمش حيحل المشكلة لان دى مش مشكلة ترسبات و اوساخ... دى مشكلة فنية فى النوع دة من الرشاشات و بالتالى انا بنصح انك متشتريش رشاشات دى اللى فى العربية
مفيش اى علاقة بين تغيير الطلمبة و تلف الرشاشات بدليل ان فيه فارق زمنى سنة كاملة بين المشكلتين... هى طبيعة الرشاشات دى كدة
MMamdouh
ألف شكر على الرد وأنا قريت لحضرتك قبل كده انى أشترى رشاشات بتاعة ال bmw ديه طبعا بتبأه مستعمله من الحرفيين فهل ليها رقم معين ولا أقوله انها تنفع للعربيه اللانوس 1500 وياترى ما هو سعر رشاشات الbmw الجديده وعلى فكره العربيه عامله 210000 كم ولم أغير الرشاشات قبل كده متهيألى ان عمرها الافتراضى انتهى
وشكرا على تعبك معايا
الرشاشات دى بتنزل فى العربيات الBMW الE30 اللى فيها مكنة M40... لما تروحى الحرفيين اسالى بتوع الBMW على رشاشات مكنة M40 1600 و دة شكلها عشان محدش يخمك و يديكى اى حاجة
http://i83.photobucket.com/albums/j3...0280150715.jpg
الPart number بتاعهم هو 0280150715 عشان بس تبقى متاكدة انها الرشاشات الصح و الطقم بيعمل حوالى 200 جنية
انا دايما بجيب الرشاشات من محل اسمة المتحدة... لما تبقى فى شارع جمال عبد الناصر و تلاقى الثلاثى بتاع الزجاج على شمالك خشى اول يمين يقابلك من بعدة... محل المتحدة اول محل على الشمال فى الشارع دة...
و على فكرة قصادة الناحية التانية واحد اسمة المتوكل بتاع دايو لو عايزة حاجات للعربية... الراجل دة محترم و ناس كتير شكرت فيه
بالنسبة لل210 الف فا كتر خير الدنيا... انا طقم الرشاشات عندى مات بعد 60 الف و اللى جبتة من بعدة مات بعد 40 الف فقط... يعنى طقمين الرشاشات اللى عدوا عليا مقعدوش نص الطقم بتاعك (اللهم لا حسد)
MMamdouh
السلام عليكم ورحمة الله وبركاته
الخبراء الأفاضل
برجاء التكرم بالإفادة
في الحرفيين قمت بقياس كومبيوتر لمعرفة أكل البنزين (140 في الصفيحة - لانوس 1 - موديل 99)
وقيل لي زمن الرش على (2.2) على ما أتذكر
وقيل أن هذا ليس من الرشاشات
فهل هذا الكلام صحيح أم أنه مثل الكلام في الاقتباس وزمن الرش متعلق بالرشاشات نفسها (حيث ما قاله لي المختص هناك أن زمن الرش من وحدة التحكم في السيارة للرشاشات وليس للرشاشات نفسها علاقة به وقد قمنا بتغيير وحدة التحكم للتجربة بحوالي 4 وحدات أخرى ولم نجد أي فرق) المقصود بوحدة التحكم هنا ما يطلق عليه اسم الكومبيوتر في السيارة
وجزاكم الله خير