ان شاء الله سوف اذهب الي الاسكندريه في رحله عائليه وتم حجز شقه في شارع خالد ابن الوليد في العجمي وبما ان خبرتي تكاد تكون منعدمه في الشواطيء اريد شاطيء هاديء وقريب من منطقه السكن ويستحسن لو شاطيء خاص بفندق مثلا او شيء من هذا القبيل
عرض للطباعة
ان شاء الله سوف اذهب الي الاسكندريه في رحله عائليه وتم حجز شقه في شارع خالد ابن الوليد في العجمي وبما ان خبرتي تكاد تكون منعدمه في الشواطيء اريد شاطيء هاديء وقريب من منطقه السكن ويستحسن لو شاطيء خاص بفندق مثلا او شيء من هذا القبيل
انا الى اعرفه خالد بن الوليد الى فى ميامى
بس بما ان حضرتك فى العجمى يبقى انصحك بشاطىء شهر العسل فى بيانكى تقريبا حقيقه تحفه و عسل عسل عسل فعلا
باشا للاسف كده انت جبت البلد من مشرقها لمغربها خالد بن الوليد في حتة و العجمي حتة تانية خالص بعيدة عن بعض مايقرب من ساعة .
حضرتك اتاكد من العنوان و قولنا واحنا بعون الله نقدر نفيدك .
رحلة سعيدة إن شاء الله
غريب ايه يا باشا ده انت هتنورنا في بيتك التاني .
المهم هي لو المنطقة العجمي عندك بيانكي انظف حاجة تقريبا هناك.
عموما هتنورنا و استنى برضه وحوش اسكندرية الأستاذ شنوري و دكتور بحري أكيد هما هيفيدوك أكتر.
انا اسف ياجماعه المكان في شارع خالد ابن الوليد مش العجمي انا اسف بجد
لو عايز شاطئ خاص .. ممكن عايدة فى المنتزة .. الشاطئ الخاص بتاع فندق شيراتون امام فندق شيراتون بالمنتزه .. ممكن الشاطئ الخاص بفندق رامادا سابقا دلوقت اسمه حاجة ماريتيم .. و ده اقرب حاجة ليك ..
و احنا هنا كلنا فى الخدمة لو احتجت اى حاجة .. و ممكن نرتب ان حد من الاسكندرانية اللى فى المنتدى يوصلك لحد مكان شقتك فى الاسكندرية لو مش جاى بعربيتك ..
انا تليفونى 0123279988 .. لو احتجت اى حاجة
نصيحة !!!! الوقت دة فى اليكس زحمة ..لو هاتقعد على البحر او هاتنزل يبقى من الساعة 6 : 9 الصبح او ساعتين المغرب ....غير كدة هاتبقى قاعد فى زحمة ودوشة وحرررر
طبعا مبدئيا اوعى تروح الشواطئ المجانية نهائياااااااااااااااااااا اااااااااااااااااااااااا
لو حضرتك حابب حاجة سعرها معقول فيه شاطئ البوريفاج وده برده فى ميامى مش بعيد عن خالد بن الوليد (حوالى 150 متر من بداية خالد بن الوليد )
وده سعره حوالى 7جنيه للفرد والشمسية بحوالى 12 جنيه (غالبا 5 افراد بحوالى 55 جنه )
شاطئ عايدة فى المنتزة ده بيكون بكارنيهات عضويه وكمان كارنيهات العضوية الزائرة لها مواعيد معينة فى الأسبوع (غالبا أثنين وثلاثاء واربعاء)
شاطئ فندق شيراتون طبعا ممتاز بس معرفش اسعاره ايه نظامها
شاطئ فندق مارتيم (سيدى بشر امام المسجد ) معقول بس برده معرفش اعاره
على فكرة انا ساكن فى ميامى ويسعدنى اساعدك فى اى وقت
واسكندرية تنور وتتشرف بيك
ربنا يباركلك ان شاء الله فيه جماعه هيستنوني علي المحطه وكفايه عليا عرضك السخي بجد بس ده ميمنعش اني معايا رقم حضرتك وهتصل بيك علشان نتعرف
زي ماانت عارف ياكتو ان رمضان زانقنا وكمان الامتحانات لان اخت مراتي وجوزها مدرسين وطبعا قدامنا اسبوع يانروح دلوقتي يابلاش الصيف كله
الله يخليك ياغالي والله انا اللي اتشرفت بحضرتك وبكل الاسكندرانيه
بدون مبالغة...أحلى موضوع قرأته النهاردة...اسكندرية تنور بالناس الطيبين..إحنا عارفين إنها رحلة عائلية وإنكم محتاجين كل لحظة بس مش أقل من إننا نشوفك ولو مرة لإن دي حاجة مش بتتكرر بسهولة
الشواطئ زي الناس ما قالت بس غالبا مش هتعجبك لأنها مش بتعجبني لأسباب كتيرة مفهومة وأنا غالبا عارف طريقة تقييمك وعموما تقضوا إجازة سعيدة إن شاء الله
تليفوني ٠١١٠٢٩٢٨٢١
لو لم تتصل وتطلب أي حاجة حتى لو ازازة ميه هتكون بزعلة... ضروري ضروري ضروري نتقابل ونعملوا معاك الواجب اللائق بحد محترم زيك
دكتور بحري ده انا ليا الشرف اني اتعرف بحضرتك شخصيا
والله مكدبش عليك انا اصلا مش مقتنع بالكلام الفاضي بتاع نروح نصيف وشط وكلام زي كده بس انا متدبس غصب:fdsa: عني لاني مواعد المدام من يوم الدخله لغايه النهارده اني هطلعها رحله وهي شبطت في الرحله دي خصوصا ان عديلي هو اللي مزبطها وطبعا مليش حجه اخلع بيها :120146b
لاكن اهم ما في الرحله دي اني اتعرف علي الناس الجميله اللي معانا في المنتدي
0123323225
يعني عاوز تتعرف عليهم وانا مش عاوز تتعرف عليا
ماشي ياعم
تنور اسكندريه كلهااااااااااااااا
من اولها لاخرها
وخد بالك لو متصلتش بينا اول ما تيجي حنعملك فضيحه علي المنتدي
0123145607
كده مليكش حجه
0123323225
ده تليفونك ...................
وده تليفونى
0123313235
عندك شاطئ عايده بس للاسف صعب دخوله السنه دي
في شاطئ فندق رامادا
المعموره
فينسيا في المنتزه
الشيراتون في المنتزه
اي استفسار شباب اسكندريه في الخدمه
0114001036
الاسكندرانية جدعان اوى
كلمت واحد منهم هنا بدون ذكر اسماء بساله على مطعم هناك وكان مصمم يسيب شغله ويجى ياخدنى ويوصلنى لغاية هناك
وطبعا الاخلاق دى بقت نادرة اوى
بس برده ميمنعش انى اقولك متحاولش مش حتلاقى اى شاطئ عدل فى الوقت ده لا بفلوس ولا من غير فلوس حتلاقى الناس مترصصة فوق بعض
طالما رايح شارع خالد ابن الوليد هاتلى معاك ايس كريم من سلطانة وشاى البو هيف وميامى بيبقو هادين
برضه ياشنوري ده انت حبيبي وباذن الله نتقابل كلنا ولو تقدر تظبط سهره كده ساعتين بالليل نتلم كلنا مع بعض ايه رايك
7/1 الي 7/6
وانا اقول كل اللي يتصل بيا يقولي محمد فين ههههههههههههه شفت الصدف
بس اكيد خطك قديم لان خطي من 98
ربنا يباركلك
والله مش غريبه علي اهل اسكندريه وبجد الواحد حاسس انه قاعد مع اخواته
بالنسبه للشواطيء انا محكوم في الفتره دي مقدرش ااجلها هعمل ايه ؟؟؟
شوف انا مكلم واحد اني اشتري القلعه لو قدرت اخلص معاه هشتريلك محل سلطانه كله وادهولك هديه
بس شكرا علي المعلومه بجد هروح وهاكولك الايس كريم بس مقلتليش بتحبه بايه علشان متقولش حارمك من حاجه
يا نوبي آيس كريم سلطانة ده عبارة عن توريطة ومش هتدفع أقل من عشرين جنيه في الواحدة..خليك في عزة ومكرم وبسام ونظامي والناس بتاعتنا دي
يباشا انتا نازل فى الدوشه كلها يعنى خالد بن الوليد ميامى الكورنيش يعنى خروجه و انتا فى البلكونه و سمعنى احلا سلام للاسكندريه كلها
بجد يباشا انا بعتبر خالد بن الوليد افضل مكان شبابى طبعا لكن عائلى المعموره افضل بكتير او العجمى و خاصه لو بيانكى
لكن قدامك فعلا البروفياج جمبك مباشرههو بقا زحمه كتير اليومين دول و عندك طبعا عايده بس الشيرتون اعتقد ان الشاطىء بتاعه صعب الدخول شويه
لكن بما ان حضرتك ماك العربيه فانا ارشحلك بشده المعموره جميله جدا و راقيه جدا و ممكن تقضى يوم فيه
باعتبارى من المنصوره و لكن بحب اسكندريه احب اقلك على الاماكن الى ممكن تروحها
اولا المعموره و تقضى فيها يوم كامل هيا و المنتزه جمبها مباشره و فى بوابه من المعموره تدخلك المنتزه بس اوضحلك المنتزه تروحه بالنهار عشان باليل ضلمه و مش هيعجبك فاهمنى طبعا الاسكندرنيه
طبعا ميامى و الكورنيش و سلطانه و ستنالى و سان ستيفانو مول خروجه يبقى يوم تانى
بحرى و القلعه و متناس ايس كريم عزه يوم تالت و ممكن تركب الاتوبيس ابو دورين جميل جدا
كرافور طبعا و جرين بلازا يوم
العجمى يوم برضه
وسط البلد المنشيه و محطه الرمل و زنقه الستات ايوه اسمها كده ده يوم كمان
لو بقا مزاجك حلو ممكن تخبطلك مشوار لمارينا فرصه برضه ويبقى كمان يوم
نعد الايام و الخروجات 7 ايام وتبقى عملت كل حاجه فى اسكندريه و اى اسكندرانى عايز يضيف يخش ينور الدنيا بجد اسكندريه اجدع ناس و احلى بلد انا عن نفسى بنزل فى المعموره دايما جمب عنتظه الكافيه المفضل لى
كلام سليم جدا ابعد عن الشواطئ المجانيه
واحب ازود على الشواطئ دى شاطئ استانلى وفيه باركينج بره والقعده هناك كويسه باليل وفيه كافتريات ادامه زى سلطنه استانلى وكذا كافتيريا هناك
ولو حبيت تطلع العجمى خليك فى البطاش فيها كل حاجه انت عاوزها والشواطئ كتييييييييييير
وفيها بيانكى طبعا لان بيانكى فى البطاش عشان حضرتك مش من هنا ومتوهش
البوريفاج جميل بجد فيه زى خليج صغير مهدى المية للأطفال