لهذه الأسباب ابتعدت عن فيات

**kono** · 26-06-2010 05:26 PM

احب افكركوا بنفسى يا جماعة انا اللى كنت هشترى جراند بونتو شهر 5 اللى فات و فضلت محتار واعمل مقارنات بينها وبين كل العربيات فى فئتها واستقريت خلاص عليها وحجزتها فعلا
بس قولت استنى اول 6 عشان المعرض واشوف الايفو
فى الوقت ده فى عضو هنا فى المنتدى معاه عربية فيات قديمة عمل حادثة وعمل موضوع عن الحادثة وعن قطع غيار العربية والاضرار اللى حصلتلها مع ان الحادثة بسيطة وعن تعامل التوكيل
وقتها قوت لنفسى اعيد حساباتى وانزل اشوف قطع غيار للعربية اللى لسه هجديبها نزلت دورت عليها فى دمياط بم انى دمياطى
ملقتش اى حاجة ليها خالص .. قولت مش مشكلة ازل القاهرة واشوف وانا كده كده بسافر بصفة دورية نزلت وسط البلد وروحت التوفيقية ملقيتش اى قطع غيار للفيات الجديد عموما
وقتها قولت لنفسى انا هجيب عربية هتقعد على الاقل معايا 5 سنين ان شاء الله ومفيش ليها قطع غيار الايام دى امال بعد سنتين هيحصل ايه
خصوصا انها مش هتنزل تانى والايفو هتنزل مكانها وشكل الايفو مش بينزلى من زور
وحتى الصيانة بتاعتها فى التوكيل غالية وهيبقى مشوار انى اروح القاهرة مخصوص عشان اصين العربية
ودورت على عربية اجيبها فى نفس الحدود السعرية
ملقيتش غير البومة اليبانى والسيراتو الكورىووالدى عنده بومه فجيبت السيراتو وانا حاطط ايدى على قلبى
بس الحمد لله العربية لحد الوقت تمام جدا معايا
وكل ما اشوف الجراند معدية قدامى اتحسر انى مجبتهاش واندم جدا ..[س كل واحد بياخد نصيبه

انا اسف انى طولت عليكوا
بس نصيحة يا جماعة
اللى بيفكر فى فيات اوعى يتردد ويرجع فى كلامه لانه لو رجع فى كلامه هيندم جدا كل ما يشوف العربية معدية قدامى :((
بس حط فى دماغك صاينة العربية

بس نصيحة يا جماعة

**damasry** · 26-06-2010 07:25 PM

اولا الف مبروك للسيارة الجديدة ومعلش احنا اللى خسرناك كمالك جديد لفيات وان شاء الله تجيب البرافو بعد السيراتو

ثانيا كنت عايز ادردش معاك شوية، العضو اللى معاه عربية وعمل حادثة هو كريم (كريبتون) والراجل ده فياتاوى من قديم الازل مش بيحب ولا بيتكلم غير على فيات بس هى ظروف العربية بتاعته ان التوكيل منزلش العربية غير سنة واحدة وبالتالى قطع الغيار قليلة وطبعا اللى بيتحمل الغلطة دى هو التوكيل بس تعالى بقى للجراند بونتو اللى هى السيارة الاولى لفيات فى مصر، قطع غيارها طبعا مش زى السيارات الكورى المنتشرة بس موجودة وفى التوفيقية والدقى واشهر واحد هو الكيلانى.

انا عايز اقولك ان التوكيل نفسه مجبش المواتير الجديدة المالتى اير فى الايفو ونزلها بموتور الجراند عشان يضمن ستوك قطع الغيار وطبعا ده تفكير جيد من التوكيل بصراحة عشان مش يجيب عربية لسه جديدة والله اعلم الناس ها تتقبلها ولا لأ وبالتالى ممكن مش تنجح.

لكن قولى بعد تجربة السيراتو، اكيد انت نزلت شوفت القيات، قولى انهى افضل فى مستوى التقفيل؟؟؟

وبعدين انت نزلت فعلا اوتوماك وشفت الايفو؟؟؟؟؟ عشان هى على الحقيقة افضل بكتييييير من الصور.

نقطة الصيانات ناتجة عن الضغط على مركز صيانة واحد وها تتحل مع افتتاح المراكز الجديدة ويكفى اشتراك الاستاذ ماجد تادرس (مدير فيات) والمهندس طارق جبريل (مدير خدمة ما بعد البيع) معانا على المنتدى ومتابعة اى شكوى.

على العموم انا مش عايزك تضيع فرحتك بالسيراتو واستمتع بها.

**kono** · 26-06-2010 07:48 PM

شكرا لرد حضرتك وانا بجد كنت اتمنى ابقى من مالكى فيات لنى بعشق الماركة دى
بس انا روحت التوفيقية ولفيت على محل محل وملقيتش قطع الغيار ومعرفتش مكان الكيلانى
وبرضه خوفت ان الايفو يحصل معاها نفس اللى حصل مع الاستاذ كريم ومش تنزل تانى
مقارنة تابلوه السراتو بالجراند بصراحة السيراتو اشيك بس الجراند خاماته افضل ومش معنى كده ان خامات السراتو وحشة بالعكس هى كويسة جدا بس الجراند اشد منها
مستوى التقفيل للسيراتو كويس جدا بس صاجها طرى جدا جدا جدا عن الجراند
انا مروحتش المعرض لانى كنت بعشق الجراند والايفو مكنتش مرتحالها

هو في حاجة انا مستغربلها جدا احنا ليه دايما بنحكم على الحاجة من بلد المنشأ ماهى ممكن تكون متصنعة فى بلد كويسة بس هى مش كويسة والعكس
السيراتو كورى بس عربية كويسة جدا