توكيل منوال
عرض للطباعة
توكيل منوال
أفضل لك انك تجيبها وكيل بغض النظر عن المانيوال او الاتوماتيك
مشكور أستاذ ميدو على ردك و انا فعلا بقول اتوماتيك و خاصة انا معايا سيراتو ستبترونيك و مش بعاني منها في أي حاجة بالعكس السحب بتاعها ممتاز و خاصة الواحد خلاص عجز بقى على موضوع الشد و السحب و الكلام ده :shine[1]:
بصراحة أ / ياسر انا مضطر اجيبها من هناك لأني حاليا معار بأحدىة المستشفيات بالسعودية ومعنديش حل تاني وقلت اجيب بكانتو لانها أرخص عربية صغيرة هي و السيلاريو و الأي تن ولقيت كل الناس هنا بيفضلوا البيكانتو في العربيات الصغيرة مع انهم اتريقوا عليا و قالوا لي حتجيب عربية دليفري :_Alshmokh08[1]: قلت لهم مش مهم ، ما انا عندي اختها الكبيرة في مصر
تحياتي للجميع :-)
والله جبها اوتومتك وعلى مسئوليتى
انا حضرتك حجزت البيكانتو الاوتومتك وكنت هستلمها تانى يوم وقلت ادخل اقرا موضيع ليها
اللى قالك دية بطة على 1100
وياسلام لو شغلت التكيف العربية مش هتتحرك من مكنها
انا حضرتك بشغل التكيف على رقم 2 للمروحة وبعد 3 او 4 دقايق بنزلة لرقم 1 فى المروحة بكون تلجت
فاان شاءالله غير وتوكل على الله وصلى استخارة
تقبل تحياتى
انا جبت الاوتوماتيك 2011 ورغم لسه ما عملتش الالف ومش باقدر اسحب جامد بس العربية فى رأىى سحبها ممتاز انا متعود على الاوتوماتيك وبصراحه حاسس انها زى ال 1600 بالنسبه لنقلات الاوتوماتيك والسحب
التكييف فوق الممتاز
الباور كهرباء وانا شايفه ميزه كبيرة انه مش بيسحب من قدرة الموتور
العربيه بالنسبه لعائله انا شايف انها مش مشكله فى الصالون لكن المشكله الشنطة - يعنى للسفر مافيش شنط
طب الحمدالله نقطة مفهاش خلاف
اخيرا اتفقنا
هههههههههههههههههههههه
شكرا أخواني الأعزاء ميدو و فريكو و أساسن على نصائحكم الغالية انا فعلا طلبت الاتوماتيك الاسود و في انتظارها خلال الأيام القادمة بس هيا أغلى من السيلاريو و الأي تن بكتير و الغريب ان سعرها مقارب للأفيو و النيو أكسنت المانيوال جدا و الفرق بسيط ما يزدش عن 2000-3000 ريال فقط لا غير ،،، على العموم البيكانتو عربية غريبة لها كاركتر تشدك ليها ،،،،، :-)
لكم منى جزيل الشكر مع أطيب التحيات
الاوتو عموما افضل في البلد دي
بس التكييف في الاوتو بيبان ان العربية بتتاثر لما تكون محمل افراد وتقال كمان ( الوزن ) يعني
وكمان بالتكييف ممكن تجيب 140 مرتاح وعن تجربة وزي ماقال استاذ احمد سعد التسارع من الثبات مش قوي لكن بعد كده التسارع كويس حتى مع التكييف وده في الاوتو