السلام عليكم
يا جماعة انا لسه شارى تيريوس 99 والناس بتقول عليها كلام وحش خالص يا ريت تفيدونى برئيكم والدين النصيحة
عرض للطباعة
السلام عليكم
يا جماعة انا لسه شارى تيريوس 99 والناس بتقول عليها كلام وحش خالص يا ريت تفيدونى برئيكم والدين النصيحة
هى مع ابن عمى هو مركب جنط 15 او 16 مش فاكر فى العربية ثابتة معاها وهى عربية كويسة وعملية بس يعيبها اسعار قطع الغيار غالية
شكرا ليك ولزوقك جزاك الله كل خير
العربيه كويسه بس مش بتاعت جرى ف على مهلك وخصوصا فى الملفات
غير كده عربيه 10/10 وكل فين وفين لما تحتاج تجيبلها حاجه.
على فكره أنا وزوجتى عن عربيتين موديل 2000 فول أوبشن أوتوماتيك ومبسوطين منها جدا والحمد لله
انا لما اشتريت دايهاتسو شاريد كتير كرهوني فيها بس العربيه اثبتت العكس تماما
شكرا ليكم ولزوقك جزاكم الله كل خير
الف مبروك .. هي عربية ممتازة للمدينة والمشاوير الصغيرة وعالية عن المطبات وتستاهل ..
جزاكم الله كل خير
يا ترى حد عنده معلومة عن كمالياتها او حاجة تضاف ليها تغطى الشنطة تامفتوحة ورا ولو اى كماليات او تعديلات يا ريت
مبروك
اهم حاجه خلي بالك منها في الملفات لاني جربت مش سمعت :36_7_4[1]:
اقتباس:
المشاركة الأصلية كتبت بواسطة ralliart
كل العربيات العاليه كده
وده مش عيب في التريوس بس حتي الجيب شيروكي نفس الكلام
انا لسه مشتريها موديل 2002 وشايف لحد ناو انها معقوله وكويسه
طب بالنسبه للمستعمل الاوتوماتيك ايه رايكم ولا بلاش منه
هى عربية مدينة من الدرجة الاولى يعنى عملية جدا جاخل المدينة بس مش يتاعة جرى اخرها 130 و بتبقى حاطط ايدك على قلبك
عيبها بتاكل بنزين و اغلى حاجة فيها الفتيس الاتوماتيك ب 7000 جنيه فلو هتشتريها حرب الفتيس كويس و تاخد بالك من الزيت
الصديق العزيز
اولا اختيار موفق ان شاء الله
انا معايا تريوس 2000 مانيوال وفعلا العربية دي حلوة جداً لكن خليك فاكر انها عربية مدينة للطرق الوعرة مهياش بورشا ولا بوجاتي
ولو الكوتش من نوع جيد زي بريدجستون ومقاسه مضبوط ومثالي 205/70/ 15 بوصة يبقي مش حيبقي في اي مشكلة في الثبات سواء علي الطرق السريعة او في المنحنيات
نيجي بقي للمهم
اهم حاجة تكشف عليها انك تشوف العربية عاملة اخر صيانة في التوكيل امتي ولو العربية معدية ال 100 الف كيلو لازم تلاقي ستيكر علي الموتور بيثبت انها تمت الصيانة في التوكيل والصيانة دي مهمة جدا لانها تشمل تغيير سير التقسيمة وده مهم جدا انه يتعمل في التوكيل
غير كده متقلقش من حكاية قطع الغيار لانها موجودة لكنبتبقي عند محلات بعينها
يعني موجودة لكن مش عند اي حد حتلاقي 3 او 4 حواليك تبقي زبونهم وبس
العربية جيدة
اتمني اكون افدتك ويا ريت تطمنا عملت ايه
this car ma3aia bardo terios 200 auto we sara7a meraia7any gedan we el7amd lelah mabetro7sh lemekanekeiah
bas el mohem enak tefham el3arabeia we enta 7aterta7 ma3aha gedan wallahy
beltawfe2