ايه رأيكم في قانونية هذا البيع

**ah-gawad** · 26-06-2010 11:59 PM

الحكاية باختصار هو ان انا امامي سيارة فرنا 2009 متبقي عليها 24 قسط ب 24000 جنيه و عليها حظر بيع و اللي هشتريها منه هيعمل توكيل لصاحب المعرض صاحب السيارة و ياخذ مني الفلوس المتفق عليها و بعد كده المعرض يعمل لي عقد في الشهر العقاري و تفضل الرخصة باسم صاحبها و لما اخلص اقساطها و هيكون متزامن مع انتهاء الترخيص هاخد من المعرض جواب فك حظر البيع و اسجل العربية باسمي. فهل هذه الطريقة قانونية و لا يوجد منها اي ضرر او مخاطرة و لو فيها مشكلة يا ريت توضحوا الطريقة الصح و الامنه ايه. ارجو الافادة و شكرا للجميع

**mexmarine** · 27-06-2010 12:36 AM

انا شايف ان الوضع غير مريح و يجب استشارة موظف فى البنك اللى هتدفعله الاقساط و تاجر عربيات و محامى و لو القسط للمعرض مباشر تعمل معاه عقد بيع و شراء على انه يسلمك الرخصه بعد سداد المبلغ المذكور بعد عدد الشهور المذكوره و لا يصح الغاء التوكيل الا بحضور الطرفين .

**tefahossam** · 27-06-2010 07:40 AM

تعمل معاه عقد بيع و شراء على انه يسلمك الرخصه بعد سداد المبلغ المذكور بعد عدد الشهور المذكوره و لا يصح الغاء التوكيل الا بحضور الطرفين

ده احسن حل للموضوع ده واظن ان ده هيكون ربط لصاحب العربيه والمعرض.
وبالتوفيق ان شاء الله

**ah-gawad** · 27-06-2010 12:08 PM

اولا اشكر الاخوة اللي ردوا علي الموضوع بس عاوز افهم يعني ايه يسلمني الرخصة بعد سداد الاقساط و انا همشي ازاي من غير رخصة طوال فترة السداد و بعدين هل العقد اللي هيكتبوا صاحب المعرض ليا قانوني و يضمن حقي و خصوصا ان صاحب السيارة هياخد الفلوس اللي هو طالبها و صاحب المعرض هيحصل الاقساط بشيكات يعني برضه ضامن حقه و انا مش معايا غير العقد من صاحب المعرض و الرخصة لسه باسم صاحبها . اسف للاطالة بس ارجو التوضيح لاني مش ناوي اخد اي خطوة غير لما اتاكد ان شاء الله من سلامة الموقف القانوني و شكرا للجميع

**zrzr1** · 27-06-2010 06:08 PM

اسأل ف البنك يباشا لو ينفع تغيير اسم الشخص اللي عليه المبلغ ويكون منك للبنك علطول هيكون احسن وتفضل الرخصه بأسم صاحبها وتاخد عليه الضمانات الكافيه لغايه ماحظر البيع يخلص...وبالمناسبه يباشا اتأكد من البنك ان العربيه لسه عليها الاقساط كده بس مش اكتر وخلي بالك لأن الموضوع ده بيحصل فيه نصب كتيررر وربنا يوفقك

**mexmarine** · 28-06-2010 02:10 AM

هى الاقساط لبنك وللا لمعرض ؟

**ah-gawad** · 28-06-2010 02:15 PM

المشاركة الأصلية كتبت بواسطة mexmarine

هى الاقساط لبنك وللا لمعرض ؟

الاقساط للمعرض و ده يمكن اللي مخليني قلقان شوية لاني بتعامل مع افراد و تجار سيارات و دول معظمهم كل الناس اكيد عارفاهم كويس لكن لو بنك هو في النهاية مؤسسه ليها قواعد و عقود بتلتزم بيها و ربنا يسهل ان شاء الله

**A.Saad** · 28-06-2010 02:38 PM

وليه الرخصة مش باسمك

الافضل
صاحب العربية يعمل توكيل للمعرض
المعرض يبيع لك
تاخد عقد ورخص باسمك

**ah-gawad** · 28-06-2010 06:32 PM

الف شكر للاخوة a.saad 7 & hardman لتوضيحهم للموضوع و فعلا كذا واحد قاللي ان الحل ده هو افضل حل و هو ان المعرض يعمل لي عقد مسجل مع وجود حظر للبيع بس كنت عاوز اتاكد ان الحكاية دي قانوني و تضمن حقي لان مليش خبرة بالمواضيع دي لكن واضح ان ده نظام متبع و متعارف عليه و مفيش منه مشاكل و الف شكر للجميع

الموضوع: ايه رأيكم في قانونية هذا البيع

LinkBack

أدوات الموضوع

عرض

ايه رأيكم في قانونية هذا البيع - انشر الموضوع فى :

-

-

-

-

-

-

-

-

المواضيع المتشابهه

اسواء خدمة ما بعد البيع (وقبل البيع كمان)

رأيكم في حالة البيع دي

استشارة قانونية ؟

ايهما الافضل لبائع السيارة : البيع بتوكيل ام البيع بعقد مسجل ؟

موسوعة قانونية ..

الكلمات الدلالية لهذا الموضوع

المفضلات

المفضلات

ضوابط المشاركة