-
الحقونى بسرعة
السلام عليكم/اشتريت عربية لادا موديل 2107 لسنة2007وبعد شهر واحد فالى العربية مغيرة ربع لان المدادة ملحومة وديتها لسمكرى قاللى ما فيهاش حاجة وبعدين وديتها لواحد تانى قالى مغيرة ثلث /المهم علشان ماطولش عليكم انا عندى فحص وكنت عايز اعرف هل فى مشكلة فى المرور ولا ده شىء عادى وهل التغيير بياثر على العربيه فى جودتها ولكم الف شكر
-
المرور بيبص على رقم الشاسية والموتور والشكل العام وساعات نسبة العادم وبعدين لازم تدفع فى جميع الحالات
-
شكراااا ليك بس عايز اعرف هل المرور ممكن يكهن العربية ولا مايرخصهاش
-
الكلام ده عمرم ماحصل ولو حصل يحصل لعربية بقالها 50 سنة ومفيهاش حاجة سليمة لكن هو فى حالبة وجود خبطات كتير بالعربية او ان يكون الموتور مفوت بيوقف الترخيص لحد لما تصلح العربية
-
يعنى تغيير الربع او الثلث الفحص مالوش فيه اصل بسمع ان فى عربيات سحبوها لما راحوا الفحص ولا ده فى النص بس /ونا اسف على الاطاله بس فعلا الموضوع ده مش مخلينى اعرف انام000وشكراااا جداااا ليكوا
-
هو مش رقم الشاسية والماتور زى اللى فى الرخصة ولا لا وبعدين بما انك انت وانت بتشترى العربية مخدش باللك والمفروض انك كنت بتفحصها كويس قوى يبقى العيب مش ظاهر بالشكل القوى
عمرى ما سمعت عن ان المرور رفض يرخص عربية عشان مغيرة ربع او حتى نص
السحب ممكن للعربيات اللى فى مشاكل جامدة فى الموتور او عيوب واضحة جدا واصلا عمرى ما سمعت عن ان المرور سحب عربية عشان حالتها اكتر حاجة انه يرفض الترخيص
-
شكرااااااااااااااا ليك جداااا ومعلش تعبتك معايا وان شاء الله لما ارخص وافحص حبقى اقولك
-
ربنا يوفقك وابقى طمنى بس لازم تدفع اتاوة الفحص للمهندس
-
لو المرور بيسحب عربيات كانت نص عربيات البلد انسحبت
-
طب قلى ادفع كام علشان انا ما اعرفش فى الحاجات دى
-
طب انا عندى واحد كان عاملى الرخصه بتعتى ويعرف الظابط اللى هناك وقاللى انه ممكن يجى معايا الفحص وياخد 150جنيه ايه رايك
-
يا عم كل حاجة بتمشي بالبريزة والشلن مفيش مشكلة والمهندس بياخد 20 كله بيمشي
-
مش مستهلة حد يجى معاك 30 جنية للمهندس يخلص كل حاجة عن الفحص والطفاية وكلة
-
انا متشكر جداااااا ليكوا انتم فعلا طمنتونى وان شاء الله حبقى اقول لكم لمل خلص فحص فى شهر8 /على فكره حد يعرف الفحص بالترخيص ينه يكلف كام ///ان عربيتى لادا2107 موديل 2007 /1600cc,وحنقل ملكيه وشكرااا جدااا على ردودكم يا اجدع ناس فى احلى منتدى
-
هو ياريت تروح قبل ما الترخيص ينتهى هيكون افضل عموما انا رخصت عربيتة لادا 2105 1300cc 3 سنوات اتكلفت حوالى 1000 جنيه اعتقد ان الفرق بين 1300 ال1600 مش كبير بس خلى بالك ان ترخيص سنه مش هيكون ثلث المبلغ هيكون اكتر من الثلث لان فية مصاريف ثابتة زى الاكراميات سنة زى ثلاثة وربنا معاك ويوفقك
-
على فكرة يا جماعة انا اتصلت بصاحب العربية الاصلى وقلتله عالى ان العربيه مغيره ثلث اللى العربيه كانت عامله حادثه من الجنب الشمال وغيرت صاج البابين والزجاج والرفرف ومعاه محضر الحادثه وفيه التلفيات والكلام ده قالهولى واحد سمكرى يعنى طلعت العربية مش مغيره حاجه /وانا كنت شاريها24الف السعر ده كويس ولا لا وشكراااا جدااا ليك لمتابعتك مشكلتى
-
ده الموضوع طلع بسييييييييط خالص
الحمد لله
-
الحمد لله عقبال الفحص والترخيص علشان بسمع ان اليوم ده بيكون طويل ومتعب وممل
-
على فكة بالنسبة للمخالفات انا لسه مااخدتهاش من صاحب العربية لانه عامل استشكال والجلسه بتاعتها يوم 27/7ورخصةالعربية تنتهى يوم 27/7 وانا لسه ما سجلتش العربيه باسمى علشان هوه قاللى لو سجلتها يبقى كدة حيثبت عليه المخالفات ومشحينفع الاستشكال الكلام ده مظبوط ولا ايه ولو الراجل ده ماطل اعمل ايه وشكرااااااااا
-
هى عليها مخالفات قد ايه وبعدين هو انت مش مبقى جزء من تمن العربية
-
عليها1200جنيه ولسه باقيله 1750 بس واخد شيك بالباقى بتاريخ 20/7واتصلت بيه من يومين وقلتله يحضرلى المحالفات قاللى طب هات الفلوس علشان ادفعها واجبلك المخالفات قلتله ماينفعش قاللى انت مخونى قلتله لا بس دى الاصول وانت معاك شيك قاللى دى حتة ورقه قلتله تسلملى المخالفت اسلملك الفلوس قالى خلاص اتصل بيه يوم27/7 الى هوه ميعاد الجلسه انت رايك ايه فى الكلام ده ومعلش انكنت بطول فى الكلام وشكرااا على اهتمامك
-
انا بصراحة مش عارف ايه موضوع الاستشكال ده انما العادى ان الواحد يبقى فلوس لصاحب العربية من غير ما يكتب شيك على نفسه عشان التسجيل وبعدين اللى بيشترى بيبقى هو اللى محتاج صاحب العربية اكتر عشان التسجيل لكن مش مشكله بس انا رايى انت تحاول تتأكد من ان فى حاجة اسمها استشكال وعموما اللينك ده عشان تعرف العربية عليها مخالفات اد ايه https://www.egypt.gov.eg/services/Lo...ction=citizens ادخل عليه ودخل البيانات المطلوبة وهتعرف العربية عليها مخالفات اد ايه
-
الموقع مش شغال وانا من الاسكندرية ولسه مانزلوش الاسكندرية/بس انا معايا توكيل بالبيع لنفسى برضه لازم يكون صاحب العربية معايا وانا بسجل وهل ممكن اروح المرور واسال عن المخالفات ولا لا وشكراااااااا
-
طالما معاك توكيل يبقى خلاص مش محتاجه فى حاجة كده يبقى صح وممكن تروح المرور تسأل عن المخالفات
-
طب دلوقتى العربية لسه باسمه ممكن هوه يتهرب من دفع المخالفت ولو عمل كده اتصرف ازاى ولو انا سجلت العربيه يبقى هوه لازم يدفع المخالات ولا ايه انا بدات اقلق من الراجل ده
-
شوف الاول ايه فى حاجة اسمها استشكال وبعدين نشوف هانعمل ايه
-
ان شاء الله حروح وشوف بس اسال ازاي واخد ايه معايا
-
هو بصراحه احنا عايزين نتاكد ان فيه حاجة اسمها استشكال اصلا ودى تتاكد منها انك تروح نيابة المرور وممكن تسال امين شرطة او حتى صول ان كان فى حاجة اسمها كدة
-
ايوة فى اسنشكال بس ده لما بتكون المخالفات جامدة مثلا 2000 او 3000 فده يقدم استشكال و ممكن يخفض المخالفات و ممكن لا
-
انا متشكر ليكوا جداااا يا جماعه ان حستنى ليوم27زى ما الراجل قاللى لان كده كده مش حعرف اعمل حاجه لانه معاه شيك بالفلوس الباقيه والراجل لما كلمته وقلتله تدينى المخالفات اديلك الفلوس قالى ماشى اتصل بيه يوم 27 ومبينش سوء نيه فاناحسيب الموضوع على ربنا والله المستعان ويوم27ان شاء الله حقولكم ايه اللى حصل وداعولى يكون خير وبكرر شكرى مرة تانيه ....يا اجدع ناس فى احلى منتدى
-
معلش يا جماعه كنت عايز اعرف حاجهكانت مكتوبه فى عقد البيع العربية /مكتوب مدفوع 22الف والباقى 1750تدفع عند التسجيل وقد اتفق الطرفان على التوثيق فى الشهر العقارى فى يوم20/7وفى حالة عدول احد الطرفين عن العقد اوالتاخير عن ميعاد التوثيق يدفع الطرف الثانى كشرط جزائى مبلغ خمسة الاف جنيه ويلتزم البائع بتسليم المشترى ساعة التوثيق شهادات المخالفات والبيانات الخاصه بالسيارة......معنى كده ان لازم اسجل فى الميعاد 20/7ولو اتاخرت انا او هوه ادفع خمسة الاف جنيه والكلام المكتوب عن تسليمى المخالفات تلزمه فعلا انه لازم يسلمهالى ولو معملش كده ممكن اشتكيه بوجب هذا العقد لدفع المخالفات
-
ارجوا لو حد محامى او اى شخص عنده خلفيه عن الموضوع انه يدخل ويشارك....وبشكر جدااااا اللاخengaassلانه بصراحه متابع للموضوع جزاك الله كل خير
-
هاحاول اسالك محامى قريبى وارد عليك بس متهايءلى انه كدة انت ممكن تيجى يوم 20/7 تكلم الراجل صاحب العربية وتقوله على الشرط ده او ممكن تروح معاه المرور وتدفعوا المخافات مع بعض
-
-
على فكره انا كلمت الراجل علشان اروح معاه المرور وندفع المخالفات الراجل وافق وقالى ماشى هيه عليها1700جنيه وكنت عامل استشكال علشان يخفضوهم
-
خلاص روح معاه بس اتاكد ان معاه الشيك بتاعك وادفع معاه وخد شهادة المخالفات والشيك
-
Content Relevant URLs by
vBSEO 3.6.0 PL2