اجيب سيارة ايه ب 30 الف

**ahmedzizo131** · 09-07-2010 11:50 AM

المشاركة الأصلية كتبت بواسطة eng_hisham85

بص ياكبير بعد معاناه زيك

في الوقت الحالي :
شاهين كل أسعارها مبالغ فيها فوق ال 30 ألف وبصراحه ماتستاهلش
هي بصراحه عربيه كويسه ولكن مقارنة ببعض العربيات الآخرى زي الأبيزا أو الكورسا ماتجيش جمبهم حاجه
بالنسبة للأكسيل والسويفت عربيتين مابحبهمش ضعيفه جدآآآ
لو قطع الغيار مش فارقه معاك أوي هات أبيزا 94 وأنت طالع او كورسا 1200 سي سي أبعد عن الفيليشيا الا لو حالتها ممتازه لأنها لو متهانه هتبهدلك معاها

وبرده لو مش فارقه معاك قطع الغيار أوي دور على سيفيا 1 أو 2 بس هتزود شوية فلوس وفيه أستروين اكسارا وفورد فوكاس بس دول قطع غيارهم أغلى حبتين وقليل اللي بيشتغل فيهم

ولو لاقيت أكسنت يبقى 10/10 بس صعب في ال 30 ألف هتبقى حالتها مش قوي يعني هتزود شوية وتشوفلك واحده فاضيه

البرايد عربيه حلوه ومش هتبهدلك يعني في المعقول

لو هتفرق معاك زي ماقال الأخوة هات الشاهين بس صعب تلاقي حاجه في ال 30 ألف واوعى تجيب شاهين من موديل تحت ال 94 يبقى حرام عليك بجد لو جيبت شاهين موديل 90 لأن يبقى عدى عليها أكتر من 18 سنة؟؟؟

الشماعه والفرق بين العربيات والمفاضلة مابينهم بيقى في قطع الغيار؟؟؟

رغم أن الأبيزا والكورسا 1200 سي سي أو السيفيا حاجه تحفة ألماني ونظافة بس قطع الغيار غالية شوية بس مش كلها في حاجات غاليه وحاجات عاديه

في النهايه روح لراحتك النفسيه شوف أنت مستريح لأي موديل وهاته
وبص اهم حاجه حالة العربية لو حالتها كويسه والأبشن فيها عجبك توكل على الله وقطع الغيار مش غاليه صدقني في غالبية العربيات اللي حضرتك كاتبها ديه الا لو في الحاجات التقيلة أوي لقدر الله

أتمنى أني أفدتك وآسف على الأطالة

بسم الله الرحمن الرحيم
على فكرة انا معايا اكسيل و هى مش صعيف ذى ما انتى بتقول و على فكرة نعمة جدا جدا فى سوقتها و قطع غيارة متوفرة و رخيصة و اسهلالكها فى البنزين كويس جدا

**mfetoh77** · 10-07-2010 10:02 AM

الف شكر للردود الجميلة دى و انا بجد استفدت كتير
الخلاصة
مش هلاقى شاهين كويسة بالسعر دا

طيب الكيا برايد هاتشباك تعمل كام هى و السيات ابيزا
و عاوز اعرف قطع غيارهم بالنسبة لباقى السيارات فرق كبير
ولا

**eng_hisham85** · 10-07-2010 03:56 PM

المشاركة الأصلية كتبت بواسطة ahmedzizo131

بسم الله الرحمن الرحيم
على فكرة انا معايا اكسيل و هى مش صعيف ذى ما انتى بتقول و على فكرة نعمة جدا جدا فى سوقتها و قطع غيارة متوفرة و رخيصة و اسهلالكها فى البنزين كويس جدا

والله ياباشا ده لأنك أنسان بتحافظ على حاجتك والأكسيل عربيه مش وحشه بس محتاجه صيانة دوريه واهتمام
وأي عربية لو عملتلها صيانه وأهتميت بيها هتبقى 10/10 ده عربيات أقل من الأكسيل بكتير وماشاء الله أصحابها محافظين عليها و10/10

بس زي ماأنت شايف الراجل بيقولك أنا كسول فمش هيهتم بصيانتها أوي

وربنا يباركلك في عربيتك ويبعد عنك شرها ويحفظهالك

**eng_hisham85** · 10-07-2010 04:03 PM

المشاركة الأصلية كتبت بواسطة mfetoh77

الف شكر للردود الجميلة دى و انا بجد استفدت كتير
الخلاصة
مش هلاقى شاهين كويسة بالسعر دا

طيب الكيا برايد هاتشباك تعمل كام هى و السيات ابيزا
و عاوز اعرف قطع غيارهم بالنسبة لباقى السيارات فرق كبير
ولا

الأبيزا 94 glx تعمل من 28 الى 32 بالكتير وده تبقى حالتها حلوه
البرايد هاتشباك 99 تعمل 30 ألف والرينج من 27 الى 30 حسب الحاله والسيدان فاضيه تعمل نفس الأسعار
بالنسبة لقطع الغيار فالبرايد أرخص بس الأفضل ليك أنك تنزل تسأل وتستفسر بنفسك عند محلات قطع الغيار
الفرق أن الأبيزا قطع غيارها معمره عن البرايد على الرغم أنها أغلى في السعر

واستنى رأي بقية الخبراء وماتستعجلش وربنا يوفقك أن شاء الله

**mfetoh77** · 11-07-2010 02:12 AM

انهو اللى اضمها و عفشتها اجمد و تستحمل الطريق السيئة

**mfetoh77** · 12-07-2010 02:07 AM

ايه احسن سيارة من ناحية العفشة الجامدة و تستحمل الطرق السيئة

**eng_hisham85** · 12-07-2010 02:16 AM

المشاركة الأصلية كتبت بواسطة mfetoh77

ايه احسن سيارة من ناحية العفشة الجامدة و تستحمل الطرق السيئة

لو بتقارن ابيزا عن البرايد في العشفة الأبيزا تكسب
يكفي أن الأبيزا تعتبر ألماني تبع مجموعة فولكس فاجن
وربنا يوفق حضرتك

**lord2006** · 13-07-2010 10:56 AM

الاكسيل 1500 سي سي موديل 1998 بتعمل نفس المبلغ دة ولا اية؟

**eng_hisham85** · 13-07-2010 02:31 PM

المشاركة الأصلية كتبت بواسطة lord2006

الاكسيل 1500 سي سي موديل 1998 بتعمل نفس المبلغ دة ولا اية؟

أيوه يافندم بتعمل نفس المبلغ ده

**ahmad5997** · 13-07-2010 04:26 PM

انا معايا ريجاتا
وناوي ابيع ان شاء المولي واكمل واجيب حاجة اعلي شوية
ولقيت موضوع حضرتك
وتقريبا هيبقي معايا نفس المبلغ وطبعا انا في نفس الحيرة
وبما اني هبيع ريجاتا ف طبيعي مش هشتري اختها الكبيرة الشاهين
لذلك يبقي السؤال اي عربية من دول ينفع ويكون محترم معاه
وياتري الاكسنت ظروفها ايه بالنسبة للسعر والمقارنة بينها وبين الاكسيل

متـــــــــــــــــــــــ ـــابع بشغف