بجد عايز أقلع عن التدخين ...
وبجد حاولت أكثر من ... مرة ...
مش علشان مش مقنع لأ ... مقتنع أن دة سفه ودة عادة قبيحة وكل الكلام اللى احنا "كل المدخنين عارفينوه"
ياريت كل واحد فينا لو بيدخن يقول ..
بيدخن كام سيجارة - نوعها
وعايز يبطلها ولا لأ
وممكن نعمل أيه علشان نبطل الهباب دة ...
وياريت لو حد عنده تجربة للاقلاع عن السجائر يقولنا عمل أيه ...
طالما انت حاولت قبل كده و معرفتش تبطل، يبقى حلك الوحيد هو الباتشات اللى بتتلزق على الجسم ديه عشان تقلل حاجتك للنيكوتين...على فكره انا مجربتهاش و عمرى ما دخنت.
http://www.quit-smoking-authority.co...ng-patches.htm
ولا باتشات ولا غيرة... الموضوع قوة ارادة
انا صحيت فى يوم صدرى واجعنى من السجاير قررت ابطل و فضلت 6 شهور مبطل لحد ما حصلت مشكلة فى الشغل و اعصابى فلتت و دخنتعلبة سجاير فى 6 ساعات تقريبا... بعدها بطلت تانى كذا شهر و رجعت دخنت ايام تجهيز الشقة للجواز لان اعصابى كانت بتتحرق يوميا تقريبا
انا الحمد لله مبطل و مشربتش غير سجارتين لما كنت عامل الحادثة و خرجت من النيابة الساعة 10 بليل
الموضوع ارادة و تصميم قبل كل شىء... قول انا مش حدخن تانى و خلليك قد كلمتك... اول يومين تلاتة صعبين و بعد كدة الموضوع حيبقى عادى جدا
MMamdouh
بأدخن من 8 سنين
بنفس المعدل ده
علبة سجاير على اربع ايام مارلبورو ابيض
و مابشربش جوة البيت
و احيانا ممكن يعدي عليا يوم او اتنين و مشربش ولا سيجارة
اغلب السجاير في الشغل او و انا مروح في السكة علشان أظبت الاداء
و بصراحة مش عايز ابطلها علشان هية بالنسبة ليا مزاج مش عادة عمال على بطال
و ربك يزيح
أعرف او اقتنع او تيقن بحرمانية الفلوس اللي بتدفعها فيها
وانت هتتركها ولكن لو تيقنت
يعني مثلا انت متيقن طبعا وكلنا ان لو انت حطيت ايدك في جيب اللي جمبك وأخدت فلوسه وصرفتها ان ده حرام بالتأكيد
طب ليه مش بتقدر تعملها لأن حضرتك عندك يقين انها فلوس حرام
طيب حضرتك او استطعت ان تتيقن بنفس الحرمانية بتاعت الفلوس دي اللي انت بتدفعها فيها يبقى المشكلة اتحلت ان شاء الله
وانصحك بسماع أحد هذه الشرائط ويفضل كلها وقراءت هذه المقالات هنا
انا كنت بأدخن بشكل جنوني (يعني كنت ممكن اوصل لعلبتين تلاته في اليوم) وكانت السجاير بالنسبة ليا زى النفس اللي بأخده يعني اشرب بق ميه اشرب سيجاره وراه ... آكل باكو بسكويت اشربلي 5 سجاير وراه ... اتغدي يبقى لازم 10 سجاير وراه .... اما بقى قاعد في صحبه يعني العزايم هتشتغل يبقى في ساعتين زمن تكون علبة سجاير انضربت ...
انواع السجاير اللي شربتها كانت بدون مبالغة كل الانواع اللي سمعتوا عنها انا شربتها من اول كوكو الضعيف (الاسم الحركي للكليوباترا) لحد تنضيف الصدر عن طريق (المارلبورو والميريت والدانهيل)
قعدت على هذا الحال التدخيني الشره ما لا يقل عن عشر سنوات ... وعندما وصلت لل 31 سنه حصل معايا مشكلة في صدري وبقيت بأكح زى اللي عنده 70 سنه واطلع سلم للدور التالت انهج واقعد جنب الحيط استغيث ...
وفي نفس التوقيت ده رزقني الله بأول مولود وما بقيتش اقدر ادخن في البيت تقريبا عشان الولد فبدأ معدلي التدخيني يقل ... وكمان في الشغل اتمنع التدخين في المكاتب فأصبحت لا ادخن الا وانا في الشارع او في العربية ...
قلت على ايه يا بني العذاب ده !!! قررت آخد قرار جرئ اني ما أشربش سجاير وده من حوالي سنتين تقريبا ... ومن ساعتها وانا اصبحت من الممتنعين عن التدخين ولا يفرق معي اى حد يدخن امامي او اشم رائحة الدخان ولا الكلام الفارغ ده كله اللي بيقنع به المدخنون انفسهم لعدم الاقلاع عن التدخين ..
الموضوع وما فيه انه في الاول وفي الاخر اراده انك تبطل سجاير وبس ... ولا تسمع كلام اللي يقولك لزقه ولا اشرب سيجارتين النهارده وبكره سيجارة وبعده تبطل ... كل الكلام ده كلام فارغ وليس له اساس من الصحة ... لو عايز تبطل سجاير فعلا وفيه معاك علبة سجاير ارميها وما تشتريش تاني وما تتخيلش انك هتقعد تهرش بقى والكلام العجيب ده ... الموضوع بسيط جدا ولا يحتاج الا لقوة اراده...
اول خطوه انك تبطل السجاير .. بطل تشتري السجاير !
الحمد لله العبد من غير المدخنين .. و ان شاء الله لحد ما اموت ..
عادي جدا انا شخصيا مبطل من اكتر من 10 سنين والحمد لله
مبشربش غير الشيشه التفاح من حين لاخر يعني كل كام شهر كده مره علي سبيل الفلكلور
كان ليا مدير بحبة جدا جدا علمني معنى الشغل الاحترافي في شركتي الحالية
وخلاني اخد 9 من 10 في كل التقييمات اللي كانت بتتعملنا
كان مدخن شره (اكتر من 3 علب في اليوم) مع قهوة دارك بلاك
رغم حبي الشديد ليه امتنعت عن الجلوس معاه في غرفة واحدة
بنى بارتيشن خشب وركب تكييف لوحدة
توفى بعد اقل من سنة بعد معانا شديدة لمدة 6 شهور مع المرض اللعين بسبب السجاير
عن عمر 39 سنـــــــــــــــــــــــ ــــه
الله يرحمك يا شريف يا كامل
---------------
احد اقاربي احد اكبر المراقبيين الماليين في مصر والشرق الاوسط
3 علب سجاير في اليوم
صراع شديد في العناية المركزة اكتر من مرة وكل مرة يخرج بمعجزة
اول ما طلعت الفتوى بتاعتتحريم السجاير اخذ عهد انه لن يضعها في فمه مرة تانية
وقد كان ونفذ بارادتة ما عرف انه حرام
--------------
اللهم ارفع هذا البلاء عن كل اخواني في الله فلكم هو شديد السوء
شفاكم الله وعفاكم من كل سوء
إستعن بالله
أنا شخصياً كنت مدخن لفترة طويلة وكدذا مرة أحاول أبطل بنفسي و معرفتش و لما طلبت من ربنا إنه يعيني على إني أبطل بطلتها مرة واحدة ومن غير ما أحس بأي مشاكل بالعكس حسيت إن صحتي بقت أحسن بكتير
المعلم (ابويا) 8 علب في اليوم و نادراً ما بي"تحي" حد .. (مننا طبعاُ .. ده غير المحيط اللي بيتعامل فيه ده يخلي اجدع غير مدخن يدخن ههه)
العمر 59 سنه صحته زي البومب ههههه
بس احسبها بقي .. 8x2.5 = 20 جنيه .20x30 = 600 جنيه سجاير بس ... لو انا ؟ احط بيهم بنزين و اتفسح بيهم ..انا اولي ..
ايه يا عم دة هو ابوك مركب تربو فى صدرة؟؟؟؟ :D :D :D
قول للمعلم يخف السجاير لحسن الصحة غالية و ربنا يخليهولك :)
MMamdouh
اصله كان متهود يجيب مارلبورو .. بعدين لقي الخشباترا رخيصه راح جاب بالباقي هههههه
لكل المدخنين خدوا الفيديو ده:
http://www.youtube.com/watch?v=-DbFBu_I_lA
بالشنا و الهفا
انزل اجري شوية و انت هتكتشف ان السجاير خربت جسمك و انك بتجيب جاز خلاص .. و صدقني هتكره اللي عملته فيك و هتحب انك ترجع زي الاول .. اهم حاجة انك تكرها فعلا
و متنساش ان الموضوع عادة .. يعني السجاير تلاقيها داخلة في عاداتك اليومية .. لو انت متعود تشرب سيجارة بعد الغدا .. و انت سايق .. و انت بتشتغل .. اعرف الاوقات اللي متعود تدخن فيها و سيطر عليها دماغك و اقنع نفسك انك مش هتدخن فيها ..
و بالنسبة لي الموضوع مكنش صعب و مفيش صداع جالي ولا حاجة زي ما كنت متخيل .. الموضوع كله نفسي .. و الاقلاع عن التدخين سهل جدا بالارادة .. و ربنا يوفقك
معلهش يمكن اطول عليكم لكن التجربة بتاعتي عاوز اقولها لمن يريد ان يقلع عن التدخين يمكن تكون مفيدة
انا بدأت ادخن وعمري حوالي 16 سنة
واقلعت عن التدخين وعمري 35 سنة ودة كان من حوالي 9 سنوات وخلال فترة التدخين بطلت اكتر من مرة ورجعت تاني لغاية آخر مرة سنة 99 وربنا يكرمني واكمل لغاية آخر عمري
1 - النجاح في الاقلاع ده مش شطارة ولا عزيمة بقدر ما هي توفيق ورضا من الله
2- وضعت امامي السبب اللي ح اقلع عن التدخين من اجله وهو اني ابتغي مرضاة الله لأن التدخين حرام وحتي لو ما كانش حرام علي رأي قلة فهو يغضب الله تخيل انت بتغضب الله كل ربع ساعة!!!
3- لما بطلت السجاير بطلت كل شيء بيدخن - شيشه- بايب- جوزة- اي دخان باي شكل
4-بطلت كل العادات اللي بترتبط في ذهني بالتدخين - القهوة مثلا -الجلوس في البلكونة بعد الاكل
5- لما قررت ابطل السجاير جلست مع نفسي في اليوم اللي قبلها بالليل قبل النوم ودعيت ربنا انه يساعدني علشان ابطل هذه العادة القبيحة ابتغاء مرضاة الله واقسمت يمين بالله انني لن ادخن لمدة يوم اللي هو بكرة - وبكدة اصبح من غير المعقول ان اعمل كفارة يمين علشان يوم يعني لازم استحمله باي شكل
وقبل ان ينتهي اليوم كنت اقسمت يمين آخر علي اليوم التالي- وهكذا لمدة حوالي اسبوع
6- بعد كدة بقيت امتنع بدون قسم
الحمد لله بقالي 9 سنوات لم ادخن نفس واحد وده مش شطارة مني لكنه فضل من الله
نصيحتي انك لازم تكون نيتك خالصة لوجه الله مش عشان صحة او فلوس وان شاء الله ربنا ح يتوب عليك منها
انا اتولدت من جديد يوم ما اقلعت عن التدخين
اللهم لك الحمد والشكر
اللهم تب علي المدخنين
ربنا يبارك في حضرتك و جزاك الله خيرااقتباس:
المشاركة الأصلية كتبت بواسطة aif
واللهى موضوع هايل ويستحق التثبيت
انا باشرب من علبتين ل ثلاثه فى اليوم Lm بقالى حوالى 14 سنه
حاولت كتير و بطلت كتير ورجعت تانى
الغريب انى فى رمضان باشرب نفس الكميه فى الفتره ما بعد المغرب ......... تخيلو؟؟
والدى بيموت قدامى من انسداد الشراين و تصلب الشراين وانا متاكد انى هاحصله
سدرى بايظ ولو طلعت سلم او جريت بحس انى معوق
عارف حرمانيه السجاير
محتاج صحتى عشان اربى اولادى ان شاء الله
فى البيت طول الوقت فى البلكونة عشان مراتى حامل
يعنى مدرك كل الاضرار ونفسى ابطل و مش قادر
كمان طبيعة شغلى فيها شد عصبى جامد
من فتره كده قولت انسب وقت للاقلاع عن السجاير مع الجواز و شهر العسل .......... بطلت يوم الفرح الظهر وسيبت السجاير الباقيه فى بيت ابويا وشوفت يومين صعبين جدا يعنى صداع غير محتمل عكر عليا صفو الموضوع و خمول غير عادى (مش قادر عايز انام جدا) .......... والله انا مش ببالغ انا اصلى عصبى جدا جدا ووقتها كان خلقى ديق جدا و مش طايق نفسى ......... وطبعا مراتى مالهاش ذنب فى كل ده
المهم بعد يومين رجعت تانى و فقدت الامل نهائيا
انا اتفق مع الراى القائل ان التدخين به جزء عاده (مرتبط بطقوس وعينه) و جزء ادمان النيكوتين بس واضح ان الاعراض اللى حسيت بيها لها علاقة بالنيكوتين
الموضوع هنا ادالى امل تانى لانى حاسس ان عندى 70 سنه و ياريت لو حد جرب اللزقه او ادويه او اعشاب او اى حاجه تعالج الاعراض المذكوره اعلاه يفيدنى يمكن ده يعمل نتيجه مع الاقلاع عن العادات اللى ارتبطت ارتباط شرطى مع التدخين
جرب الطريقة اللي قولتكم عليها يا باشمهندس واخلص النيه للهاقتباس:
المشاركة الأصلية كتبت بواسطة ahmedezzat78
ان شاء الله ح تنجح
وعلي فكرة الاعراض اللي بتقول عليها دي هي اعراض انسحاب النيكوتين من الدم وبتستغرق حوالي من 10 الي 15 يوم لازم تستحملهم باي شكل بعد كدة الموضوع ح يكون اسهل كتير
والله لما ربنا يتوب عليك ح تشعر انك انسان آخر وح تستغرب جدا ازاي انت كنت بتدخن.... وبكرة افكرك
ابدأ وربنا يوفقك
موضوعك أثر فيا جامد ربنا يعينك وتبطلها - وأنا بدعيلك من كل قلبى ويارب يارب يارب تبطلهااقتباس:
المشاركة الأصلية كتبت بواسطة ahmedezzat78
يا رب ياهندسه
انا كنت بدخن بس بعيد عنكم كلكم كان هبل علي كبر يعني بدات ادخن من و انا في البكالوريوس تقريبا
وبطلتها الحمد لله عشان اصلا مكنتش شريب وده
كان الحمد لله بسبب محاضرة سمعتها للاستاذ عمرو خالد عن التدخين و انصحك تسمعها لانها جميلة جدا الا حد ما فاهم نفسية الشباب المدخنين
انا مش مدخن الحمد لله و ان شاء الله عمرى ما حدخن بس انا بقول لكل المدخنين ان احسن طريقة سهلة تبطل تدخين بيها عن طريق التدريج يعنى لو بتشرب علبتين فى اليوم تخليهم علبة و نص و تستمر كدة لمدة يومين تلاتة و بعدين تخليهم علبة و تستم يومين تلاتة طبعا حتبقى صعبة شوية فى الاول بس لازم تقاوم و يبقى عندك ارادة و بعدين تخليهم نص علبة و تستمر يومين تلاتة و بعدين تقطع خالص و عيش بصحتك كاملة :)
بجد مش عارف اشكركم كلكم ازاى .. على ردودكم القيمة ...
بس للاسف اللى نجح معايا موضوع القسم بس مجدد القسم لانى مقدرتش ... ماشى يوم مدخن ويوم مش مدخن ... براحة علشان الموضوع يخلص بسلام ...
المهم شوفوا الموقع دة .... حتبطل ... ان شاء الله
http://www.quit4arab.com/
الارادة مش اكتر ولا اقل
تحياتى الى جميع الاخوة اعضاء المنتدى
لقد دخلت فعلا على الموقع الرائع للاقلاع عن التدخين www.quit4arab.com واحب أن اوضح ان هذا الموقع تحديدا يتميز بأنه يتناول بالتفصيل جميع النواحى العملية للاقلاع ويزيل الغموض عن كثير من الحقائق التى يغفل عنها الكثير ثم يأخذ بيد المدخن تدريجيا وخطوة خطوة نحو الاقلاع ويعطى من المعلومات ما يؤكد هذا الهدف بحيث لا تجد نفسك وقد تهت فى بحر من المعلومات التى لا فائدة لها
هذا الموقع ممتاز
" دى اخر سيجارة هشربها "
وقد كان والحمدلله بقالى سنتين وشوية مبطلها :)
ربنا يثبتك ويقدرك وتفضل مبطلها طول عمركاقتباس:
المشاركة الأصلية كتبت بواسطة Abdallah
انا عندي نصيحة للأخوة اللي بطلوا فعلا خاصة اللي لسة مبطلين جديد
احذر ان تدخن ولو نفس واحد سواء كان سجاير او شيشة او بايب او اي حاجة بتطلع دخان لأن الحكاية كلها نفس واحد وح تلاقي نفسك رجعت اكتر من الاول ده حصلي اكتر من مرة منهم مرة كان بقالي اكتر من 3 سنين مبطل وخلي بالك لو حد في اي مناسبة حلف عليك انك تاخد منه سيجارة وحتي لو حلف بالطلاق والا باي حاجة انا شفت ناس بتعمل كدة زي ما يكونوا بيكرهوا الخير للناس وعاوزنهم يرجعوا للتدخين بأي شكل دول سفراء ابليس
ربنا يوفق الجميع