| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 29

  1. #1

    الصورة الرمزية Tamer-Ezzat

    رقم العضوية : 49

    تاريخ التسجيل : 18Apr2007

    المشاركات : 392

    النوع : ذكر

    الاقامة : Alex

    السيارة: يسمع من بقك ربنا

    السيارة[2]: VERNA 2007 GLS

    الحالة : Tamer-Ezzat غير متواجد حالياً

    افتراضي عايز أبطل سجاير ... أزاى ... أتفضل قول تجربتك ... - Facebook Twitter whatsapp انشر الموضوع فى :

    hasad">

    بجد عايز أقلع عن التدخين ...
    وبجد حاولت أكثر من ... مرة ...
    مش علشان مش مقنع لأ ... مقتنع أن دة سفه ودة عادة قبيحة وكل الكلام اللى احنا "كل المدخنين عارفينوه"


    ياريت كل واحد فينا لو بيدخن يقول ..
    بيدخن كام سيجارة - نوعها
    وعايز يبطلها ولا لأ
    وممكن نعمل أيه علشان نبطل الهباب دة ...

    وياريت لو حد عنده تجربة للاقلاع عن السجائر يقولنا عمل أيه ...

    _________
    مع محبتى وتقديرى

    Tamer Ezzat


  2. #2

    الصورة الرمزية mars3v

    رقم العضوية : 987

    تاريخ التسجيل : 16Jun2007

    المشاركات : 180

    الاقامة : Australia-Melbourne

    الحالة : mars3v غير متواجد حالياً

    افتراضي -

    طالما انت حاولت قبل كده و معرفتش تبطل، يبقى حلك الوحيد هو الباتشات اللى بتتلزق على الجسم ديه عشان تقلل حاجتك للنيكوتين...على فكره انا مجربتهاش و عمرى ما دخنت.
    http://www.quit-smoking-authority.co...ng-patches.htm

    Take over


  3. #3

    الصورة الرمزية MMamdouh

    رقم العضوية : 102

    تاريخ التسجيل : 23Apr2007

    المشاركات : 34,229

    النوع : ذكر

    الاقامة : Downtown - Cairo, Egypt

    السيارة: Daewoo Lanos I 1999

    السيارة[2]: Daewoo Lanos II 2001

    دراجة بخارية: N/A

    الحالة : MMamdouh غير متواجد حالياً

    افتراضي -

    ولا باتشات ولا غيرة... الموضوع قوة ارادة

    انا صحيت فى يوم صدرى واجعنى من السجاير قررت ابطل و فضلت 6 شهور مبطل لحد ما حصلت مشكلة فى الشغل و اعصابى فلتت و دخنتعلبة سجاير فى 6 ساعات تقريبا... بعدها بطلت تانى كذا شهر و رجعت دخنت ايام تجهيز الشقة للجواز لان اعصابى كانت بتتحرق يوميا تقريبا

    انا الحمد لله مبطل و مشربتش غير سجارتين لما كنت عامل الحادثة و خرجت من النيابة الساعة 10 بليل

    الموضوع ارادة و تصميم قبل كل شىء... قول انا مش حدخن تانى و خلليك قد كلمتك... اول يومين تلاتة صعبين و بعد كدة الموضوع حيبقى عادى جدا

    MMamdouh

    What is the difference between ignorance and apathy?...I don't know & I don't care



    [marq="3;right;3;scroll"]اللى ميعرفش... يقول هجس[/marq]

    [marq="Error"]what goes around... comes around[/marq]





  4. #4

    الصورة الرمزية ahmedateya

    رقم العضوية : 5327

    تاريخ التسجيل : 07Feb2008

    المشاركات : 678

    الحالة : ahmedateya غير متواجد حالياً

    افتراضي -

    بأدخن من 8 سنين

    بنفس المعدل ده

    علبة سجاير على اربع ايام مارلبورو ابيض

    و مابشربش جوة البيت

    و احيانا ممكن يعدي عليا يوم او اتنين و مشربش ولا سيجارة

    اغلب السجاير في الشغل او و انا مروح في السكة علشان أظبت الاداء

    و بصراحة مش عايز ابطلها علشان هية بالنسبة ليا مزاج مش عادة عمال على بطال

    و ربك يزيح


  5. #5

    الصورة الرمزية أبو عبدالله

    رقم العضوية : 97

    تاريخ التسجيل : 23Apr2007

    المشاركات : 11,050

    النوع : ذكر

    الاقامة : ManSOuRa

    السيارة: coRoLLa 06

    السيارة[2]: siRiOn 07

    دراجة بخارية: ان شاء الله

    الحالة : أبو عبدالله غير متواجد حالياً

    افتراضي -

    أعرف او اقتنع او تيقن بحرمانية الفلوس اللي بتدفعها فيها
    وانت هتتركها ولكن لو تيقنت

    يعني مثلا انت متيقن طبعا وكلنا ان لو انت حطيت ايدك في جيب اللي جمبك وأخدت فلوسه وصرفتها ان ده حرام بالتأكيد
    طب ليه مش بتقدر تعملها لأن حضرتك عندك يقين انها فلوس حرام
    طيب حضرتك او استطعت ان تتيقن بنفس الحرمانية بتاعت الفلوس دي اللي انت بتدفعها فيها يبقى المشكلة اتحلت ان شاء الله

    وانصحك بسماع أحد هذه الشرائط ويفضل كلها وقراءت هذه المقالات هنا

    عن أبي هريرة قال :
    قال رسول الله صلى الله عليه وسلم :
    إذا قال الرجل لأخيه :جزاك الله خيرا ، فقد أبلغ في الثناء


  6. #6

    الصورة الرمزية eng_elnaggar

    رقم العضوية : 747

    تاريخ التسجيل : 20May2007

    المشاركات : 574

    النوع : ذكر

    الاقامة : الهرم

    السيارة: daeoo nubira

    السيارة[2]: proton waja

    الحالة : eng_elnaggar غير متواجد حالياً

    افتراضي -

    انا كنت بأدخن بشكل جنوني (يعني كنت ممكن اوصل لعلبتين تلاته في اليوم) وكانت السجاير بالنسبة ليا زى النفس اللي بأخده يعني اشرب بق ميه اشرب سيجاره وراه ... آكل باكو بسكويت اشربلي 5 سجاير وراه ... اتغدي يبقى لازم 10 سجاير وراه .... اما بقى قاعد في صحبه يعني العزايم هتشتغل يبقى في ساعتين زمن تكون علبة سجاير انضربت ...

    انواع السجاير اللي شربتها كانت بدون مبالغة كل الانواع اللي سمعتوا عنها انا شربتها من اول كوكو الضعيف (الاسم الحركي للكليوباترا) لحد تنضيف الصدر عن طريق (المارلبورو والميريت والدانهيل)

    قعدت على هذا الحال التدخيني الشره ما لا يقل عن عشر سنوات ... وعندما وصلت لل 31 سنه حصل معايا مشكلة في صدري وبقيت بأكح زى اللي عنده 70 سنه واطلع سلم للدور التالت انهج واقعد جنب الحيط استغيث ...
    وفي نفس التوقيت ده رزقني الله بأول مولود وما بقيتش اقدر ادخن في البيت تقريبا عشان الولد فبدأ معدلي التدخيني يقل ... وكمان في الشغل اتمنع التدخين في المكاتب فأصبحت لا ادخن الا وانا في الشارع او في العربية ...
    قلت على ايه يا بني العذاب ده !!! قررت آخد قرار جرئ اني ما أشربش سجاير وده من حوالي سنتين تقريبا ... ومن ساعتها وانا اصبحت من الممتنعين عن التدخين ولا يفرق معي اى حد يدخن امامي او اشم رائحة الدخان ولا الكلام الفارغ ده كله اللي بيقنع به المدخنون انفسهم لعدم الاقلاع عن التدخين ..

    الموضوع وما فيه انه في الاول وفي الاخر اراده انك تبطل سجاير وبس ... ولا تسمع كلام اللي يقولك لزقه ولا اشرب سيجارتين النهارده وبكره سيجارة وبعده تبطل ... كل الكلام ده كلام فارغ وليس له اساس من الصحة ... لو عايز تبطل سجاير فعلا وفيه معاك علبة سجاير ارميها وما تشتريش تاني وما تتخيلش انك هتقعد تهرش بقى والكلام العجيب ده ... الموضوع بسيط جدا ولا يحتاج الا لقوة اراده...

    Abou Ahmed سابقا

    "There are many people around you during summer, but when the rain starts falling, Only the umbrella protects you!!!"


  7. #7

    الصورة الرمزية Xpert

    رقم العضوية : 2999

    تاريخ التسجيل : 04Nov2007

    المشاركات : 2,472

    الاقامة : Beni suef

    الحالة : Xpert غير متواجد حالياً

    افتراضي -

    اول خطوه انك تبطل السجاير .. بطل تشتري السجاير !
    الحمد لله العبد من غير المدخنين .. و ان شاء الله لحد ما اموت ..


  8. #8

    الصورة الرمزية mohamed_rhem

    رقم العضوية : 2420

    تاريخ التسجيل : 01Oct2007

    المشاركات : 3,015

    النوع : ذكر

    الاقامة : مصر

    السيارة: شاريد 90

    السيارة[2]: سيريون 2010

    دراجة بخارية: دايون 2012

    الحالة : mohamed_rhem غير متواجد حالياً

    افتراضي -

    عادي جدا انا شخصيا مبطل من اكتر من 10 سنين والحمد لله
    مبشربش غير الشيشه التفاح من حين لاخر يعني كل كام شهر كده مره علي سبيل الفلكلور


  9. #9

    الصورة الرمزية Karim_Monir

    رقم العضوية : 32

    تاريخ التسجيل : 17Apr2007

    المشاركات : 26,316

    النوع : ذكر

    الاقامة : جسر السويس-القاهرة

    السيارة: BMW E90

    السيارة[2]: Jeep KK 2009

    دراجة بخارية: لا يوجد

    الحالة : Karim_Monir غير متواجد حالياً

    افتراضي -

    كان ليا مدير بحبة جدا جدا علمني معنى الشغل الاحترافي في شركتي الحالية
    وخلاني اخد 9 من 10 في كل التقييمات اللي كانت بتتعملنا
    كان مدخن شره (اكتر من 3 علب في اليوم) مع قهوة دارك بلاك
    رغم حبي الشديد ليه امتنعت عن الجلوس معاه في غرفة واحدة
    بنى بارتيشن خشب وركب تكييف لوحدة
    توفى بعد اقل من سنة بعد معانا شديدة لمدة 6 شهور مع المرض اللعين بسبب السجاير
    عن عمر 39 سنـــــــــــــــــــــــ ــــه
    الله يرحمك يا شريف يا كامل
    ---------------
    احد اقاربي احد اكبر المراقبيين الماليين في مصر والشرق الاوسط
    3 علب سجاير في اليوم
    صراع شديد في العناية المركزة اكتر من مرة وكل مرة يخرج بمعجزة
    اول ما طلعت الفتوى بتاعتتحريم السجاير اخذ عهد انه لن يضعها في فمه مرة تانية
    وقد كان ونفذ بارادتة ما عرف انه حرام
    --------------
    اللهم ارفع هذا البلاء عن كل اخواني في الله فلكم هو شديد السوء
    شفاكم الله وعفاكم من كل سوء


    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  10. #10

    الصورة الرمزية أبومعاذ

    رقم العضوية : 1862

    تاريخ التسجيل : 22Aug2007

    المشاركات : 5,726

    النوع : ذكر

    الاقامة : Cairo Elobour

    السيارة: maruti

    السيارة[2]: Gen-2

    دراجة بخارية: no

    الحالة : أبومعاذ غير متواجد حالياً

    افتراضي -

    hasad">

    إستعن بالله
    أنا شخصياً كنت مدخن لفترة طويلة وكدذا مرة أحاول أبطل بنفسي و معرفتش و لما طلبت من ربنا إنه يعيني على إني أبطل بطلتها مرة واحدة ومن غير ما أحس بأي مشاكل بالعكس حسيت إن صحتي بقت أحسن بكتير



 
صفحة 1 من 3 1 2 3 الأخيرةالأخيرة

المواضيع المتشابهه

  1. ...........سجاير ............
    بواسطة A7MED_PHARMA في المنتدى المنتــــــدى الاجتمــاعى
    مشاركات: 215
    آخر مشاركة: 31-01-2012, 06:53 PM
  2. لو سمحت عندك سجاير ...!!!
    بواسطة abogogo في المنتدى المنتــــــدى الاجتمــاعى
    مشاركات: 10
    آخر مشاركة: 10-11-2011, 04:02 PM
  3. أنا مش قادر أبطل ضحك يا جدعان كدة كتير أوي
    بواسطة amribrahim في المنتدى المنتــــــدى الاجتمــاعى
    مشاركات: 30
    آخر مشاركة: 03-01-2011, 05:27 PM
  4. رجرجة جامدة بعد ما أبطل العربية
    بواسطة م.محمد مختار في المنتدى ورشـــة نــايل مــــوتـــورز
    مشاركات: 20
    آخر مشاركة: 23-06-2010, 09:49 PM
  5. رائحة شياط بعد ما أبطل السيارة - ياريــس 2008
    بواسطة hesham2005us في المنتدى تـويوتـــا
    مشاركات: 12
    آخر مشاركة: 06-01-2009, 09:01 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2