مشكلة فى التيدا و احمد الميكانيكى اثبت كفائته

السلام عليكم ورحمة الله وبركاته
بالامس انتقلت جدتى الى رحمة الله تعالى و بعد ما صلينا عليها و رايحين مدافن اكتوبر تم الدفن و احنا راجعين لقيت العربية بتنتش تنتيش فظيع كانها ماشية 3 سلندر
المهم روحت الجماعة و روحت لاحمد الميكانيكى لقيته قاعد جمب الورشة لسة بقوله العربية .... قالى ايوه ادخل الورشة بوش العربية انا سامع صوتها
خدها جربها قالى دى بوجيهات انا قلت طبعا بوجيهات التيدا بلاتنيوم و مش هلاقيهم عند حد بتاع قطع غيار جمبه
المهم سبت العربية و خدت تاكسى روحت توكيل بين السريات اشتريت البوجيهات بـ 462 جنيه
و رجعت لأحمد
البوجيهات طلع انك عشان تطلعها لازم حجات كتير تتفك
الفرن اتفك و بوابه الانجكشن و العمدان اللى ماسكة البوجيهات و كذا حاجة عشان يعرف يطلعهم
يعنى بجد ما شاء الله عليه ايده عارفه هيا رايحة فين
ركب البوجيهات و رجع كل حاجة مكانها و العربية اتعدلت الحمد لله و خد مصنعية 80 جنيه
ربنا يستر علينا و على عربياتنا

البقاء لله يا ادهم ,واسكنها الله فسيح جناته, وان لله وان اليه راجعون ,وربنا يجلعها اخر الاحزان

المهم العربية بقت تمام ولالا , ومعرفتش ليه حصل كدا او ايه اللى خالا البوجيهات تبوظ وتتغير قبل ال100 الف

الميكانيكى ده الى انت قولت عليه قبل كدا فى موضوع افضل ميكانيكى يا ادهم ولا واحد غيره

بصراحة باين عليه فعلا شاطر

البقاء لله

البقاء لله ربنا يرحمها ان شاء الله ...
وشكرا على المعلومات ...

ربنا يعزيك يا استاذ ادهم

اشكركم جميعا
اة يا استاذ احمد هو نفس الميكانيكى لانى معرفش حد شغال فى اليابانى غيره و العربية الحمد لله احسن من الاول

البقاء لله
عاوز اعرف انت كده غيرت البوجيهات على كام كم

البقاء والدوام لله

بس مش كتير 80 جنيه مصنعية في تغيير بوجيهات ؟؟

اقتباس:

---

المشاركة الأصلية كتبت بواسطة hacker5

اشكركم جميعا
اة يا استاذ احمد هو نفس الميكانيكى لانى معرفش حد شغال فى اليابانى غيره و العربية الحمد لله احسن من الاول

---

البقاء لله ...عظم اله اجرك وغفر لميتك......
.....
؟؟؟؟.ممكن تقولنا على مكانه ورقم موبايله

البقاء لله يااستاذ ادهم
الحمد لله ان العربيه اتصلحت على خير واطلب من حضرتك العنوان التفصيلى لهذا الميكانيكى وجزاك الله خيراً

اقتباس:

---

المشاركة الأصلية كتبت بواسطة elsayed

البقاء لله
عاوز اعرف انت كده غيرت البوجيهات على كام كم

---

انا عامل 73000 الف و كسر هى المفورض تقعد 100 الف لكن معرفش ليه باظت

اقتباس:

---

المشاركة الأصلية كتبت بواسطة abdo_eldesokey

البقاء والدوام لله

بس مش كتير 80 جنيه مصنعية في تغيير بوجيهات ؟؟

---

معقول لانه فك ربع الموتور تقريبا

اقتباس:

---

المشاركة الأصلية كتبت بواسطة karaktar

البقاء لله يااستاذ ادهم
الحمد لله ان العربيه اتصلحت على خير واطلب من حضرتك العنوان التفصيلى لهذا الميكانيكى وجزاك الله خيراً

---

شكرا يا فندم
ورشته موجودة ورا مستشفى سوزان مبارك فى المهندسين نمرته 0122887028

البقاء لله يااستاذ ادهم

[frame="1 80"]تليفون وعنوان احمد الميكانيكى لو سمحت[/frame]

---

#ff0000

البقاء لله