صوت جامد بعد ما الحوض يسخن
السلام عليكم
عندي مشكلة في العربية
انا معايا كيا شوما 99 اتوماتيك
لما بتكون العربية باردة والجو كويس وباردة مش قصدي الموتور قصد الحوض يعني لما اطلع الصبح والجو يكون كويس العربية بتبقى زي الفل اول لما العربية تبدأ تسخن يعني لو مشيت نص ساعة في شارع زحمة اسمع صوت عالي متناسب مع سرعة الموتور وكل لما العربية تسخن اكتر الصوت يعلي
شاكك في طلمبة الباور لاني بحس لما الصوت ده بيطلع الباور بيتقل شوية
قريت شوية وعرفت ان الطلمبة ممكن تطلع صوت لو في هوا في الدورة وقريت ازاي اطلعه(bleeding the air)
بس مفهمتش قوي لاني مش خبرة ورحت لواحد بتاع باور قالي الهوا مبنعرفش نطلعه هو بيطلع لوحده
لو في حد عنده اي نصايح ياريت يقولي لان الصوت بيبقى مزعج جدا وبحس بيه في الدركسيون والدواسات وكل حتة وحاسس ان استهلاك البنزين بيعلى والسحب بيقل اول لما الصوت يشتغل يعني يومين الحر اللي فاتوا حسيت ان العربية اكلت بنزين اكتر