الموضوع: 3 اسئلة في موضوع واحد - علل - عتريس

المشاركة الأصلية كتبت بواسطة normal

أيوه صدرنى أنت يا زوز :)))
طيب أتفقوا على اليوم أنتوا كدا ونشوف إن شاء الله
يعنى نبتدى نحدد مفيش مشاكل ونختار يوم يوافق الجميع

حبيبي يا نورمال و الله مش بصدرك انا يس علشان انت عندك امتحانات

المشاركة الأصلية كتبت بواسطة alzwawy

حبيبي يا نورمال و الله مش بصدرك انا يس علشان انت عندك امتحانات

ربنا يخليك والله يا زواوى
هى مش أمتحانات هى مقابلات المشروع
ويوم 17 دا يوم المناقشه بإذن الله
لكن ممكن نعمل موضوع ونحدد أنهى يوم عامةً فى الاسبوع يناسب الجميع وبعدين نحدد أنهى أسبوع والمعاد بالظبط ثم المكان يكون واسع علشان كميه العربيات لأن غير مسموح بالاعذار وكل عربيه حامله لشعار كيا فى المنتدى لازم تيجى إن شاء الله :))
وبعدين الساعه
بس :))

مساء الفل يا رجالة
كلمة بس للناس اللي هنا
السيراتو كويسة طبعا مش وحشة و احسن من عربيات كتييير جدااااااا و مش لازم ذكر اسماء و حوار الأنتشار ده انا مش هقول انه بيقلل من قيمة العربية و الكلام ده
بس ياريت مننساش نفسنا بردو و الحماس ياخدنا و ياريت محدش يتكلم علي حاجة ميعرفهاش و يعترف بالأعلي منه لأن الفيات و خاماتها ميتقرنوش بعربية تانية و احنا معانا اكسيل و اونو و التجربة عملية في الخامات و الموتور و كله (بالمناسبة اغلب قطع الغيار بيبقي مكتوب عليها hyundai - kia motors)
و طبعا في الأخر او في الأول ديه ازواق و اختيارات حسب المشتري و امكانياته و فهمه و خبرته بس ياريت محدش يظلم ماركة تانية ميعرفش اي حاجة و كمان كل شركة من دول ليها تصميماتها الخاصة اللي تناسب كل واحد و دماغه و امكانياته
و الأخوة اللي بيقولو ايه فيات ديه كفاية اني اقول Fiat & Lancia & Ferrari شركة واحدة و ان لانشيا صاحبة الdelta integrale و الThema و الdedra فيات صاحبة ال132 و ال131 و البرافو و الأونو تربو و التمبرا و الكروما و غيرهم كتيييير و البونتو (العربية الأكثر انتشارا في اوروبا لما نزلت)
و فيات بادئة اختبارات تصادم لعربياتها من 1980 :)))
و عن اذنكم
اخوكم سمسم اونو جاركم في قسم فيات

انا عايز اعرف حاجه هو للدرجه دى ممكن عربيه تعمل خناقات و ناس تتوقف و ماس تتريق على ناس بغض النظر عن نوع العربيه و بغض النظر عن انه انا متاكد انه بسبب السيراتو دى الدنيا هتتملى حوادث مش لعيب فى العربيه بس علشان عيب اللى سايقين و انا شايف عينات غريبه اوى ناس بتجيب 180 -190 200 لمجرد انه لما يشوف الرقم ده على العداد يقتنع انه سايق فيرارى مثلا..هما 3 جمل : لا انت شوماخر و لا انت راكب فيرارى ولا انت سايق فى حلبه سباق
تانى حاجه و بصراحه مش عجابنى من عتريس مع انى معرفوش بس شفت كام مشاركه ليه و تصورت انه يبقى اعقل من كده و برضه مش عجبنى لا تعليق ولا تصرف المشرف على القسم فى ان عضو يتوقف اى كان الرأى طلما مشتمش حد و ده اللى انا شايفه ومش معنى انه قال رايه فى حاجه باى صوره يبقى يتقاله دى شخصنه و " انا مش مرحب بيك فى موضوعى" بص يا عتريس حضرتك المقروض فى منتدى عام ده اللى انا عرفه و اكيد حضرتك هتلاقى كل انواع الاراء و فى ناس بتعبر عن رايها بالعقل و فى ناس بتغلط كتير بس اللى اعرفه انه معظم الناس ملهاش مصلحه و مش كله شغال فى توكيلات منافسه و لا بنكره كوريا شخصيا و الا بعد كده يبقى اى حد يعمل موضوع يكتب جنبه بلاش معارضه كله يسقف !!! انما اللى يدخل هنا ميغلطش فى كيا و يعترض على كيا ممنوع صح؟؟ عموما يا جماعه كل حاجه بتجى بالخبره مش فكره تاريخ لما بتتكلم على ان شركه كذا بتنتج من سنه كذا انت مش بتتكلم على الاسره الرابعه انت بتتكلم عن كيان بينتج و بياخد خبره طول الوقت و الخبره دى حاجه متقدرش تشتريها بالفلوس مش علشان مصمم اودى فى كيا يبقى اودى كلها جت كيا !! يعنى شجره بقالها 10 سنين انتاجها زى شجره من سنه ..بعد 10 سنين نبقى نشوف الكورى و كلمه تانيه برضه علشان اللى بيقول المصريين بيحبوا التاريخ - واضح انه اجنبى مش مننا- بعض المصريين برضه بيموتوا فى الظيطه و ده اللى انا شفته هنا ..يا جماعه مبروك عليكوا الكيا بس انا قلت انه الناس بتبقى اعقل و كده انتوا بتكرهوا الناس انها تتكلم فى القسم دهو برضه محدش يقدر يهزء حد علشان الناس كلها بتعرف تكتب مش اللى بيهزء بس..عموما اسف على التطويل
.

صباح الفل علي رجاله كيا والضيوف

الاخ الفاضل Esslynx اشكرك علي مشاركتك وعلي رايك اي كان سواء كان معارض او مؤيد وكلامك في حاجات صح كتير لكن انا عايز الفت النظر لنقطتين

العضو الموقوف لم يتم وقفة بسبب الموضوع هنا لكن بسبب موضوع تاني خالص لو حضرتك متابع وذلك لتكرر اسلوبة في النقاش - وزي ما هو خد تحذير انا كمان خدت

الجزء التاني وده المهم ويمكن انا شرحته لبعض الاعضاء علي هجومي المفاجئ علي الفيات - الكل عارف اني لا اهاجم اي نوع سياره اي كانت ولا ابدي رايي فيها سواء كانت من سيارات الاوروبي او حتي الصيني او الهندي :)

لكن انا رديت بحديه وبهجوم لغرض واحد فقط وهو نفس طريقة الاعضاء التي تهاجم وخلاص ( يعني حبيت اقولهم ان اسلوب الهجوم الغير مبرر وبدون قرائن مستفز ولن يقبل به اي حد وده فعلا اللي حصل - بمجرد ما رديت ( وبدون خطا في شخصة ) علي نوع سيارتة احتد واصبح الموضوع خناقة - تخيل بقي لو انت مالك لسياره كل يوم والتاني واحد يهاجمك زي ما انا عملت - تفتكر ردك حيكون ايه ؟؟؟؟؟؟؟؟؟


احنا ملاك الكيا اصبحت ردودنا حادة لتكرر الوضع دة تقريبا كل يوم - يعني هو احتد من مشاركه واحدة ضد الفيات - ما بالك اننا بنشوف مليون مهاجمة كل يوم

المعاملة بالمثل صعدت الموضوع - والهدف كان منه ان كل واحد يحط نفسة مكاننا


صدقني مش حتلاقي اظرف واذوق من ملاك الكيا لكن فاض بنا الكيل

انا في رايي ان كل السيارات محترمه في حدود المطلوب منها - لكن لا توجد سياره افضل في المطلق

ثحاجة كمان - انت حكمت علي اعضاء كيا بضيق الافق وعدم العقلانية - كان نفسي متحكمش من الموضع دة وتاخد بعضك وتلف لفة في القسم وانت تلاقي ان اعضاء كيا قمه العقلانية والموضوعية لكن زي ما قولت - الكيل فاض من الاتهامات

انا اول مره اركب كوري في حياتي ورغم كدة كيا غيرت الفكره اللي في دماغي نهائيا - ولكن من له راي في الكوري - حطلب منه الاول يجربها مده لان حكمة عليها لن يكون محايد زي ما انا كنت قبل كدة


الاخ الفاضل مالك الاونو - طبعا فيات شركة محترمة لا جدال لكن عايز اقولك حاجة - لا يوجد شيئ في الوجود كبير وممتاز الي مالا نهايه - امبراطوريات لا تغيب عنا الشمس وحضارات قمه اختفت و حضارات صغيرة بقت من اهل القمه - العجله تدور والصغير بيكبر والكبير بيصغر - ده حال الدنيا
ليه منديش فرصة للكوري ونهاجمه ؟؟؟؟؟؟ ونفضل عليه ماركات لمجرد انه بقي منافس ؟؟؟


كل المطلوب من الناس - لو حتهاجم لاسباب شخصية يبقي بلاش منه - لو حتهاجم عشان توضح معلومة تفيد اهلا وسهلا وعلي راسنا


المنتدي معمول عشان الناس تستفيد من كل الاراء العقلانية المحايدة المبنيه علي اساس علمي او تجارب شخصية - حد بقي يقوللي كام مهاجمه اتعملت علي السيراتو من هذا المنطلق ؟؟؟؟؟


اخيرا - ملاك الكيا تحملوا هجوما ضاريا علي السياره لفتره طويله جدا - وانا بقولك - محدش حيسمح بده تاني بدون دليل او معلومه مؤكدة وده من حقنا صح ؟؟؟؟


نشكركم ويا ريت محدش يكون زعلان بس مطلوب قبل ما نهاجم نحط نفسنا مكان ملاك الكيا ونشوف اذا كنا حنقل نفس الاسلوب ولا لا