اصدقاء نايل موتورز
حد جرب جهاز طارد الفئران اللى بيشتغل بالكهرباء؟
هل هو فعال؟ هل له اضرار؟
شاكر ليكم
عرض للطباعة
اصدقاء نايل موتورز
حد جرب جهاز طارد الفئران اللى بيشتغل بالكهرباء؟
هل هو فعال؟ هل له اضرار؟
شاكر ليكم
غير فعال بالمره وكله نصب في نصب
يا راجل ده انا مسكت فار بالمصيده وشغلته انه يعمل اي حاجه في الفار ولا الهوا
الخلاصه المصيده التقليديه فعاله جدا هيه واللزقه
بص انا كان ليا تجارب مريرة مع الفئران لدرجة ان والله جات ليا حالة نفسيه منهم وبقيت بحلم بيهم فى كوابيس
انا كان عندى فى البيت شقة كاملة مهجورة وكان فيها شوية كاركيب وكانت الشقة دى ورا المحل بتاعى وكان فيه شباك بينهم المهم لقيت كل يوم فار طالع يترقص من الشباك وداخلى المحل
المهم قلت فى يوم لازم احاربهم زى فيلم بريف هارت
جبت معايا واحد صاحبى وواحد عامل اللى هو باالاجرة ده ودخلنا بعصيان فيها مسامير من قدام وعلبة رش راجون واللى يقلبنا بالراجون فى وشه وينضرب
والله والله قتلت حوالى 35 فار فى اليوم ده وكلهم احجام كبيرة وكانوا بقا ياكلوا الرز اللى احنا مخزنينه ورا
احلى طريقة هى انك تجيب برام قديم وحط فيه مايه وعليها سم
الفار ممكن ميكلش لمدة اسبوع انما استحالة ميقدرش ميشربش لازم يشرب كل شوية
فكرة ناجحة ومجربة وجابت نتيجة
نصابين 100 × 100
انا جبته، واللى حصل إن الفئران كانت بتزيد مش بتقل ...
فكرة هذا الجهاز هي نفس فكرة حرامي الدش اللى العيال بيبعوه في وسط البلد.
الطريقة الفعالة هيا المصيدة التقليدية وتحط جوها قطعة طماطم أو جبنة بس تكون لبس كيس بلاستك وأنت بتحطهم عشان حاسة الشم عندهم قوية وممكن لو شم ريحة الانسان مايكلش من الأكل ده، وسيبك من جهاز طرد الفئران واللزقة والحاجات دى نتيجتها مش مضمونة واى مصدر أكل موجود في مكان تواجد الفأر تشيله مش هيعدى 48 ساعة وهتلقى مشرف جوة المصيدة ..
فيه نوع سم بيتوزع في مديريات الزراعة و شكله عامل زي حبوب القمح بالظبط بس هو سم و طبعا مشكلة الفيران انها ما بتاكلش كلها من اي اكل جديد لازم يجربوه الأول في واحد عشان لو مات يعرفا انه سم و ما يقربوش ليه تاني
ميزة السم دا انه ما بيموتش فورا لأ هو بيعمل حاجة معينة زي سيولة في دم الفار او حاجة زي كدا المهم خلال يومين تلاتة بالكتير تلاقي الفار تعب و وواقع بيموت
انا جربته و بصراحة جاب نتيجة معايا
انت تجيبة و ترشه في المناطق اللي فيها فيران عندك بس خلي باللك لو عنك اطفال ممكن يوصلوا للسم لا قدر الله
أنا جربت موضوع القمح ده.. هو علبة اشتريتها من صيدلية العزبي اسمه قمح الجنان...المهم القمح ده بيعمل سيوله في الدم للفار فعلاً وبيخليه يجنن وحيموت يطلع من المكان اللي هو فيه.. أنا كنت حابسه في المطبخ.. المهم الفار خرج مطرح ما دخل من الشفاط اللي في المطبخ بس بجد موضوع مزعج ومقرف جداً. :dzey:
مصيده وحط فيه راس سمك الطماكم حطته فى المصيده هى والبطاطس مافيش فيده الحل زى ما قلت لك