تفتكروا الكاميرات شغالة بجد ؟
انا كنت فاكرة ان الكاميرات اللى فى الاشارات دى شغالة بجد لحد امبارح بالليل
فى ميدان المحكمة فى مصر الجديدة توقفت الاشارة واذا بعربية تكسر الاشارة وتعدى والاقى الامين قام واخد مخالفة فى الدفتر
المهم اللى كان واقف جنب الراجل اللى كسر الاشارة قدم خطوة بعد علامات عبور المشاة
الامين قالله ارجع لورا شوية علشان الكاميرا ماتصوركش
طيب ولو الكاميرا بتصور هو خد نمرة الراجل ليه؟
وبعدين التانى اللى عايزه يرجع شوية ده مش المفروض ان الكاميرا صورته فعليا بمجدر ماداس على الخط والا هو كان عايزه يرجع علشان مايتصورش فيديو كمان
من الاخر كدة واضح ان موضوع الكاميرات ده كان سبوبة وخلصت خلاص ويجعله عامر