تفتكروا الكاميرات شغالة بجد ؟

**dolly13** · 27-06-2010 01:58 PM

انا كنت فاكرة ان الكاميرات اللى فى الاشارات دى شغالة بجد لحد امبارح بالليل
فى ميدان المحكمة فى مصر الجديدة توقفت الاشارة واذا بعربية تكسر الاشارة وتعدى والاقى الامين قام واخد مخالفة فى الدفتر
المهم اللى كان واقف جنب الراجل اللى كسر الاشارة قدم خطوة بعد علامات عبور المشاة
الامين قالله ارجع لورا شوية علشان الكاميرا ماتصوركش
طيب ولو الكاميرا بتصور هو خد نمرة الراجل ليه؟
وبعدين التانى اللى عايزه يرجع شوية ده مش المفروض ان الكاميرا صورته فعليا بمجدر ماداس على الخط والا هو كان عايزه يرجع علشان مايتصورش فيديو كمان
من الاخر كدة واضح ان موضوع الكاميرات ده كان سبوبة وخلصت خلاص ويجعله عامر

**korkor** · 27-06-2010 02:06 PM

المشاركة الأصلية كتبت بواسطة dolly13

انا كنت فاكرة ان الكاميرات اللى فى الاشارات دى شغالة بجد لحد امبارح بالليل
فى ميدان المحكمة فى مصر الجديدة توقفت الاشارة واذا بعربية تكسر الاشارة وتعدى والاقى الامين قام واخد مخالفة فى الدفتر
المهم اللى كان واقف جنب الراجل اللى كسر الاشارة قدم خطوة بعد علامات عبور المشاة
الامين قالله ارجع لورا شوية علشان الكاميرا ماتصوركش
طيب ولو الكاميرا بتصور هو خد نمرة الراجل ليه؟
وبعدين التانى اللى عايزه يرجع شوية ده مش المفروض ان الكاميرا صورته فعليا بمجدر ماداس على الخط والا هو كان عايزه يرجع علشان مايتصورش فيديو كمان
من الاخر كدة واضح ان موضوع الكاميرات ده كان سبوبة وخلصت خلاص ويجعله عامر

ميدان المحكمه لسه مافيهوش كاميرات الكاميرات فى ميدان روكسى بس

**Samir Elshahawy** · 27-06-2010 02:07 PM

الفكرة هي ليه احنا مش بنلتزم بالقانون من غير عسكري و لا كاميرات ؟؟

يعني لازم يكون فيه عصاية علشان نخاف ؟؟

من يومين كنت في وسط البلد و معايا خالي و كنا راجعين من باب اللوق الي ميدان الاوبرا و قبل الاشارة اللي في ميدان طلعت حرب خالي قالي خلي بالك علشان فيه كاميرا بتصور
طبعا كان ردي اني دايما مش بأنتظر كاميرا و كده كده بأقف ورا الخط و بألتزم بالاشارة

فعلا ... ليه مايكونش ده حالنا نلتزم بالاشارات و القوانين من غير عسكري و لا كاميرات و لا رادار ؟؟
سؤال نفسي ألاقي له أجابة من شعب دايما بيقول أنه صاحب حضارة 7000 سنة

مع خالص تحياتي
م/ سمير الشهاوي

**ihabchina** · 27-06-2010 02:14 PM

لا العصاية هى اللى بتنفع بجد ومن ساعة ما اتعملت قصة الكميرات ده وكلة محترم غصب عنة وبيقف قبل خط الاشارة كمان

استاذى// الكميرات شغالة وابقى خد بالك فعلا وده من اصحابى ظباط المرور

هما بيقولوا انها بتلقط مرتين اخر ثانية فى اللون الاخضر وهى بتقفل الاشارة ومرة والاشارة واقفة بتشوف حد متخطى الخط ولا لا زى اشارة جامعة الدول او اشارات وسط البلد

والله الاحترام مفيش احسن منة وبيسهل كتير على جميع الناس وبرضة كل الناس هتوصل

**dolly13** · 27-06-2010 02:15 PM

والله انا باشوف ناس كتير ملتزمة ولكن تلاقى قلة قليلة مندسة ممكن تعمل هرجلة ولخبطة جامدة فى الشارع وللاسف ان الهرجلة معدية وفى لمح البصر تلاقى الشارع كله باظ واللى كان ملتزم بيقرر فجاة انه يساير الاحداث ويدخل السيرك من اوسع ابوابه

**MMamdouh** · 27-06-2010 02:17 PM

مهى المشكلة ان السواد الاعظم من الناس مبتلتزمش الا لما تبقى العصاية موجودة

MMamdouh

**ahmedhilmy** · 27-06-2010 02:58 PM

انا اولا مؤيد اني اغلب الشعب المصري علشان يمشي عدل لازم تيقى ماشي و راه بالعصاية و الامثلة كتير جدا و كلنا بنقابل كل يوم مئات منها مش عشرات الشعب ده عايز يتفور و يعاد تقويمه تاني المهم ........
بعد متابعة لوضوع الكاميرات ده اكتشفت ان مش كل الكاميرات بتصور ممكن تكون موجوده فعلا بس مش بتصور طيب حد يعرف يقولي ايه اللي بيخلي الكاميرا تصور اصلا يعني في لينك بينها و بين الخط الابيض اللي علي الارض في الحقيقة لأ .
اللينك بيبقي بين الكاميرات و ال( كات ايز ) اللي قبل الخط الابيض و لحظوا ساعة مبتكون الاشارة حمرا بتبقي عيون القطط دي منورة احمر خفيف و في حالة الاخضر نفس الوضع لما تيجي حضرتك تلمسها و هي لونها احمر دي بيدي الاذن للفلاش انه يضرب و الكاميرا تصور اما في حالة عدم و جود الكات ايز دول فالحقيقة ان الكاميرات دي مبتصورش حاجة خالص و ده اللي لاحظته من متبعتهم و اللي مش مصدق يجرب بنفسه بس ميزعلش مني (ههههههههه) من المخالفات و ابقولا لحظوا بنفسكم و ربنا يسترها علينا جميعا.

**MMamdouh** · 27-06-2010 03:20 PM

ألكاميرا ملهاش علاقة بالكات ايز... الكاميرا اللى فى وسط البلد كانت بتصور قبل وجود الكات ايز

الكاميرات شغالة بproximity sensor زى بتاع الباركنج سينسور بالضبط... اول ما اى جسم يقرب من السينسور فى حدود مسافة معينة بيدى اشارة للكامير انها تلقط صورة

لاحظ اى اشارة فيها كاميرا حتلاقى 3 اجهزة... كاميرا و فلاش و proximity sensor

MMamdouh

**Karim_Monir** · 27-06-2010 03:29 PM

طبعا بتصور
اول ماتركبت م 6 شهور واحد معرفة فاكرها تهريج وخد مخالفات ب 12 الف جنية
وبعد التظلم وكيل النيابة نزلهم ل 3 الالاف جنيه عشان شاف ان كلهم في مدة لا تتجاوز الساعة
كان بيلاعب بنته بفلاش الكاميرا الساعة 3 الفجر
عقول بيضاء بجد

-

الموضوع: تفتكروا الكاميرات شغالة بجد ؟

LinkBack

أدوات الموضوع

عرض

تفتكروا الكاميرات شغالة بجد ؟ - انشر الموضوع فى :

-

-

-

-

-

-

المواضيع المتشابهه

للخبراء فى الكاميرات

سؤال لخبراء الكاميرات

فوانيش الشبورة الأمامية مش شغالة .. والخلفية شغالة !!!

اسعار الكاميرات فى دبى

الكاميرات و التصوير

الكلمات الدلالية لهذا الموضوع

المفضلات

المفضلات

ضوابط المشاركة