افضل نوع بوجيهات ؟

**aymanmaly** · 27-06-2010 04:53 PM

السلام عليكم
انا محتاج اعرف افضل نوع بوجيهات ممكن تركب للاوبترا و سعرة و من فين اجيبة
انا ركبت اخر مرة Ac delcon فى التوكيل و بعد كدة استهلاك البنزين زاد جدا رغم ان دى مش اول مرة اركب النوع دة مش عارف لية على العموم هاجرب علشان اعرف العيب من اية
لان ممكن يكون العيب من ان و انا بغير البوجيهات كان فية تعريق من جوان غطاء التكيهات و التعريق نزل زيت على البوجيهات علشان كدة غيرناها فممكن الفنى ما ازلش اثار الزيت تماما
لكن بردة عايز نوع تانى
وشكرا للجميع

**SAMEH_FOUAD** · 28-06-2010 12:16 AM

انظف انواع

ngk لو يابانى اصلى وهاتة نفس كود البويجهات اللى موجود عندك فى الكتالوج الخاص بالسيارة لضمان افضل اداء

وعندك الdenso جامد جدا بردة

ماتخرجش عن الاتنين دول

**elewey** · 28-06-2010 03:19 AM

المشاركة الأصلية كتبت بواسطة aymanmaly

شكرا للرد
كنت بداءت اشك انى الوحيد الى بيغير بوجيهات بس فية حد غيرى يا محاسن الصدف

انا عن نفسى بركب بوش المانى بس دة يمكن عشان انا عربيتى اوبل و اكيد الموديلات بتختلف

**aymanmaly** · 28-06-2010 02:12 PM

بقينا ثلاثة

**SAMEH_FOUAD** · 28-06-2010 02:23 PM

المشاركة الأصلية كتبت بواسطة aymanmaly

شكرا للرد
كنت بداءت اشك انى الوحيد الى بيغير بوجيهات بس فية حد غيرى يا محاسن الصدف

ياباشا اغلب الاعضاء هنا اللى بيعرف بس هو اللى بيقول عشان مايضللش السائل ودة احسن شىء وتصرف ايجابى منهم احييهم علية

ولا انت عايز اى حد يقولك اى نوع وخلاص

**SAMEH_FOUAD** · 28-06-2010 02:25 PM

المشاركة الأصلية كتبت بواسطة elewey

انا عن نفسى بركب بوش المانى بس دة يمكن عشان انا عربيتى اوبل و اكيد الموديلات بتختلف

طبعا ياباشا كل شركة وليها حاجاتها وحسب الكتالوج مابيقول اعمل والبديل يبقى نفس خرج الشرارة وعدد الشمعات

**SAMEH_FOUAD** · 28-06-2010 05:10 PM

المشاركة الأصلية كتبت بواسطة aymanmaly

شكرا لردك الكريم
لكن هل تظن ان اكبر موقع سيارات اثنين فقط يعلمون انواع بوجيهات جيدة
انا واحد من الناس نصحت اكثر من عضو بأشياء ولا ابخل بعلومة عندى لاحد ( و لن)
واتوقع ان يكون هناك اهتمام عند الاحتياج
دة ليس لشخصى ولاكن دة الغرض من الموقع تبادل الاهتمام بالاخرين
وتبادل الخبرات
واظن انى ما ابديتة استغرابى فقط
ومش هاتكلم على الطريقة الى بتكتب بيها ردك
بس بردة شكرا

اية ياباشا انت فهمتنى غلط ولا اية انا ماقصدش اى حاجة خالص والله

انت لو زعلت عشان بقول انت عايز اى حد يقولك اى حاجة وخلاص والله مااقصد بيها شىء ابدا وكل اللى اقصدة انك ممكن تلاقى اجابات كتير اول لما تكتب الموضوع بس كلها غلط فروحت قولت انت عايز اى اجابات وخلاص

انا مش عارف يمكن طريقة كتابتى وصلتلك كلامى غلط بس انا ماقصدش فعلا واسف لحضرتك جدا واى خدمة او اى استفسار انا موجود واكيد اللى هيعرف من باقى الاعضاء هيقول المنتدى هنا كلهم متعاونين جدا