مين اللى المفروض يرجع الاستبن مكانه؟

موقف حصل معايا عايز رايكو
وانا ماشى عجله نامت وقفت وركبت الاستبن
رحت لمحل كاوتش فتحت الكبوت طلع العجله النايمه وصلحها وراح عند العربيه وفك الاستبن اللى انا مركبه وحطه على الارض وركب العجله اللى اتصلحت وبعدين قالى تمام وراح غسل ايده وسابنى واقف
وساب الاستبن على الارض زى ما يكون مستنيني انا ارجعه مكانه
المهم لاقيته عامل عبيط ندهتله يا اسطى مش تيجى علشان تحاسبنى عمل عبيط وخللى بقى والكلام الفارغ ده وجالى فطلبت منه يرجع الاستبن لاقيته زى ما يكون واحد مستكبر يعمل حاجه المهم كلمته بالعقل وهو بيرغى ولما لاقانى هقلب عليه لم الدور ونده اللى شغال معاه رجعه وقلتله عايز كام وحاسبته

الموقف ده ضايقنى جدا وفى وقتها مكنتش فاهمه
ايه رايكم

لا طبعا انا لما بروح عند بتاع الكوتشى وهعمل حاجة فى الاستبن هو الى بيطلعة ويرجعة مكانة

امال هو شغلتة اية و

معلش هي الناس بقت بتعمل عبيطة و مش فاهمة

هو عمل كده علشان حضرتك اللي طلعته من العربيه الاول في الموقف ده تفتح الشنطه وتقوله ياخده وكله بحسابه

اقتباس:

---

المشاركة الأصلية كتبت بواسطة mkhalifa73

موقف حصل معايا عايز رايكو
وانا ماشى عجله نامت وقفت وركبت الاستبن
رحت لمحل كاوتش فتحت الكبوت طلع العجله النايمه وصلحها وراح عند العربيه وفك الاستبن اللى انا مركبه وحطه على الارض وركب العجله اللى اتصلحت وبعدين قالى تمام وراح غسل ايده وسابنى واقف
وساب الاستبن على الارض زى ما يكون مستنيني انا ارجعه مكانه
المهم لاقيته عامل عبيط ندهتله يا اسطى مش تيجى علشان تحاسبنى عمل عبيط وخللى بقى والكلام الفارغ ده وجالى فطلبت منه يرجع الاستبن لاقيته زى ما يكون واحد مستكبر يعمل حاجه المهم كلمته بالعقل وهو بيرغى ولما لاقانى هقلب عليه لم الدور ونده اللى شغال معاه رجعه وقلتله عايز كام وحاسبته

الموقف ده ضايقنى جدا وفى وقتها مكنتش فاهمه
ايه رايكم

---

دة شكله راجل بتاع كوتش معوج و على طلب كتير و ممكن يكون من الناس اللى بيقدر لما يشوف العربيه غاليه و لا رخيصة يعنى لو مرسيدس يبقى حيشيل و يحط و يعمل كل حاجة :Oc_sun1[1]:

[marq="2;right;3;alternate"]بسم الله الرحمن الرحيم[/marq]
طبعا مش هتروح له تانى وبكده يبقى بيخسر الزباين ويقفلها احسن

عادي شئ اتعودنا عليه من قلة زوق

امال لو كان شاف الاستبن بتاعي بيتفك ويركب ازاي
الاستبن بتاعب لازم في حالة تثبيته في مكانه لازم حد ينزل ينام تحت العربيه علشان يعرف يعلقه هو متثبت تحت ورا الاكصدام الخلفي
يعني شغلانه وكل الصنايعيه بينامو ويفكوا ويركبوه وساعات اخليهم ينام تحت علشان يقيسوا ضغطه ويزودوه هوا

جديده دي المفروض انه بتاع كوتش

الموضوع عادى جدا فى ناس كدااا طبيعتها كداااا متنخدش الموضوع علي صدرك و كبر دماغك اصلك هتتكلم مع مين ؟؟؟

اقتباس:

---

المشاركة الأصلية كتبت بواسطة esam_comm

هو عمل كده علشان حضرتك اللي طلعته من العربيه الاول في الموقف ده تفتح الشنطه وتقوله ياخده وكله بحسابه

---

لا انا فتحت الكبوت والعامل اللى شغال عنده هو اللى طلعه

اقتباس:

---

المشاركة الأصلية كتبت بواسطة elewey

دة شكله راجل بتاع كوتش معوج و على طلب كتير و ممكن يكون من الناس اللى بيقدر لما يشوف العربيه غاليه و لا رخيصة يعنى لو مرسيدس يبقى حيشيل و يحط و يعمل كل حاجة :oc_sun1[1]:

---

اكيد طبعا مش هروحله تانى

اقتباس:

---

المشاركة الأصلية كتبت بواسطة elewey

دة شكله راجل بتاع كوتش معوج و على طلب كتير و ممكن يكون من الناس اللى بيقدر لما يشوف العربيه غاليه و لا رخيصة يعنى لو مرسيدس يبقى حيشيل و يحط و يعمل كل حاجة :oc_sun1[1]:

---

والله انا اول مره تحصل معايا من زمان افتح الكبوت والعامل يشيل الكاوتش وده العادى

يا عم كبر دماغك ده راجل قليل الذوق يكش يولع ههههههههه

مش باكي على اكل عيشه ...

حصلت معايا مرتين قبل كدة
أول مرة, كنت عايز أديله 4 جنيه فى الأول و اديتله 2, قالى هات 2 كمان قولتله دة انت حتى مارجعتش الاستبن مكانه! و كفاية عليك كدة
و فى المرة التانية حصل نفس السيناريو عند واحد فى مصر الجديدة, و لما رجعت طنطا لاقيته كان رابط العجلة أى كلام كمان !

اقتباس:

---

المشاركة الأصلية كتبت بواسطة esam_comm

هو عمل كده علشان حضرتك اللي طلعته من العربيه الاول في الموقف ده تفتح الشنطه وتقوله ياخده وكله بحسابه

---

باشا

مش استكبار ان الواحد يرجع الاستبن بس هي شغلته والملابس الي انا لبسها ممكن تتوسخ
بس كل واحد وفهمه المفروض يبقي عنده صبي يركب الاستبن طلما الاستاد عامل افندي ومش عايز يوسخ البدله بتاعتة

مدام فتحت الكبوت وجبت منه الاستبن يبقي عربيتك 128
فيها ايه بقه لما تطلع الاستبن بنفسك وتشيله في العربيه تاني بنفسك
وخليها عليك انت وكبر دماغك

يا باشا ولا تاخد في بالك

معلش يا شباب ومعذرة لمخالفة كل الناس اللي ردت
دلوقتي هو شغلته إنه يصلح الكاوتش ويركبه مكانه لو كانت الفردة راكبة..يعني يحل الفردة النايمة..يصلحها..يركبها تاني
والأصل إنه ملوش دعوة إننت جايبله الكاوتش التاني منين وفي إيه..شنطة العربية ..جوه العربية..بتدحرجها بنفسك..أي حاجة وبرضه ملوش دعوة إنت عاوز تعمل إيه بالفردة الزيادة..ترجعها مكانها..ترميها..زي ما أنت عاوز
كونه يرجع الفردة التانية في الشنطة أو يركبها على الحامل فدي مش شغلانته أصلا ولما حد بيعمل كده بيكون مساعدة منه وتستحق إكرام إضافي مش زي ما إحنا متخيلين
لما بتروح عند ميكانيكي ويحل سير مثلا ويغيره وإنت عاوز تاخده تحتفظ بيه عشان الطوارئ ..بتاخده في إيدك وللا بتفتحله الشنطة تقوله حطه هنا

اقتباس:

---

المشاركة الأصلية كتبت بواسطة بحري

معلش يا شباب ومعذرة لمخالفة كل الناس اللي ردت
دلوقتي هو شغلته إنه يصلح الكاوتش ويركبه مكانه لو كانت الفردة راكبة..يعني يحل الفردة النايمة..يصلحها..يركبها تاني
والأصل إنه ملوش دعوة إننت جايبله الكاوتش التاني منين وفي إيه..شنطة العربية ..جوه العربية..بتدحرجها بنفسك..أي حاجة وبرضه ملوش دعوة إنت عاوز تعمل إيه بالفردة الزيادة..ترجعها مكانها..ترميها..زي ما أنت عاوز
كونه يرجع الفردة التانية في الشنطة أو يركبها على الحامل فدي مش شغلانته أصلا ولما حد بيعمل كده بيكون مساعدة منه وتستحق إكرام إضافي مش زي ما إحنا متخيلين
لما بتروح عند ميكانيكي ويحل سير مثلا ويغيره وإنت عاوز تاخده تحتفظ بيه عشان الطوارئ ..بتاخده في إيدك وللا بتفتحله الشنطة تقوله حطه هنا

---

أنا مختلف مع حضرتك, أنا لما بروح توكيل أو مركز صيانة (حد يهمه سمعة مكانه واحترم الناس) بياخد العربية ويرجعها زي ماخدها بعد تصليح العيب. ده لا يقلل من احترامه أو مكانته في المجتمع في شيء. لو عايز الحاجات القديم بيديهاني في كيس أو ممكن اقوله حطها في الشنطة. هو أكل عيشه إنه ياخد الاستبن يصلحوا ويرجعوا مكانه. أنا أكل عيشي بشتغل عن صاحب شركة. أنا ماشتريتش بتاع الكاوتش ولازم احترمه لو هو محترم نفسه. زي ماصاحب الشركة عارف إنه مشترنيش وبيحترمني لو أنا محترم نفسي. احنا بس اللي مش بنراعي نقطة الاحترام ديه ساعات. بس هو المفروض يحترم نفسه ويعمل بإكل عيشه وانا اقوله ألف شكر وتسلم ايدك, مش مجاملة لكن احترام لأني مضطر. شغلته شغلانة محترمة وانا لازم احترمه لو هو اصلا محترم نفسه.

حط الاستين في العربيه وسيبو

اقتباس:

---

المشاركة الأصلية كتبت بواسطة john_samy_1

شغلته شغلانة محترمة وانا لازم احترمه لو هو اصلا محترم نفسه.

---

هي المسألة مش مسألة احترام من عدمه ومش ده قصدي..
المسألة فقط تتعلق بالحقوق والواجبات..يعني إيه حقك بالضبط..وإيه الواجب عليه بالضبط عشان متحصلش مشاكل من النوعية دي
لو العرف السائد إنه فرض عليه يعمل كده يبقى خلاص لكن واضح إن العرف السائد مش كده..وأن ما يحدث نوع من التراضي..ولذلك تجد البعض يسارع بعمل ذلك والبعض لا
ومركز الخدمة وضعه يختلف لأن المبالغ المدفوعة كبيرة والعمالة كثيرة وهناك نظام للمركز ويهمهم إنك متخرجش من عندهم وفي ذرة تراب على ملابسك..غير ورش الصنايعية العادية ممكن تلاقي الميكانيكي عادي جدا بيقولك (ممكن تكارك يا باشا عشان ناخد الهوا) ..أو..(ادخل دور ودوس بنزين لغاية لما أقولك كفاية)..عادي جدا

اقتباس:

---

المشاركة الأصلية كتبت بواسطة بحري

هي المسألة مش مسألة احترام من عدمه ومش ده قصدي..
المسألة فقط تتعلق بالحقوق والواجبات..يعني إيه حقك بالضبط..وإيه الواجب عليه بالضبط عشان متحصلش مشاكل من النوعية دي

---

حضرتك عندك حق تماما, أنا بس بضايق شوية من حساسيه بعض الناس رغم إن شيف إن الموضوع الحساسية ده يحكمه الإحترام. بس حضرتك عندك حق أنا مش من حقي اطلب حاجة من حد وده مش متعارف عليه. ومشكلة الصانيعية إن الموضوع ده مش واضح وفعلا بيكون بالتراضي.