الموضوع: أتخصص محاسبه ولا إدارة ؟؟!!

المشاركة الأصلية كتبت بواسطة hesham_7amza

كل الناس بتقولى كده ,,,
بس عدد المتخرجين منها بيبقى كتير جدا" وبالتالى فرص العمل بتبقى يادوب على اد ناس معينه ...

ممكن تتميز بالحصول على إحدى الشهادات المهنية فى المحاسبة أو المراجعة زى ال

CPA (Certified Public Accountant

أو CMA (Certified Management Accountant)

أو CIA (Certified Internal Auditor

ماله ال Auditing ده زي الفل واللهِ, ده أنا جايب فيه امتياز بجدارة..بجد كانت مادة جامدة جدا, مع إني كنت باكره المحاسبة أصلا.

شوف اللي يريحك, أنا عن نفسي اتخصصت محاسبة عشان كلام الناس إنها أحسن بس, بس للعلم أنا ماباتأهاش أصلا ولا بشتغل فيها ولا ناوي اشتغل فيها.

المشاركة الأصلية كتبت بواسطة Medo.Malek

حضرتك عندنا فى المنصورة مفيش غير مادة واحدة مشتركة بين ادارة و محاسبة (حاليا فى الترم التانى )

بالنسبة لصاحب الموضوع انا رابعة انجليزى محاسبة و مش عايز اقلك انا متعذب قد اية سواء من الدكاترة او من المواد اللذيذة بتاعتهم و كل ده عشان اخترت القسم الغلط فا نصيحة فكر كويس اوى و ادرس الموضوع كويس قبل ما تختار
و بالنسبة لمستقبل القسمين عايز اقلك ان المتميزين بس هما اللى ليهم مستقل كويس و اللى بيعدى بمقبول و مواد زى حالاتى دوا بالسلامة ملوش اى مستقبل غير لو حضر حاجة بعد الكلية

اهلاً بشباب تجارة "إنجلش" المنصورة.... مين الدكاترة اللي بيدولك يا باشا ؟ و عملت اية في الإمتحانات ؟

المشاركة الأصلية كتبت بواسطة hesham_7amza

كل صحابى بيقولولى انها فهم بس انا شايفها حفظ ( يمكن عشان الحفظ بالنسبالى اسهل من الفهم )
وبرغم كده الحمدلله تقديراتى فى مواد الاداره امتياز او جيد جدا" ....
طيب دي حاجة تشجعك على إدارة ... (بس هي برضه مش بالتقدير)

اهلا" يا زمل ,,
بالنسبه للدفعه بتاعتنا كلهم 100 واحد ( خطه قديمه ) واللى بيحضر منهم حوالى 25 او 30 والعدد عمره ما بيزيد عن كده والباقى مبيجيش غير فى الامتحانات ...
وموضوع العدد القليل على اد ماهو ميزه بس فيه عيب واحد ...الدكتور بيفضل يسأل فينا طول المحاضره
اه .... احنا اتهرينا برضه في آخر سنة



دكاتره عندنا :u_thin1[1]: سؤال صعب ,,,بس هحاول افتكر ...
نبدأ بالأقرب عندنا دكتور سلطان أبوعلى (وزير التجاره السابق ) وتقريبا" كده بيدى اقتصاد وامتحانه كان انهارده وكان open book ومعرفتش اطلع كلمه من الكتاب ...

بالنسبه لقسم الإدارة عندنا دكتور أسامه عبد الحليم وفتحى قاسم ومحمد شوقى وواحد اسمه حاجه بسيونى كده ,,, وامال جعفر وسناء ...

محمد فتحي قاسم درس لنا في تانية production
إسماعيل بسيوني درس لنا حاجات كتير ... و هما الإتنين على فكرة بيدرسوا في الأكاديمية العربية

اما المحاسبه سعيد الشحات وعلى الجوهرى ونعيم (دايما" بيجيب امتحانات طويله جدااااااا) و محمد زيدان واخيرا" اكبر مشكله دكتور فخرى (معقد معقد معقد )
غالباً بتوع المحاسبة كلهم كدا
بتوع الإدارة ناس بيس

اولا" الف شكر على الرد ,,,
وتقريبا" حضرتك فهمت الليله ....ياريت تقولى رأيك ؟؟!!

العفو يا إتش...
زي ما قلتلك بقى ... بعد ما انت قريت الكلام ... اوزنه و شوف

المشاركة الأصلية كتبت بواسطة aif

لأ
مين قالك انك مش ح تستفاد حاجة ؟؟؟
انت بتتعلم المبادئ الاساسية اللي ح تشتغل بيها
لكن تفاصيل المحاسبة وتطبيقها العملي لازم تعرفها بالممارسة ... ولو معندكش الاسس والخطوط العريضة ... مش ح تقدر تتعلم اي حاجة
والكلام ده عام مش ع المحاسبة بس
يعني الدكتور مثلا مش بيعرف كل حاجة من الدراسة ..... لازم يمارس عمله علشان يعرف تفاصيل شغله
وكذلك المهندس والمحامي
انا نصيحتي انك تتخصص محاسبة مالهاش علاقة بصعوبة الدراسة والمواد ... انا باتكلم على بعد التخرج وفرص العمل
وبالتحديد في مهنة المحاسبة والمراجعة ( محاسب قانوني )
....
احنا كان الفرق بين الشعبتين عندنا 4 مواد بس في ستة رابعة ...... يظهر الدنيا اتغيرت ...... انا خريج 1985

المشاركة الأصلية كتبت بواسطة ahmed4000

اه بس لاحظ ان فى بعض الوظائف ختلاقيه طالبها بكالوريوس تجارة قسم محاسبة
ساعتها مش حتعرف تقدم

هو الحق يتقال ... وظيفة المحاسبة اكتر حرفية من الوظائف الإدارية... و دي نقطة لازم تاخد بالك منها ....يعني مش ممكن حد خريج آداب يشتغل محاسب ... لكن الوظائف بتاعت إدارة ... ممكن بشوية كورسات.... ودي حاجة مش ظريفة بالنسبة لخريجين إدارة :(

بالمناسبة... انا unemployed حالياً

المشاركة الأصلية كتبت بواسطة m.osman

اهلاً بشباب تجارة "إنجلش" المنصورة.... مين الدكاترة اللي بيدولك يا باشا ؟ و عملت اية في الإمتحانات ؟

اهلا بيك يا باشا
الصراحة انا معرفش غير دكتورين بس .. واحد فيهم كان و لا زال اكتر واحد كويس عرفته طوال ال 4 سنين ( د\ مكرم باسيلى ) محاسبة ( و بيدينى الترم التانى )
و عندك يا سيدى د\ حاجة ابو العز( مش عارف اسمه كامل ) محاسبة برضه و ده اكبر خ$%#ق عرفته فى الكلية ( كان فى الترم الاول)
بالنسبة للامتحانات و الله .. الحمد لله على كل شىء كانت مش اوى يعنى و ربنا يستر

المشاركة الأصلية كتبت بواسطة EgyptianTune

ممكن تتميز بالحصول على إحدى الشهادات المهنية فى المحاسبة أو المراجعة زى ال

CPA (Certified Public Accountant

أو CMA (Certified Management Accountant)

أو CIA (Certified Internal Auditor

ناس صحابى بياخدو ( CMA ) وماشيين فيها بالعافيه وبيقولولى انها تقيله وخدها بعد التخرج احسن ...

المشاركة الأصلية كتبت بواسطة Raul_7

ماله ال Auditing ده زي الفل واللهِ, ده أنا جايب فيه امتياز بجدارة..بجد كانت مادة جامدة جدا, مع إني كنت باكره المحاسبة أصلا.

شوف اللي يريحك, أنا عن نفسي اتخصصت محاسبة عشان كلام الناس إنها أحسن بس, بس للعلم أنا ماباتأهاش أصلا ولا بشتغل فيها ولا ناوي اشتغل فيها.

أنت أكيد بتهزر ,,,,
امتياز فى Auditing ....انا جايب فيها 10 يعنى ناجح بالعافيه برغم انى حليت فيها كويس ...

وانا زيك بالظبط مش عايز اشتغل فى المحاسبه,,,, بس انا متأكد مليون فى الميه ان الكلام اللى بيتقال دلوقتى غير اللى بيحصل بعد التخرج وظروف الشغل هى اللى بتحكم

المشاركة الأصلية كتبت بواسطة crazylambada

يا هشام انا بيسو يابنى انا دخلت ادارة و مفيش غيرها تنفعنا يا هشام احنا كان زمانا متخرجيين دلوفتى اسمع النصيحة منى وادخل ادارة و بعدين كدة كدة فخرى دى اخر سنة ليه ربنا يسلهالو و صابر و جعفر و الشلة دى ادارة انا عن نفسى بحب المحاسبة اوك بس الادارة انا شايفها متعة جدا بالرغم انى مبحبش الحفظ بس عايزة دماغ و انت عارف دماغى يا اتش اتكل على الله و ادخل ادارة

بيسو على نايل موتورز ,,,ازاى ؟؟
اخيرا" لقيت حد أعرفه .....يا مرحب برجالة تجاره انجليزى ,,,
وبعدين انت سارق الاكونت ده منين ... ولا ده صاحبك اللى كان قافل عليا فى الجامعه الاسبوع اللى فات ,,,,

يعنى انت وصابر وجعفر... إدارة
أمال مين اللى هيدخل محاسبه ...دا كل الدفعه لغاية دلوقتى إدارة حتى أحمد فاضل ...