أتخصص محاسبه ولا إدارة ؟؟!!
الموضوع باختصار ,,,
انا فى تالته تجاره انجليزى ( جامعة الزقازيق ) والمفروض اسلم ورقة التخصص على اخر الاسبوع ولغاية دلوقتى مستقرتش على حاجه ,,,
انا محتار ما بين محاسبه و إدارة ,,وعن نفسى مش ميال لأى قسم فيهم :E_braces[1]: ,,,
المحاسبه : اكتر ماده بحل فيها من اول لما دخلت الكليه وعلى طول بقفل فيها Paper وعمرى ما عديت فيها المقبول بجانب ان الدكاتره رخميين جدا" خصوصا" فى سنه رابعه ,,,وعايزه مذاكره وحضور محاضرات من اول السنه ...
الإدارة : دكاتره كويسه وقبل الامتحان بكام يوم بتلم الليله والى حد ما اسهل من المحاسبه ( عشان بتعتمد على الحفظ )
انا عن نفسى مبذاكرش غير قبل الامتحان بيومين والحمدلله بنجح وبتقدير وعندى قدره حلوه على الحفظ بس لو اضطريت انى اتابع من اول السنه واذاكر مفيش مشاكل ان شاء الله ,,,
انا دلوقتى طالب النصيحه منكم ,,, وياريت متبخلوش عليا ....
ايه الاحسن من حيث الدراسه والكورسات بعد التخرج ومجال العمل وهكذا ؟؟!!