انت مش انت

**Dr_Mido** · 19-02-2008 12:13 PM

السلام عليكم ورحمه الله وبركاته
انا على فكرة مبحبش اكتب مواضيع لانى مبعرفش اطلعها حلوة زى هنا او فى موقعنى الشخصى برضه مبكتبش حاجه
بس كتب دة النهاردة وحبيت تشاركونى فيه نظرا لان خبرتى فى مجال السيارات صغيرة ودة مبيخلينش اشارك كتير
يارب يسعجبكمم وميكونش رخم
حد جه فى دماغه مرة يقارن بين شخصيته زمان وشخصيته دلوقتى
هتحس بانك بيت يطان وكل المواقف دى لو كان حد قلك انك هتعملها وانت طالب فى ثانوى كنت هتقول لا وانت مجنون وانا مش ممكن اعمل كدة لو على رقبتى ودلوقتى تكتش انك بتعمله بكل بساطه وليه عندك بدل المبرر الف
اة والله انا لو كان حد قلى تقدر تحتكر سلعه او تحكتر حاجه معينه وتعمل فى سعرها اللى انت عايزة كنت هقله انت مجنون دلوقتى للاسف بعمل كدة ومع كذا حاجه مش حاجه واحدة
حطت نفسى فى مقارنه مع اسلوبى دلوقتى واسلوبى من فترة و مع كلامى مع بعض الاصدقاء اللى بثق فيهم
الترجمه كالتالى
انا مبقتش انا
الاول كنت هادى ومسالم وممكن اسامح حد بسهوله حاليا لا ممنوع الاقتراب او التصوير فى الشغل او فى اى حاجه تانيه
كنت بقول ان السلطه مش متلفه للناس طلعت متلفه واكبر متلفه
سلطه ان السلعه دى مش عند حد غيرك وانك وكيل حصرى ليها وخصوصا انها مطلوبه بيديك حق انك تلعب بيها براحتك يعنى مثلا عذرت احمد عز فى اللى بيعمله لان السلطه متلفه فعلا وبتتحسب دلوقت
ى بدون الاعتبارات الرومانسيه
زى الحب والاهل والكلام دة انا شايف انه تقريبا فقد معناة ليا زى حاجات كتير جدا اتغيرت فى الفترة اللى فاتت دى
اتعرضت لكام خبطه كلهم اسوا من بعض نتيجتهم انى بقيت انانى شكاك وفى صفات انا كارها اساسا فيا ومبقتش متسامح فى اى حاجه ومبرضاش بحلول وسط تحت اى ظرف وابتيت احس انى متكبر ومش عراف ليه او على ايه
ممكن علشان شاب ولسه صغير وشغال فى كذا مجال وبتاع بس ارجع وااقول لنفسى مش مبرر لان كل دة ممكن يروح فى ثانيه او انا اموت ومش هبقى محتاجه او مش هينعنى بحاجه حتى لو كانت مليارات

ومحدش يقلى مفهمتش هو كدة مجنون وبيخطرف بدل مكلم نفسى بكلمكم لانى بجد ابتديت اكره نفسى وتصرفاتى دى

**Xpert** · 19-02-2008 01:47 PM

انا مش انا ... طب ما انا مش انا فعلاً .. و من يوم ما رجلي جت مصر و انا مابقتش انا نهائياً ... كله بيتغير الزمن بيتغير و الناس بتتغير ..و انا زي مانا .. و اكتشفت في الاخر .. ان انا مش انا ....

**Ahmed Samy** · 19-02-2008 02:06 PM

وانا مش انا برضه
كنت انسان باحاسيس و مشاعر كاملة و كنت اسمع و اشوف و اتذوق و كان ليا هوايات و طقوس يومية و اسبوعية و سنوية و اصدقاء بعلاقات اعمق و اكثر , و كان ليا احلام و اراء و فلسفة في الحياة ...........
دلوقتي : اصبحت مسخ , شبيه الانسان , باشتغل و ادبر اموري و احاول ابسط نفسي على قد ماقدر (و كتير ما باقدرش) . و نفسي ارجع رايق زي زمان
بجد نفسي

**Xpert** · 19-02-2008 02:09 PM

المشاركة الأصلية كتبت بواسطة Ahmed Samy

وانا مش انا برضه
كنت انسان باحاسيس و مشاعر كاملة و كنت اسمع و اشوف و اتذوق و كان ليا هوايات و طقوس يومية و اسبوعية و سنوية و اصدقاء بعلاقات اعمق و اكثر , و كان ليا احلام و اراء و فلسفة في الحياة ...........
دلوقتي : اصبحت مسخ , شبيه الانسان , باشتغل و ادبر اموري و احاول ابسط نفسي على قد ماقدر (و كتير ما باقدرش) . و نفسي ارجع رايق زي زمان
بجد نفسي

كلنا كده .. طله نفس نظامك كده ... باختلاف .. انا كان عندي مشاعر و احاسيس .. دلوقتي المشاعر و الاحاسيس الموجوده هيا عباره عن اكتئاب عام .. اي حاجه عندي مرتبطه بالاكتئاب ... زي ما يكون مكتوب علينا نحزن .... الله اعلم بقي ...

**sab3aawy** · 19-02-2008 07:16 PM

بالنسبة لى انا متغيرتش كتير

انا هو انا طالب الثانوى المسالم الغلبان المتوحد اللى غاية امنيته فى الحياه انه يتساب فى حاله
ومن بعدها طالب الجامعة المسالم الغلبان اللى غاية امنيته فى الحياه انه يتساب فى حاله
هو نفسه وبعد سنوات طويلة المهندس رب الأسرة المسالم الغلبان المتوحد اللى غاية امنيته فى الحياه انه يتساب فى حاله

الحاجة الوحيدة اللى ازعم ان الزمن علمهالى هى انى اتحكم فى اعصابى فى مكان عملى، الى جانب التخلى عن قليل من-وليس كل-الرومانسية لصالح الواقعية المادية

**fiatmomo** · 19-02-2008 08:01 PM

انتا كتبت لموضوع غريب جداااااااااا لانى لسة امبارح كنت بفكر؟؟؟ انا دلوقتى وانا زمان ؟؟.... زى مايكون توارد افكار .....

زمان كنت:- ( مؤدب جدا , هادى لاقصى الحدود , متفائل جدا , طيب , اتبسط من اقل اقل حاجة , متسامح , مكانش عندى زره خباثه ... وحاجات تانية كويسة ...

دلوقتى بقيت:- ( عصبى جدا من التعامل مع الناس .. بس بكتم فى نفسي معظم الاحيان لحد مانفجر فى حد , دايما مكتأب وكل يوم عن يوم بيزيد الاكتأب دة , نوعا ما فقدت الاحساس , حاجات كتير مبقتش فارقه معايا كنت بحلم اعملها وانا صغير , مش عارف اتعامل مع الناس وحاسس انى فى وادى والدنيا كلها فى وادى , بعدت نوعا ما عن اصدقائى بسبب مشاغل كل واحد فيهم بس لسة بنتقابل واصحاب الحمد لله , حاسس بالوحدة , قدرتى على التركيز قلت بنسبة 70 % , بفكر 100 مرة قبل ماتعامل مع حد لسة معرفوش , بقيت نوعا ما بجح ومش بيهمنى كبير ولا صغير " لكن فى حدود الادب " وفى اوقات معينة .

حاليا انا مش راضى عن نفسى نهائى ... بس الحمد لله لسه جوايا جزء ابيض هو دة الى بتعامل بيه مع الناس وبحاول انى مفقدش الجزء دة لانى من غيرة مش حعرف اعيش . بالرغم من ان الطريقة دية مش نافعة الايام دية .

ربنا يسترها معانا ومعاكم و يهدينا جميعا

**MoToRiZeR** · 19-02-2008 08:06 PM

انا بالنسبة لي الموضوع بالعكس

كنت بحب انكش الناس و اروح و اتنطط في كل حتة و اعمل اللي عايزه و اياكش تولع !
و فجأة بقيت هادي و مسالم !! و بحسب كل حاجة بالورقة و القلم !! و ده مضايقني علي فكرة ..

i'm losing my INSANITY !!

**Xpert** · 19-02-2008 09:31 PM

المشاركة الأصلية كتبت بواسطة sab3aawy

هو نفسه وبعد سنوات طويلة المهندس رب الأسرة المسالم الغلبان المتوحد اللى غاية امنيته فى الحياه انه يتساب فى حاله

دي من رابع المستحيلات يا باشا هههههههه

المشاركة الأصلية كتبت بواسطة fiatmomo

, حاسس بالوحدة , قدرتى على التركيز قلت بنسبة 70 % , بفكر 100 مرة قبل ماتعامل مع حد لسة معرفوش

مومو باشا .. فعلاً .. الوحده هاتقتل الواحد .. و بتخليك تفكر و تعمل حساب البني ادمين .. انا كان في توقيعي علي احدي المنتديات كلمه .و الكلمه دي فعلاً صح .. بيقولك ايه بقي .."no matter how close you are , friends will always let you down" و كلمه كمان فيما معناها البقاء للاقوي .. كلمه ال كابون الشهيره : You can get more with a nice word and a gun than you can with a nice word
...دي حقيقه يا حج .. و عشان كده الواحد هايتجنن و يخطب او يتجوز .. بس لو الاختيار جه غلط .. يبقي كده الواحد باي باي ..

**hazem_khidr** · 20-02-2008 04:48 AM

انا هو انا من يوم ما اتولدت.
زاد عليا حاجه واحده بس و هيا الصبر قبل ما اسافر الامارات مكنتش بصبر علي حاجه دلوقتي بقيت الي حد ما صبور.
التعامل في الحياه عموما كنت قبل ما اشتغل فاكر نفسي اني اعرف اتعامل مع كل لبشر بس لقيت الحياه العمليه غير .
التعامل مع الاصحاب مختلف تماما من التعامل في مجال الشغل كاسلوب و طريقه .

**m_aash** · 20-02-2008 08:26 AM

فى رأيى إستحالة الواحد يفضل زى زمان و ده لأن بمرور الزمن بتنضاف خبرات من الحياة و الناس وعوامل الزمن نفسه.
زمان كنت رومانسى جدا طموحاتى كتيرة و نشاط غير عادى ,دايما لو شايف إنى ممكن أساعد حد أساعده حتى بدون ما يطلب و ده كان بيحطنى فى مواقف محرجة أحيانا, أصدقاء كتير.
دلوقتى بقيت صبور لأقصى درجة طموحاتى إتحددت لدرجة كبيرة فى أشياء معدودة خصوصا بعد الأولاد ما شرفوا,أحسبها مليون مرة قبل ما أتعامل مع شخص جديد ماعرفوش أو أخطى خطوة جديدة ,الأصدقاء قللوا مش زى الأول بحكم مشاغل الحياة و أخيرا الإكتئاب اللى بحاول أخرج منه بإنى أشغل نفسى مع الأولاد فى أى حاجة.