كلم جهاز حماية المستهلك
ومتروحلوش انت معاك وصل خليه يجبلك الفلوس لغاية عندك
رقم العضوية : 878
تاريخ التسجيل : 07Jun2007
المشاركات : 300
النوع : ذكر
الاقامة : Giza-Haram
السيارة: Suzuki Maruti
السيارة[2]: Renault fluence e3 2011
دراجة بخارية: no
الحالة :
سلام عليكم يا احسن ناس في مصر
عايز احكيلكم تجربتي مع شركه هايبر اير للتكييف, وده مش عشان الشركه ديه بس لكن عشان محدش يغلط غلطتي ويكون طيب زيي.
يوم الخميس: اتصلت ب (الشيخ عمرو) سالته على تكييف سامسونج وقالي انه موجود واتفت معاه انه يركبهولي يوم السبت. واص ان عشان جدية التعاقد ان المندوب يجي يحصل مني مبلغ تحت الحساب, انا قلت في عقلي (شيخ عمرو) يبقوا ناس محترمين ووافقت
يوم الجمعه المندوب اتصل بيا 6 مرات وانا نايم ولما صحيت كلمته وجه خد الفلوس واداني الوصل.(صورته مرفقه)
يوم السبت: (اليوم الموعود) محدش اتصل بيا, اتصلت اكتر من 3 مرات محدش بيرد على نمرتي المهم اخيرا ردوا وقالولي ان الجهاز مش موجود وهجي يوم الاربعاء القادم. انا قلتله لا ماينفعش رجعلي الفلوس قالي طيب خلاص هخلي المندوب يعدي عليك ياخد الوصل وتديله الفلوس.
استنى المندو مابيجيش اتصلت بيه قالي معلش هجيلك الاحد.
يوم الاحد: اتصل بالمدوب 20 مره مابيردش, واخيرا اتصلت بالشركه رد عليا واحد من المبيعات
وقالي: احنا مابنرجعش فلوس لحد في بيته انت لازم تيجي (من الهرم لغاية النزهه الجديده وتاخده)
قلتله: بس انت خدت مني الفلوس في البيت ووعدت انك هترجعهالي هنا
قالي: لا انسى انت بعيد
قلتله: يعني ماكنتش بعيد وانت بتاخد الفلوس لكن بعيد الوقتي؟
قالي: اه
اخدت نمرة صاحب الشركه (عاطف عبدالواحد) بيقول انه مهندس وكلمته شرحتله الموضوع
قالي: احنا مش فاضينلك وانت بعيد (قلة ادب)
قلتله: بس انت بنفسك وعدت ان المندوب هيجعلي الفلوس
قالي: لا ماعندناش الكلام ده
قلتله: ان رسول الله قال (اية المنافق ثلاث اذا حدث كذب واذا وعد اخلف واذا اؤتمن خان)
قالي: انا ماوعدتكش بحاجه (كذب صريح وكان الكلام باسلوب بلطجيه مش ناس محترمه)
قلتله: هاجي اخد الفلوس لكن ربنا مش هيسيبكم وقفلت معاه.
حاولت اكلمه بعد كدده عشان اساله بيقفلوا امتى مابيردش اطلاقا ولا على اي نمره من تليفوناته (عملي بلوك) :)
بصراحه انا قلقان يلاوعوا معايا في اني اخد فلوسي (100 جنيه مش مشكله كبيره) لكن انا مابحبش اسيب حقي فمش عارف ابلغ حماية المستهلك ولا ايه.
الفكره مش في الفلوس لكن في المعامله السيئه لناس بيوهموك انهم ملتزمين ومتدينين ولما تتعامل معاهم تلاقيهم ماعندهومش اخلاق. انا فاتج الموضوع ده عشان
1- ماتتعاملش مع الشركه ديه لانهم ناس غير محترمين
2- ماتقبلش ابدا انك تدفع فلوس بدون ماتاخد حاجه مقابلها, لانه كده مسكك من ايدك اللى بتوجعك وانت هتفضل محتاجله وهيبيع ويشتري فيك بمزاجه وممكن يجبرك انك تقبل بجهاز تاني او حاجه تانيه انت مش متفق عليها.
هقولكم ايه اللي حصل في الايام القادمه ان شاء الله
رقم العضوية : 26401
تاريخ التسجيل : 28Nov2008
المشاركات : 3,812
النوع : ذكر
الاقامة : Benha-Egypt
السيارة: NA
السيارة[2]: Chevy Lanos
دراجة بخارية: NA
الحالة :
كلم جهاز حماية المستهلك
ومتروحلوش انت معاك وصل خليه يجبلك الفلوس لغاية عندك
رقم العضوية : 72705
تاريخ التسجيل : 09Jun2010
المشاركات : 407
النوع : ذكر
الاقامة : Alex _ Behiera
السيارة: لما اجيب الاول .. وهجيب التانية
السيارة[2]: لسه بدور علشان تعبت من المواصلات
الحالة :
هى الشركة دى شركة شيوخ وناس مربية دقنها صح
اقسم بالله 90% من الى انا اتعملت معاهم فى التجارة اللى هما شيوخ ومربيين دقنهم منافقين وكدابين جدا جدا جدا جدا جدا جدا
وطول عمرهم فى قمة الكدب والنفاق
انا لو منك اروح اخد الفلوس منهم واعمله بالو كبير فى الشركة وياه بقا لو فى زباين اعمله احلى حوار وبعد ما اخد الفلوس اقولهم انتوا حراميه لان حصل كذا وكذا وانا عمى لواء وبتاع هيخافوا على طول
انا حصل معايا موقف شبيه بده ولكن انا كنت بتعامل مع شركة لمستلزمات الانترنت والشبكات وبرده ناس شيوخ وعلى طول مشغل قران واحلى كلام يعنى
حصل غلطة فى الحساب ان ليا 120 جنيه فنسيت اخدهم منه
رجعت ليه بعد كام يوم قالى وانا اعملك ايه انت اخدتم منى
وشوية يقولى انا عملت جرد للدرج يومها ومفيش حاجة زيادة
وفى نفس الوقت قالى استحالة يكون فى زيادة والجرد بيحصل كل شهر تعالى اخر الشهر
قلت ليه كلمة واحدة لو مطلعتش الفلوس هقفل الشقة دى عليا وعليك وهقتلك ضرب واخد منك الفلوس وبضاعة زيادة وبدات اهوش انى هقفل الباب وبتاع اوزعق طلع الفلوس زى ......... بالظبط
والله بحبك يامصر
عارفه سواد العسل اهو ده اللى حالك ليه وصل قوليلى ازاى مكمله
رقم العضوية : 3595
تاريخ التسجيل : 06Dec2007
المشاركات : 800
النوع : ذكر
الاقامة : cairo
السيارة: chevrolet pick up
السيارة[2]: chevrolet spark 2008
دراجة بخارية: لا
الحالة :
على فكرة انتا كلامك صح جداااا جداااا عن الشيوخ المنافقين
وفى التجارة بالذات اوعى تأمن لكل ذى دقن ولحية وعن تجارب حياتية وشخصية لمدة 5 سنين وكنت اعرف شيخ بيقعد يرتل القرأن ويقرأه غيبياااوكان صوتة جميل جداااا وكان بيستحل اموال الناس بالباطل ومعاملتة مفيش اقذر منهااااا
قد تعلمت الصمت من الثرثار .والتساهل من المتعصب .واللطف من الغليظ...
والاغرب انني لا اعترف بجميل هؤلاء المعلمين !!
رقم العضوية : 4491
تاريخ التسجيل : 19Jan2008
المشاركات : 2,738
النوع : ذكر
الاقامة : Mansoura
السيارة: ----------
السيارة[2]: Excel 1300
دراجة بخارية: ------------
الحالة :
للاسف فى بعض ناس بتربى دقنها و تعمل ذبيبة صلاة عشان تحكم الدور كويس مجرد شكل يساعدهم فى اغراضهم الدنيوية و هم ابعد الناس عن الدين و الاخلاق و بكرر البعض و ليس الكل
و ربنا يسترها معانا جميعا
اللهم اجعل قلوبنا عامرة بالإيمان
رقم العضوية : 72705
تاريخ التسجيل : 09Jun2010
المشاركات : 407
النوع : ذكر
الاقامة : Alex _ Behiera
السيارة: لما اجيب الاول .. وهجيب التانية
السيارة[2]: لسه بدور علشان تعبت من المواصلات
الحالة :
بيعتبروها نوع من الفهلوة وان الناس دى كلها اغبية
بس انا بحب ازنق الناس اللى من النوعية دى وياه لما يقع تحت ايدى بخليه يكره نفسه ويكره لحيته
انا فى مرة قلت لواحد من النوعية دى بقوله يا شيخ فى مثل بيقول
اللى مربتوش الدنيا تربيه لحيته تعمل ايه بقا ياشيخ اللى واحد لا الدنيا ربته ولا لحيته ربته
والله بحبك يامصر
عارفه سواد العسل اهو ده اللى حالك ليه وصل قوليلى ازاى مكمله
رقم العضوية : 41050
تاريخ التسجيل : 25May2009
المشاركات : 2,179
النوع : ذكر
الاقامة : cairo
السيارة: no
السيارة[2]: no
دراجة بخارية: no
الحالة :
هوشه بحماية المستهلك وحيجبهالك زى...
صحيح حماية المستهلك مش حيعملك حاجة فى حالتك لانه موافق يرجعلك الفلوس
بس حتبقى قرفته شوية
بالمناسبة ايه تكييف سامسونج ده اول مرة اسمه غنه
ارجوووك وطى الحنفية شوية ووفر فى استهلاك المياه احنا داخلين على ايام ما يعلم بيها الا ربناارجوك علشان خاطر صحتنا وفر شوية فى استهلاك الكهربااء
ارجووووك وفر شوية فى استهلاك البنزيييييناللى اغنى مننا مليون مرة بيوفروا فى كل حاجة ومبيقولوش الحكومة حلوة ولا وحشة
خليك ايجابى لنفسك حتى..زهقت من "الامعة" اللى بقم ماليين المجتمع..كل متقول لحد بطل حاجة غلط يقولك مكل الناس بتعملها ومش حبطلها الا لما الناس تبطل "وهو ده وصف الامعة بالظبط فى الحديث الشريف"
رقم العضوية : 63884
تاريخ التسجيل : 02Mar2010
المشاركات : 2,270
النوع : ذكر
الاقامة : cairo
السيارة: بارك الله فيما رزق
السيارة[2]: نيسان تيدا بلس 2010
دراجة بخارية: no
الحالة :
المشكله ان كتير من الناس دي مش شيوخ بالحقيقه ولكن عشان يقنع اللى ادامه انه كويس ومعاملاته زي الدين ماقال بيربي دقنه ................
ولكن الحقيقه ماينفعش نعمم الحكم على كل اللي مربيين دقنهم انهم حراميه لاننا كدنا نبقى بنشتم النبي صلى الله عليه وسلم ....
انا عن نفسي اتعاملت مع ناس بدقون منهم الكويس الملتزم بامر النبي وسمح جدا في معاملاته ومنهم اللي ربى دقنه عشان يتدارى فيها وربنا يهدي كل من خالف امر النبي الذي امرنا بالصدق والامانه وحسن معاملة الناس والإحسان للمسلم و غير المسلم.
رقم العضوية : 20668
تاريخ التسجيل : 30Sep2008
المشاركات : 503
النوع : ذكر
الاقامة : egypt
السيارة: NOT YET
السيارة[2]: NOT YET
الحالة :
يا جماعة الموضوع ملهوش علاقة بالدين
اي واحد فيكوا لو محلقش دقنه اسبوع ده ميخليهوش عالم من علماء الامة
بلاش الخوض في الموضوع ده عشان ميبقاش فيه ذنوب
اذا كان فيه شويه ناس (حسبنا الله فيهم) بيظهروا مظهر الالتزام ويخدعوا الناس
فالناس اصحاب المظهر العادي او غير الملتزم فيهم شر وبلاوى اضعاف مضاعفة
وفي كلا الفئتين فيه الصالح والطالح
والاصل ان ترك اللحية امر عن الرسول عليه الصلاة والسلام
فكان من باب اولى من كل شخص اتبع امر الرسول في الشكل انه يعمل كده في الافعال والمعاملات مع الناس (مش الشكل وخلاص)
وده عيب شخصى فيهم
فبلاش نتكلم بصيغة ان الملتحيين كذا وكذا
وخلينا فاكرين ايه اصل اللحية وتركها
----------------------------------
بالنسبه للاخ السائل
كلم حمايه المستهلك وخليهم يقوموا بالواجب
ده حقك حتى لو كان جنيه واحد
ده التكييف الجديد في السوق
توكيله ماسكه منصور
وانا فعلا عايز اجيبه بس مش لاقي حد يكون جربه يفيدني في الموضوع
رقم العضوية : 11086
تاريخ التسجيل : 20May2008
المشاركات : 3,017
النوع : ذكر
الاقامة : التجمع الخامس
السيارة: proton wira 1999
السيارة[2]: fiat 128
دراجة بخارية: لا يوجد
الحالة :
بص هو انا ممكن اقوللك ده شيخ ايه بس هاتوقف بعديها ...........
المهم انت تاخد الوصل وتروح لجهاز حماية المستهللك وتعذمو علي علبة سجاير
هههههههه هايعمل معاك الواجب صح
بلطجة ببلطجة وقلة ادب بقلة ادب
وبالنسبة للاستاذ m_car
مش كل من ربي ذقنه وشغل قران وعمل نفسو تقي يبقي شيخ
صوابعك مش زي بعضيها
تقبل مروري واوعي تزعل من كلامي
اخوك ( ابو عبد الله )
انا انسان عادي جداا.مسلم . اخطيء .واصيب . مرجعيتي هي القران والسنة وفقه الائمة الاربعة يعني انا ...
المفضلات