اللى عنده مشكلة او استفسار يتفضل يسال

**akramesg** · 28-06-2010 11:03 AM

حمدالله عالسلامة يبشمهندس كويس انك وصلت بالسلامة انا سعيد بتحمسك واهتمامك بالعملاء من خلال المنتدى
بالرغم ان دة شئ مش مفروض عليك
انا اكرم اللى اداك لينك الموقع

**good4u123** · 28-06-2010 02:38 PM

اهلا بيك فى المنتدى ,عندى نيسان تيدا هتشباك , كان عندى صوت زى طقطقة من الشنطه فى المطبات او الطرق غير الممهدة لما بتكون على سرعة قليلة قوىو دا ممكن يكون من اية؟ وشكرا مقدما على الرد

**U600** · 29-06-2010 01:22 AM

اهلا بيك يا محمود يا حبى انا بجد ياجماعة بشهد شهادة حق للمهندس المحترم محمود بجد الراجل دة انا لما باروح التوكيل بيعملى كل حاجة و راجل زى الفل و ربنا يباركلك و يبارك فى المهندس الكبير اكيد انت عارف مين حبيب قلبى

**ezzatkhalifa** · 29-06-2010 11:14 AM

المشاركة الأصلية كتبت بواسطة mdouglas

اخى الفاضل كل اكسسورات السياره نيسان متوفره فى التوكيل روح توكيل الدراسه على صلاح سالم وهتلاقى الاكسسورات فى المعرض الخاص ببيع السيارات فى التوكيل الي بشتغل فيه وبالنسبه للسوئال الثانى انا لاعرف الرد هسأل وارد على حضرتك لانك اول عميل تيدا الجديده وعايز يغير ال سى دى بتاعه بالناسبه الي وشكرا

الف شكر على الرد و على المجهود

هوا التوكيل اللى فى الدراسه هوا مودرن ؟ ممكن اروح للسبع اصله بجوار المنزل

و مستنى ردك على السوال التانى

**mdouglas** · 29-06-2010 08:22 PM

[QUOTE=ezzatkhalifa;3872803464][overline]شكرا على اهتمامك بالمنتدى

سوالى

هل يوجد عند نيسان كماليات للتيدا ( مثال سنسور بارك - وحدات الرفع - دى فى دى - ..... الخ ) أستطيع شراءها و تركيبها عند مراكز الصيانه ؟

اذا كان الاجابه ب لا

هل استطيع شراء و تركيب هذه الكماليات من خارج التوكيل من دون خروج العربية من الضمان ؟

------------------------------------------

و لى سوال أخر لو تسمح

هل التحكم فى كاسيت العربية عن طريق طارة السواقه سوف لا تعمل فى حالة تركيب دى فى دى أخر غير المركب الاصلى ؟؟

و شكرا جزيلا[/overline][/Q
بص ياخى الفاضل انت ممكن تركب dvd الي انت عزه بس التحكم بتاع الطاره لن يعمل على الكاسيت الجديد

**mdouglas** · 29-06-2010 08:26 PM

المشاركة الأصلية كتبت بواسطة akramesg

حمدالله عالسلامة يبشمهندس كويس انك وصلت بالسلامة انا سعيد بتحمسك واهتمامك بالعملاء من خلال المنتدى
بالرغم ان دة شئ مش مفروض عليك
انا اكرم اللى اداك لينك الموقع

ازيك ياستاذ اكرم انا كنت متاكد انى هكلمك على الموقع وشكرا لك وانا تحت امرك فى اى شىء

**mdouglas** · 29-06-2010 08:34 PM

المشاركة الأصلية كتبت بواسطة good4u123

اهلا بيك فى المنتدى ,عندى نيسان تيدا هتشباك , كان عندى صوت زى طقطقة من الشنطه فى المطبات او الطرق غير الممهدة لما بتكون على سرعة قليلة قوىو دا ممكن يكون من اية؟ وشكرا مقدما على الرد

بص ياخى الفاضل فعلا موضوع الاصوات ده لازم انى اجرب السياره واسمع الصوت لانه له كذا احتمال وهى ممكن يكون اسلاك فى غضاء الشنطه او مساعدين الشنطه لو هاتش باك او فى حاجه فى العفشه سواء تربيط عفشه او مساعدين او السوست اللولبيه او تزييق فى مسامير العفشه الخلفيه وكل حاجه ليها حل وشكرا

**mdouglas** · 29-06-2010 08:42 PM

المشاركة الأصلية كتبت بواسطة u600

اهلا بيك يا محمود يا حبى انا بجد ياجماعة بشهد شهادة حق للمهندس المحترم محمود بجد الراجل دة انا لما باروح التوكيل بيعملى كل حاجة و راجل زى الفل و ربنا يباركلك و يبارك فى المهندس الكبير اكيد انت عارف مين حبيب قلبى

ياخى الفاضل اولا ده شغلى وبعدين انا فعلا شاكر جدا ليك كفايه انك فاكرنى وان فعلا ببيقى مبسوط لما العملاء بتوعى يبقو مبسوطين من شغلى وعلا فكرة انا اخت الشهر الي فات الترتيب الثالث على مهندسى الاستقبال على مستوى مصر وذالك من الرد والشكر للعملاء على التليفونات المتابعه الي من شركة نيسان الام وشكرا لكم وانا تحت امركم فى اى شء وتى مساعده وانا شاكر ليك فعلا

**mdouglas** · 29-06-2010 08:49 PM

المشاركة الأصلية كتبت بواسطة ezzatkhalifa

الف شكر على الرد و على المجهود

هوا التوكيل اللى فى الدراسه هوا مودرن ؟ ممكن اروح للسبع اصله بجوار المنزل

و مستنى ردك على السوال التانى

اخى الفاضل كل توكيلات الصيانه زى بعضها بس ليست شركه واحده يعنى هناك شركه مودرن ولها فروع فى الدقى و المطار و ابو رواش وشركه السبع وده فى المعادى و اخيا يونايتد جروب فى الدراسه وكل التوكيلات بمراقبه نيسان والاسعار كلها موحده من نيسان سواء قطع غيار او المصنعيات والي يعجبك سواء بترتاح فيه او بجانب المنزل بس بشرط كل اما تعمل صيانه اسبتها فى دفتر الضمان علشان تضمن حقك فى الضمان لما تغير التوكيل وشكرا اخى الفاضل