الموضوع: مشكلة مع توكيل hp وعايز رايكم فيها ؟؟

المشاركة الأصلية كتبت بواسطة N.Y.S.M.A

معلش على جنب كده فين أحمد فخري في مدينة نصر .... لأن الجهاز بتاعي بقاله معايا حوالي 6 شهور وبرغم المدة القصيرة وإنه لسة في الضمان ... البطارية بقت دلوقتي لا تزيد فترة شحنها عن نصف ساعة .. والمفروض إنها عليها ضمان مع الجهاز لمدة سنة

وعايز أروحلهم همة ومش عايز أروح للشركة اللى إشتريت منها

معلش لسه شايفة الرد دلوقتى
احمد فخرى ده هو الشارع المقابل لسيتى ستارز ، يعنى بعد ما تعدى سيتى ستارز على يمينك ، و تطلع طريق النصر ، تلف اول يوترن و تدخل اول يمين، انت كده فى احمد فخرى
هتفضل ماشى فيه لحد اخر تقاطع ، هتلاقى على الناصية ميتلو و محل هدايا اسمه cow ادخل فى الشارع اللى على ناصيته المحلات دى ، تمشى حاجة بسيطة تلاقى reddington على ايدك الشمال بس خلى بالك و انت ماشى عشان اليافطة مستخبية تحت شجرة
و بس كده

المشاركة الأصلية كتبت بواسطة shery103

معلش لسه شايفة الرد دلوقتى
احمد فخرى ده هو الشارع المقابل لسيتى ستارز ، يعنى بعد ما تعدى سيتى ستارز على يمينك ، و تطلع طريق النصر ، تلف اول يوترن و تدخل اول يمين، انت كده فى احمد فخرى
هتفضل ماشى فيه لحد اخر تقاطع ، هتلاقى على الناصية ميتلو و محل هدايا اسمه cow ادخل فى الشارع اللى على ناصيته المحلات دى ، تمشى حاجة بسيطة تلاقى reddington على ايدك الشمال بس خلى بالك و انت ماشى عشان اليافطة مستخبية تحت شجرة
و بس كده

أنا كده هابقى في مكرم عبيد ... صح؟
طيب عشان أنا معرفش حاجة من المحلات اللى حضرتك قولتي عليها دي هوة في من السراج مول أو التوحيد والنور أو شمس أو السلاب مثلا يعني أدور جنب أنهي واحد من دول
وجزاكم الله خيرا على الإهتمام

المشاركة الأصلية كتبت بواسطة أحمد كمال

يا جماعة انتم فاهمين غلط

صاحب الموضوع متضايق ان ال motherboard هتتغير و عايز يغير الجهاز

هو ماقالش ان الشركة رافضة تغيرها في الضمان

و انا شايف ان هو حقك تغيير ال motherboard .... مادام هيرجعوا لك الجهاز زي الجديد يبقى خلاص .....

الضمان مش مكتوب فيه تغيير الجهاز بالكامل (الا لو فشلوا في تصليحه و ده موضوع تاني)

ياباشا طيب ما هم مش عارفين يجيبيلوا بوردة أصلا من برة يعني المطلوب منه إنه يظل طول المدة دي الجهاز بتاعه عطلان لغاية ما هم يحنوا عليه ويبعتوا يجيبوا البوردة من برة ... أعتقد إن جهاز حماية المستهلك في حاجة زي كده ممكن يطلب منهم تغيير الجهاز بالكامل .. أو على الأقل يعجلوا بإصلاحه

(هل الخط كده واضح وحجمه كويس أم لا..؟)

بص حضرتك تتصل ب 20226910602
دول hp الى مسئولين عن الاجهزر الPavillion
و اطلب انك تعمل شكوى و اديهم الJob No. بتاع ماس ايجيبت و هما هيتاكدوا لو فية مشكلة هاروير تم حلها 3 مرات هيبدلولك الجهاز

بالنسبة لحماية المستهلك هيلزموا ماس ايجيبت انهم يصلحوة مش اكتر

شكرا