مشكلة مع توكيل hp وعايز رايكم فيها ؟؟
الحكاية اني من حوالي شهرين اشتريت لابتوب hp من كارفور وتوكيله شركة ماس ايجبت
بعد حوالي شهر كدة حصلت مشكلة في سوكيت الشحن بتاع الجهاز واللمبة مش بتنور والشاحن بيوصل كهربا بس ساعات يشحن وساعات لا
المهم يعني كان عندي امتحانات ولما خلصت روحت وديت اللاب للتوكيل عشان يشوفوا المشكلة الكلام دة كان الخميس اللي فات
كلموني انهاردة وقالولي المشكلة اتحلت
روحت استلم اللاب لقيت المشكلة زي ماهي ومفيش حاجة حصلت فالمهندس قال كدة يبأى هنغيرلك motherboard
قولتلهم يعني هو طبيعي ان لاب بقالوا شهرين اغيرله mother?
فالانسة قالتلي هنجيب لك واحدة اصلية ومتقلقش ومش عارف ايه بس حضرتك هتستلم الجهاز انهاردة ولما الاجزاء اللي هنغيرها توصل هنبلغ حضرتك في التليفون (اسبوعين تلاتة كدة)
لما اتكلمت في حكاية تغيير الجهاز خالص قالولي كان ممكن في اول 14 يوم بس وكارفور مش هيرضى يغير بعد الفترة دي
تفتكروا اعمل ايه انا مش عارف اخدت الجهاز وروحت
ارجعلهم تاني ونقلبها خناقة :khd:و لا اروح كارفور ولا استنى لما الmotherboard تيجي ويغيروها وخلاص ولا ايه