صيانة ال 1000 فى القاهرة وبعدين الاسكندرية
السلام عليكم ورحمة الله
من 20 يوم تقريبا عملت صيانة إل 1000 كم ورحت مركز صيانة العباسية (وإنا حاطت ايدى على قلبي) وكنت هناك على الساعة 8.30 ص وكنت ثاني واحد من ملاك BYD وكان في صف من الادا .
وعلى الساعة 9 فتحوا باب المركز وحضر العميد / احمد مدير المركز و صاحب الصوت الجهوري لتنظيم حركة المرور وفعلا بدأت الادا تدخل وإحنا لسه واقفين مستنين المهندس / ايميل مهندس الاستقبال على الساعة 9.20 ص اللى حضر متأخر بعد العميد/ احمد (ماظبته في التليفون على التأخير) المهم حضر وكتب ملاحظات أول عربية BYD(وبالمناسبة العربية ده كانت جاية من الأقصر لصيانة ال5000 كم) وبعدين جاء الدور عليا وطلب منى الرخصة والضمان وبعدين بدأ يجهز ال Job orderبتاعى وسالنى :
س- تحب نغير بزيت 5000 ولا 10000 ؟
ج- 10000 كم
س- عندك مشاكل اية في العربية؟
ج 1- في هواء سخن من عند رجل السواق والتكيف مقفول على الرغم ان انا عامل توزيع هواء من هوايات التابلوه فقط وفاصل اللي تحت .
2- العربية فيها حدفة شمال
3- فى فرق فى التفقيل بين الفانوس الامامى و الاكصدام
4- صوت مروحة التكييف عالى جدا (العربية كلها بترعش وهى وافقه لما المروحة بتشتغل .
5- صوت ال mp3الولاعة دايما فيه خرفشة والعربية ماشية وعلشان الصوت ده يروح لازم تشغل اى حاجه كهرباء تفتح النور – تدوس على الكلاس – تفضل تفتح وتقفل الزجاج المهم اى كهرباء تشتغل علشان الخرفشة تروح .
بعدين طلب منى اشيل اى حاجة من العربية وشيلت وسلمتهم مفتاح العربية (طبعا كل الادعية اللى اعرفها قولتها علشان خلاص ساعة الصفر حانت) .
ودخلت العربية
اول واحد استلمها كان المهندس / احمد سوبيع (معذرة ان كنت كاتب سوبيع غلط) لا اذكيه على الله احدا ولكن نشهدله بالضمير - رفع العربية حل طبة الزيت وبدا الزيت القديم ينزل - وبعدين ربط العفشة - وقاللى احنا شحمنا حاجة فى الفتيس (انا مش عارف هيا ايه الصراحة) - غيروا فلتر الزيت – قفل الطبه.
نزلت العربية
طبعا انا كنت وافق على باب المركز بحاول اعرف اية اللى بيحصل نادانى واحد سمكرى (لبط شوية) وقاللى فين الفراغ اللى بتقول عليه شاورتله عليه قاللى ارفع الاكصدام من تحت رفعت ,ارفع اجمد شويه رفعت اجمد وراح رابط مره تانية على المسامير اللى بتربط الاكصدام و شنب العربية , تمام كده يا باشا بقت زى الفل اهيه(وكانت زى ماهى والله ومازالت )
وبعدين سالنى فين الرعشه بتاعة التكيف وساعتها حضر المهندس / ايميل وشغلنا العربية والتكييف وسمعه الرعشه وبص عليها الاسطى السمكرى وقاللى هى كده والمهندس / ايميل قاللى اكتر من عربية فيها نفس الصوت ده بس مش مشكلة (يعنى ملهوش حل)
ونزلوا الزيت الجديد فى العربية وطلبت من الاسطى ان يدينى الزيت الباقى من الجركن اخليه معايا احتياطى فى شنطة العربية وفعلا تم
والمهندس \ ايميل جرب معايا mp3 (جربت بتاعى وبتاع الاخ اللى من الاقصر ) والعربية وافقه ولا اجدع DJ ولكن للاسف بعد مامشيت رجعت الخرفشة تانى
والأسطى سالنى على الهواء السخن شاور تله عليه وقاللى خلاص يا أستاذ إنا عرفت ايه المشكلة , راح قايلى ان الجوان اللى انا مشاور عليه فى الصورة كان مفكوك وقالى خلاص انا لاصقتة علشان ميفوكش تانى وطلع العربية جنب المركز بره وشكرا على كدة
وبعدين حضر الاسطى بتاع الزوايا اخد العربية ودخل تانى المركز غاب شوية ورجع قالى ان العربية كانت بيتحدف علشان الهوا فى الكاوتش مكانش مظبوط وظبطة وان الابره بتاعه العجلة اللى قدام يمين كانت بايظة وغيرها من عنده
وطلع جرب العربية وانا معاه المرره ده وفعلا الحدفه راحت.
وقالولى أروح على الحسابات عملى الفاتورة ودفعت 302جنيه ومشيت على الاسماعيليه وانا على الطريق الهواء السخن زى ما هو وبعدها بيومين لما اجى اقفل الزجاج الامامى شمال اسمع عضه فى نهاية الافقل اكن الزجاج بيفقل على الصاج من جوه الكاوتش .
المهم يوم الخميس اللى فات 17\06 كان عندى مشوار فى الاسكندرية قولت لوخلصت بدرى اروح على مركز الصيانه هناك وفعلا على الساعة 11كنت هناك ومافيش BYD غيرى وقابلنى المهندس \ محمد عبد الوهاب وقولتله على:
1- الهواء السخن
2- باب تنك البنزين مكانش مبيت كويس فى مكانه
3- العضة اللى فى الزجاج
قاللى فعلا فيها مشكله
4- الفراغ اللي في الفانوس الامامى
قاللى الاكصدام بيجى مطبوخ وبيركب كده واى لعب فيه حيبوظه هو وحاجات تانية
5- الرفرف الامامى يمين لو اتكيت عليه تكة خفيفة يدخل معاك لجوه
قاللى ده مرونة في الرفرف مافيش فيها اى مشكله
6- رعشة العربية مع مروحة التكييف
هو والمهندس أسامة قالولى كل العربيات كدة
المهم استلموا العربية ودخلت :
اول حاجة اتعملت كان باب التنك واضبط فعلا
ثانيا: حاجة كانت العضة وكان شعال الاسطى على عليها وحل بطانه الباب وشال الزجاج وبدأ يصلح فيه (العضة ساعة يروح وساعة تيجى)
ثالثا: الهوا السخن وكان شغال عليها الاسطى بسيونى حل درج التابلوه من تحت وقاللى فعلا بكره توزيع الهوا بتعلق ووريته الجوان اللى فى العباسية قالولى علية قالى ولا فية اى حاجه خالص واقعد يصلح فية يمكن اكتر من نص ساعه (بالمناسبة هو نسى مفك عندى فى العربية انشاء الله وانا بعمل صيانة ال5000 حاديهولة)
المهم خلص وطلع يجرب العربية طلع الساعه 2 رجع 2,45 لدرجة انى شكيت يكون حصله حاجة لما رجع قاللى إنا اضطربت أقف مرتين علشان نفس العيب كان لسه موجود .
وعملولى الشيك ومادفعتش اى حاجة علشان العربية فى الضمان
واستلمت العربية ومشيت.
اغاية دلوقتى الهوا السخن موجود ومابيروحش الا لما اشغل التكييف
و مش عارف اعمل اية ؟؟؟؟؟؟
