:stink[1]:يا جماعة انا عمال اعالج فى عيب عندى من ساعة ما جيبت العربية من حوالى 9 شهور و مش عايز يتصلح
العيب : صوت تخبيط لما بمشى فى ارض مجعده ( صوت تخبيط مش العادى )لانى سوقت عربيات زى بتاعتى وصوتها مظبوط ما شاء الله
انا معايا لانوس 2002 و جايبها مستعمله دلوقتى عامله 104 كم
اللى انا عملته
1- تقريبا كل اسبوعن بروح اربط عفشة لغاية ما الراجل حلف بالطلاق ان العفشة عندى كلها متربطة زىا الفل
2- غيرت التيل و السوست بتاعه الفرامل عشان قالو بتعمل طقطقة و ممكن تكون هى
3- المساعدين الاماميين عندى لسه بيعملو صوت الفسفسة يعنى جداد
4- علبة الدركسيون كانت بتجيب زيت فكيتها و غيرنا اويل سيل عشان متجيبش زيت و فعلا العيب ده اتمنع
5- غيرت الكاوتش فردتين امامى قولت يمكن من الكاوتش يكون بيدبدب
ما زال العيب موجود و مش عارف اعمل ايه بجد انا العربية تعبتنى
ارجوكم ارجوكم حد يفيدنى و نداء خاص للاستاذ Mmamdouh و الا ستاذ سمير عياد الخبراء
:majd(4):