المذهل فى القصة مش الضرب ... لا عادى هنفترض انها بتحصل فى أحسن البلاد ...

المذهل فى القصة إن الكبار ألزموا الموظفة إنها "تلم" الموضوع !!!!

انت مدرك يعنى ايه تبقى ماشى فى الشارع وملازم شرطة يصفعك على قفاك والكبير بتاعه يقولك "وايه المشكلة يعنى .... انا هاجيبه يعتذرلك ونلم الموضوع"!!

البنت أبوها لواء شرطة سابق وبتشتغل فى مكتب مستشار كبير ...

طب انا أبويا مش لواء ، يعنى هاخد القفا وهسكت ، حتى فرصة إن الكبير يقولى "لم" الموضوع ، مش هطولها !!

إزاى تسمع خبر زى دة ويجيلك راحة بال واطمئنان ؟ ، بمنتهى الجبروت أخوك المواطن يصفع على قفاه من ظابط وظيفته هى حماية المواطن ، يعنى لما يبقى اللى بيدافع عنك بيظلمك ، تروح فين بعد كدة؟.

شخصيات سيكوباتية مريضة بالسادية وعقد النقص ، ازاى تتخرج من كلية هدفها حماية المواطنين؟.

أنا معنديش مشكلة مواطن يصفع مواطن ، ياكش يولعوا فى بعض ، إنما لما الكبير يصفعك ومتعرفش تاخد حقك ، تبقى المشكلة عظيمة.

YouTube - ‫ظ…ظ„ط§ط²ظ… ط£ظˆظ„ ظٹطµظپط¹ ظ…ظˆط¸ظپط© ظپظٹ ط§ظ„ظ…ط.ظƒظ…ط©‬‎