السبب مش السيراتو السبب الى سايق السيراتو

**contact** · 28-06-2010 08:48 AM

مصراوي – خاص - كشفت تحقيقات النيابة في حادث حريق سوق التونسي بالسيدة عائشة أن السيارة المتسببة في الحادث اشترها صاحبها وهو موظف في بداية شهر يونيو الجاري، وقام بإيجارها لمعرض سيارات بحدائق المعادى بمبلغ 4 ألاف جنية شهرياً .
وأضافت التحقيقات أن الضحايا - فاروق.ق "22 سنه"، فادى.س"18 سنه"، رامي .ك"20 سنه" - كانوا أول من استأجروا السيارة وكانوا يسيرون بسرعة 180 كيلو متر في الساعة، ولم يستطيع السائق السيطرة على السيارة أثناء تجاوزه إحدى السيارات مما أدى إلى سقوط السيارة من اعلى كوبري التونسي وانفجارها.
وقد تسلمت النيابة تقرير اللجنة التي تم تشكيلها لفحص الكوبري، وجاء فيه أن النيران تسببت في تصدع حوالي 175 متر مربع في جسم الكوبري، وحدوث تلفيات بطول حوالي 100 متر بخط السكة الحديد وتم منع القطارات من المرور عليه.
وكانت منطقة التونسي بالسيدة عائشة قد شهدت كارثة محققة بعد أن اندلع حريق في سوق التونسي "الجمعة" الذي يحتوى على العديد من المحلات والأكشاك الخشبية المخصصة لبيع السلع والمنتجات المختلفة، جراء سقوط سيارة ملاكي يستقلها 3 أشخاص كانت تسير بسرعة جنونية من أعلى كوبري التونسي، وهو ما أدى إلى تحطم سور الكوبري وانقلاب السيارة أسفل الكوبري وانفجارها وتفحم جميع من كانوا بداخلها. وامتدت النيران إلى بعض الأكشاك الخشبية والمحلات المخصصة لبيع الخردة والالوميتال والسيراميك والانتيكات والأجهزة الكهربائية والموبيليا.

ربنا يرحمهم ويصبر اهلهم

**nab!l** · 28-06-2010 10:34 AM

اللهم ارحمهم والهم اهلهم الصبر والسلوان

**m_s_azzam** · 28-06-2010 12:31 PM

التهور وحش وكل واحد ليه معاد هويصل ربنا كاتبهوله

**د.محمود صلاح** · 28-06-2010 07:19 PM

المشكلة في تشريد آلاف الأسر اللي بتسترزق من السوق ده بسبب لحظات استهتار ..

والعبرة أيضا ان مشروع شراء سيارة زيرو وتأجيرها مشروع محفوف بمخاطر شديدة

**night_phoenix** · 30-06-2010 12:36 AM

لله الامر من قبل ومن بعد
الله يرحمهم و يصبر اهلهم

**ahmedfouad** · 30-06-2010 05:22 AM

هو توقيعى من فراغ؟؟

**dolly13** · 30-06-2010 06:16 AM

الله يرحمهم
لكن ياترى مين فى التلاتة اللى كانو شاكين انه بنى ادم
ملاحظة انهم ماجابوش سيرة

**night_phoenix** · 01-07-2010 04:56 PM

المشاركة الأصلية كتبت بواسطة dolly13

الله يرحمهم
لكن ياترى مين فى التلاتة اللى كانو شاكين انه بنى ادم
ملاحظة انهم ماجابوش سيرة

سوري مش فاهم قصدك؟

**yasserelsayad** · 01-07-2010 05:06 PM

المشاركة الأصلية كتبت بواسطة dolly13

الله يرحمهم
لكن ياترى مين فى التلاتة اللى كانو شاكين انه بنى ادم
ملاحظة انهم ماجابوش سيرة

على فكرة موضوع ان الجثة التالتة انهم كانوا شاكين انه مش ادمى عشان كانت متفحمة ومتقطعة ومبعثرة فى كذا مكان عشان كدا مكنوش عرفين دى جثة ايه .. بس كدا خلاص هما قالوا اسامى الثلاث اشخاص لكن عشان يحددوا الجثة لمين بالظبط فيهم فا اعتقد الموضوع صعب عشان تفحم الجثث مع عدم وجود اى ملامح ليهم.