-
مفتاح التكييف
السلام عليكم
الحمد لله جبت عربية لانسر بس لقيت مفتاح التكييف اللى بتحركة للسخن والبارد على حسب العلامة الزرقاء والحمراء بيجى يلف لغاية الاخر ويرد لوحدة تانى كانة سوستة المفتاح بكرة واللف دة فى اليمين والشمال "بارد وسخن" مش عارف دة محتاج تنظيف وازاى ولا عاوز يتغير
ياريت حد يفيدنى وشكرا
-
اية ياجماعة مفيش حد يفيدنى
هو مفتاح الثرمستات بتاع السخن والبارد
-
بص ياسيدى المشكلة دى سهلة بس محتاجة واحد قلبة جامد
لا نك المفتاح دة متصل ببوابة بتكون موجودة جنب الثلاجة تحت التابلوة فانت لازم تطلع الثلاجة وتفك البوابة وتنظفها وانشاء الله المشكلة هتتحل
-
السلام عليكم
شكرا اخى الكريم على ردك بس فى حاجة المفتاح دة بكرة وتقريبا هو الثرموستات مش عارف يارت تدلنى وشكرا ليك
-
محدش عارف يدلنى
انتم فين ياجماعة
-
طيب هو فى طريقة مصورة لفك البوابة
-
مدام معندكش خبرة لازم تروح لفني امين وكويس
علشان ميكبرش الحكاية
-
انا للاسف عندي نفس المشكلة . لو ممكن تفيدني وتقوللي عملت ايه في الموضوع ده
وشكرا مقدما
-
صباح الخير يا جماعة حكاية انى بكرة البارد والسخن فى اللانسر بترد لما تجيبها على الاخر دم عيب الوير اللى موصل من البكره الى باب الثلاجة اللى تحت التابلوه لانه بيقى حصل فى الوير كسر بيخليه ميشتغلش بطبيعته لكن الموضوع سهل ومفيهوش اى اشتغاله بتروح لبيتاع التكييف تقوله عاوز اغير الوير بتاع التكييف واوعى يقولك فيريون او تنظيف ثلاجة علشان ميكبرش الموضوع هو وير وبس لانى عربيتى اللانسر عملت كده معايا ولما فكيتها بايدى وجدت الوير مقطوم او فيه كسره من ورا البكره فقط لا غير
-
انا فعلا يا جماعة جبت الوير الجديد من توكيل لانسر بتاع شارع عبدالخالق ثروت وسط البلد بـ 45 جنيه بالضريبة وركبته فعلا لكن فوجئت ان المشكلة الاساسية كانت فى البوابة بتاعة السخن والبارد وهى اللى فيها التقل وده اللى خلى الوير القديم اتكسر وكان هيكسر الجديد وحاولت انظف البوابة لكن معرفتش وعاوز حد يدلنى على طريقة تنظيفها لانها هى المشكلة الاساسية لبوظان الوير
Content Relevant URLs by
vBSEO 3.6.0 PL2