معلومات عن الفابيا 2001

**mouraddesk** · 28-06-2010 11:03 AM

يا رجاله اسكودا انا اشتريت فابيا 2001 موتور 1400 بس اللى انا واخدها منه كان مبهدلها قوى هى اساسيتها كويسه بس فى شويه شغل فى الموتور لان صوته عالى شويه و عايز صيانة و سحبها ضعيف لان فلتر البنزين اللى فيها مش بتاعها و كنت عاوز اعرف اعمل صيانه فين و الاسعار ايه بالنسبة لقطع الغيار فلتر بنزين و خلافه على العلم انى اسكن فى الهرم ياريت حد يكون قريب و يا ريت كمان شويه نصايح علشان احس بطعم العربية دى كويس

**cOrn** · 29-06-2010 04:40 AM

انا ناوى اجيب العربية دية ممكن تدينى معلومات عنها و عن الاوبشن اللى فيها؟ و ياريت لو فيها اى عيوب تقول بردو

**ahmedyehia515** · 10-09-2010 02:10 AM

العربية معايا بقالها 5 سنين و شغالة زى الفل ، عاملة 307 ألف كم و محتاجة بس الصيانة الدورية و بجد حمالة و يعتمد عليها. مشكلتها الرئيسية الكهربا عشان فيها حساسات كتيرة بس الحساسات مش بتبوظ هيا الفيوزات اللى بتبوظ. يعنى انا كل كام اسبوع كده أروح للكهربائى يبص على علبة الفيوزات و يغير اللى بايظ ، إنما ميكانيكياً العربية زى الفل

اسعار قطع الغيار :

طنابير أمامية ( الأتنين ) 300 جنيه
بوجيهات 65 جنيه
تيل فرامل امامى أصلى 350 جنيه
جلب مقصات أمامية ( الأتنين ) 120 جنيه
فلتر بنزين 80 جنيه
بيض مقصات ( الاتنين) 200 جنبه
تيل خلفى 165 جنيه
طنابير خلفية 300 جنيه ( فى نوع ب 325 و نوع تانى ب 280 )
ديسك و اسطوانة دبرياج 700 جنيه
اكصدام خلفى 800جنيه
رادياتير 700 جنيه
مراية جانبية شمال 400 جنيه

طبعاً الأسعار أغلى من عربيات تانية بس مثلاً الطنابير اتغيرت مره واحدة بس، التيل على حسب الاستخدام بس معمر ، جلب المقصات بغيرها مره كل سنتين ، التيل و الطنابير الخلفية غيرتهم مره و الدبرياج مره واحدة. الرادياتير مره واحدة بس عشان كنت بحط ميه من الحنفية و اتاكل بسبب الموضوع ده.

العربية ده فعلاً كويسة بس التوكيل بتاعها مش أحسن توكيل فى الدنيا فلازم تكون بتعرف تتعامل مع الناس ده و تعرف صنايعيىة بره التوكيل