لانسر Ex جديدة مع حساسات خلفية اصلية (محتاج رأيكم)
في خلال رحلة البحث و التمحيص عن الانسر الـ EX اللي يوم عن يوم بتقنعني بالعربية و بتصبرني لحد ما يتم المراد :D و كذلك باتأكد من الأسعار و المواصفات من خلالها .
المهم في معرض كبير و له سمعة طيبة و أنا باسأله عن المواصفات و لما تتطرقنا لموضوع الحساسات الخلفية parking sensors قاللي انا ممكن اجيبلك حساساتها الأصلية و أرشهملك الأبيض بتاعها و أركبهملك على العربية و بالسماعة الصغيرة اللي ورا ودن السواق و تيجي تستلم العربية كاملة بالسنسور
و ده يزود تمن العربية 1200 جنيه .
-----------------------------------------------------------------------
بصراحة الكلام عجبني ولكن :
1- هل فيه للعربية باركينج سنسور اوريجينال ؟؟
2- هل في منها بينزل بباركينج سنسور ؟؟
أضمن منين ان اللي هايركبه ده هو الأصلي و مش الايجل أبو 190 جنيه اللي مرمي عندي في الشنطة ؟؟؟ و ازاي اتأكد انه الأصلي؟؟
ولو فرضنا انه الأصلى , اعتقد السعر كده يكون مناسب وللا ايه ؟؟
عموما أنا دورت على النت في التوبك ده و كل ما حصلت عليه اني لاقيت واحدة بتتباع في سنغافورة أعتقد . كانت 1.5 2008 و فيها سنسور وفرش جلد و زجاج حراري
--------------------------------------------------------------------
طبعا انا لازم افكر معاكو
ماهي هاتبقى عربيتكو برضه :)
