السلام عليكم ورحمه الله وبركاته
عندي ساعات الصبح وانا بدور العربيه بلاقي دخنه بيضه لمده ثانيتين وبتختفي, هل دي من الرشاشات؟؟
انا مغير الرشاشات bmw, واستهلاك البنزين كويس جدا ومفيش تاخير في الدواره
عرض للطباعة
السلام عليكم ورحمه الله وبركاته
عندي ساعات الصبح وانا بدور العربيه بلاقي دخنه بيضه لمده ثانيتين وبتختفي, هل دي من الرشاشات؟؟
انا مغير الرشاشات bmw, واستهلاك البنزين كويس جدا ومفيش تاخير في الدواره
غالبا البوجيهات تعبانه
غيرها بـ ngk واظبط الثغره على 0.7 مللي
مع احترامى لكل الاراء .. ده كاوتش صباب
لما كاوتش الصباب بينشف بينكمش بعد الموتور مايبرد و البلوك يفضى من الزيت .. لانك لما بتبطل العربية الزيت بينزل للكرتير
و بعد ركنة العربية طول الليل لساعات طويلة كاوتش الصبابات بيكون انكمش و بيعمل تفويت
لما بتدور العربية الصبح الزيت بيمشى فى الموتور تانى فاكاوتش بيطرى و ينفش و يملأ مكانه و تسريب الزيت بيقطع
علشان كده الدخنى بتشوفها ثوانى و تختفى باقى اليوم
هو ممكن تغيره و ممكن تستنى شوية .. مالوش ضرر فى اوله .. العيب انه بيزهقك لما بتدور الصبح و تشوف الدخان طالع منها .. يعنى عامل نفسى
السلام عليكم ورحمة الله وبركاته
أنا عندي نفس الحكاية الصبح دخان أبيض كتير كأنه مكتوم وانفتح فجأة ثم لا شئ
الميكانيكي قالي كلام قريب من هذا
وسايبها من ساعتها
لكن ممكن استأذنك في موضوع الرشاشات ده
ايه اخبارها واستهلاكها وتكلفتها ومن اين
لحسن انا متروق في البنزين (140-150 في 20 لتر)
ولما كشفت كومبيوتر قالوا لي زمن الرش عالي 2وكسر والطبيعي يكون 1وكسر وسألتهم طيب ده عيب رشاشات قالوا لا لكن انا عندي تأخير في الدوارة ملحوظ وحاسس انه بيزيد كل فترة
وجزاكم الله خيرا
متابع بإهتمام كبير هل تغيير كاوتش الصبابات شغلانة كبيرة وبيتعمل مع فك وش السلندر ولا كفاية غطاء التاكيهات وهكذا
شوف ياسيدي
الميكانيكى حايحل وش السيلندر
تروح للخراط ينظفه لك و يفور الصبابات و يعمل روديه
تقفل الصبابات بالكاوتش الجديد و تقفل وش السيلندر
التكلفة فى المتوسط
100 جنيه ميكانيكى
60 جنيه تقريبا كاوتش الصباب
تمن جوان وش السليندر
تمن جوان غطاء تكهات
حوالى 100 او 150 جنيه خراط لو العربية 8 صبابات 8valaves
الوقت ممكن لو ابتديت بدرى .. تخلص على اخر النهار .. يعنى يوم واحد
بس نصيحة روح لخراط معروف علشان مايبوظلكش وش اليليندر
تانى حاجة اوعى الميكانيكى يفك وش السيليندر و العربية سخنة لازم تكون باردة كأنك لسه حاتدورها الصبح
لان لو وش السيلندر اتفك و العربية سخنة حايقفع و حايبوظ
شكرا لللإفادة :)
جزاك الله خيرا
جلد الصباااب نشف