بعد السلام عليكم ورحمه الله وبركاته
أخي الكريم ممكن حضرتك تجرب كل الأشياء التي ذكرها الإخوة بالترتيب كالأتي وأرجو أن تعلمنا بالنتيجة في النهاية
1- التيل : تجرب الفرملة في أول مشي العربية (وملاحظة الصوت) ، وبعدين تسخن الفرامل في مشوار صغير وتدوس كام مرة فرامل (وتلاحظ الصوت) إذا إختفي التصفير ولكن أداء الفرامل جيد فهذا هو عيب تيل (وما يعتبرش عيب قوي لأن معظم التيل إلي في السوق كده لازم تسخنه شوية علشان تحصل منه علي أعلي أداء) ، وإفحص أيضاً إمكانيه تشبع التيل بالمياه إذا كنت غسلت العربية أيضاً .
2- السبب كده أنا هاخدوا من الأخ زاهر زي ما هو علشان أنا معرفش أعمله وتقريباً أنا شوفت أحد الأعضاء كان مصوره في موضوع سابق :
وهوه سوسته التيل اللى بتبقى راكبه بين الخزنه و التيل و الحل بتاعها يا اما تتغير بسوسته جديده يا اما تعمل زي ما عملت هاتزنق تحت السوسته حته صاج رفيعه على اد المكان بتاعها بالظبط تقصها بالمقص و تحطها تحت السوسته و تقفل و ان شاء الله تظبط معاك .
3- السبب الأخير هو الطنابير والتي للأسف معيوبه في 75% من الانوس 2010 وإلي جوه الضمان يا إخوانا يروح يعمل مجنون في التوكيل ويغيرهم ويغير التيل معاهم (علشان التيل الأمامي بيكون إتأثر طبعاً-أنا عملت كده ولكن علشان ما إتكلمتش علي التيل فغيروا الطنابير دون التيل-) وهاتختبر الصوت بتاعها أو هاتحسها إزاي ؟
تنزل علي منزل زي بتاع المقطم (طريق مستقيم) ومور العربية وحاول تدوس فرامل لو حسيت بدواسة الفرامل بتترجرج تحت رجلك فده عالي وواطي فيها ولازم تعمل زي ما السيد محمد الشامي قالك وتغيرهم وبلاش موضوع المخرطه ده .
إحترامات