الضريبة 1000 جنيه سنويا
الضريبة 1000 جنيه سنويا
ربنا يحسن بيعها
والله انا ليا زميل عايز عربية للسفر و انا لسه شايف الموضوع
العربية بسم الله ما اشء الله
و الضريبه كلام اهبل مش حوار يعنى
و ان شاء الله يا دكتور لو فيه نصيب هاحاول اعمل كونتاكت مع حضرتك فى القريب العاجل
بالتوفيق في البيع ان شاء الله
هو حضرتك تاجر ؟؟؟؟
انا بشوفك كل كام يوم بتبيع عربيه في المنتدي لدواعي السفر
ولا حضرتك بتسافر وترجع بسرعه ؟؟؟
ليه يا احمد
انا بسئله اصلي فعلا دايما بشوفله اعلانات بيبيع فيها عربيات لدواعي السفر
فقولت يمكن عربيه حد من قرايبه مسافر وهو بيبعهاله عادي يعني
انا في العيله اي موبايل يبوظ بيكلموني
يمكن هو اي حد عاوز يبيع عربيته بيكلمه
------------------------------
كمان يعني ايه اسمع كلام ملهوش لزمه؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟
هو انا غلطت في حد علشان حد يسمعني كلام ملهوش لزمه
مش عارف يا شنوري
بس هو بيقول ان كل العربيات بتاعته
فتقريبا هو بيسافر كل مرة
يا إما بيسافر و بيبقى عارف انه هيرجع بسرعة ...... بس ليه يبيع في الحالة دي؟
يا إما بيسافر و ما بيحصلش نصيب يكمل .... بس الغريبة ان ده ممكن يحصل مرة ..... مش خمسة !!!!!!!!
---------------------------------------
و هي مش محتاجة انك تغلط .... راجع اي مشاركة في تعليقات على مواضيع البيع و الشراء بتاعته هتلاقي الناس بتسمع كلام مالوش لزمة لمجرد دخول الموضوع
يمكن شغال في البحر وبيسافر كتير يا كمال
او شغله شهر هنا وشهر بره مصر انا ليا واحد صاحبي مهندس بترول بيقعد شهر في الامارات وشهر في مصر
بس مش بيكلم حد بطريقه وحشه
ربنا يرزقنا ويوطي نفوسنا
سوري يا جماعه اني دخلت الموضوع
الي مكنتش قريت الردود
بس عموما ممنوع عمل اعلانات بدون اذن من اداره المنتدي والتجار بيوقفوهم موقفوش ده ليه ؟؟
و الأهم من كده أكيد صاحبك مش كل شهر بيشتري عربية و يبيعها و هو مسافر !!!
و الآظرف انها "استعمال طبيب"
تقريبا الأطباء بس هما اللي بيفهموا في العربيات و بيعرفوا يسوقوها و يصونوها
انما المهندسين او المحاسبين او اي مهنة تانية بتطلع العربية من تحت ايديهم مشنة !!!!!!
كان فيه نكتة زمان ان واحد عصبي أوي فتح مطعم
و كتب في اليافطة بتاعة حفل الافتتاح
"اللي بيقرف من أكل برة يروح ياكل خ.... في بيتهم
و اللي مامعاهوش فلوس يروح يولع في روحه في أي داهية
و اللي مش عاجبه الأكل ما عنه ما طفح يغور
و اللي مش جعان يتنيل يقعد في داهية تانية تاخده
و يا انا يا انتوا يا ولود التيت ان ما كنت قافله كمان اسبوع"
الي الاخوة الافاضل:
احمد كمال........ابو صلاح.........SHNORY.........ahmed_nubira
أشكركم جميعا علي مداخلاتكم الراقية التي تدل علي الاصل الطيب و الاخلاق الطيبة
و لن أرد طبعا علي المداخلات المحترمة جدا منكم سوي بكلمات الله عز و جل:
بسم الله الرحمن الرحيم "و اذا خاطبهم الجاهلون قالوا سلاما" صدق الله العلي العظيم
و لكم أقول : سلاما عليكم
و الف شكر مرة أخري علي ذوقكم
و ربنا يهدينا جميعا يا رب
و السلام عليكم
ربنا يوفقك الكل
نعم ؟؟؟؟؟؟؟؟؟؟
دا من ايه بقي ؟؟؟؟
ذوقنا واصلنا يعرفه الكبير قبل الصغير
اصلك انت اللي باين جدا من ردودك وقله ذوقك وعنجهيتك الفارغه
دا مفيش حد قال فيك كلمه عدله
وانت عامل زي اللي بتتعايق بعربيه السفاره
تاجر وداخل تبيع ومتداري وعامل فيها عضو عادي
يبقي تقعد بادبك وسط الناس ومتغلطش في حد
انما التلبيخ واللغه الغير مقبوله منك في الكلام مع ناس مش حقولك احسن منك
لا بس احسن من ناس كتير اوي انت تعرفهم
واظن انك الجاهل الوحيد في الموضوع لانك غلطت في ناس كتير اوي ومحدش غلط فيك
بس ممكن نغلط لو اسلوبك متعدلش
الناس دى محترمة غصب عن أى حد و الأجمل كمان إنهم مش بيردوا بنفسهم لأ الناس داخله ترد وتدافع عنهم
و دا واضح جدا للجميع إنهم محترمين لأنهم شايفين قله الأدب عليهم و برضة مش شاغلين دماغهم
و نصيحه بس يا ريت تحترم نفسك و تخلى كلامك مع الناس بأدب لأن هتلاقى كتير أعلى منك أخلاقيا و ذوقيا و أجتماعيا و علميا عشان بالوضع هتتعب فى حياتك و الدنيا هتديك بالجـــ طبعا أنت عارف بأية لأنك أكيد أخدت بيها
نصيحه لأى تاجر أو عضو أو أى واحد دخل نايل موتورز
الإدارة هنا و المشرفين و الأعضاء كلهم أسرة محترمة لو هتدخل بأحترامك أهلا و سهلا و هتتشال فوق دماغنا و جوة عنينا
لكن لو حد شايف نفسه مش محترم أو شايف نفسه مش هيقدر يتعامل مع ناس محترمة يا ريت منشوفش وشه هنا
يا استاذ يا محترم انا سئلتك سؤال وحضرتك مردتش والسؤال اهو
اصل يعنى مفيش حد داخل يبيع عربيه يكتب الاتى:
الاتصال للجادين فقط فليس لدي وقت لأصحاب أوقات الفراغ !!!!
لا أعتقد أن أموري الشخصية أو اهتماماتي شىء يهم أي أحد و لو كان يهم أحد فهذا تدخل في أموري الشخصية لا أحترمه و لا أقبله !!!!
لو سمحتم و عدم محاولة بدأ أي مناقشات من باب الفراغ !!!!
فشووووووووووووووووووووف بقا مين فينا اللى جاهل ومين ميعرفش يتكلم مع الناس المحترمه كويس....اعذرنى انا مش بشتمك...انا حبيت اوضحلك اسلوبك....
طالاما انت قرفان كده متبيعش العربيه يا اخى....ولا حضرتك عامل مهم ال يعنى العربيه غاليه عندك بقا وكده ولا ايه انا مش فاهمك؟
العضو المحترم صاحب الموضوع
...........حظك
إنك وقعت في إيد الرجالة دوووول
وصدقني
الموضوع (قبل تطوره) كان كالأتي بالظبط
شنوري يتكلم
أبو كمال يرد عليه
نوبيرا يتكلم
وشنوري يرد عليه
أبو كمال يتكلم
أبو صلاح يرد عليه
.
..فاهمني
وهما إسلوبهم كده في الكلام ...يعني إنت ماكانش لازم تتعصب
للدرجة إلي تخليك تغلط فيهم(إيحاءا) بكلمة ...وإذا خاطبهم الجاهلون
كده إنت بتتهمهم بالجهل بشكل مباشر
فياريت من باب اللياقة ..تعتذر للرجالة..وتطلبل لأحمد بيه كمال شندوتشين شاورمة
وتطلب لمحمد بيه شنوري ..فتحة سقف لعربية السمارا
...
كلمة زيادة للأخ صاحب الموضوع
طالما إنك بتتكلم بالطريقة دي عن مجموعة من أعمدة المنتدى ..يبقا إنت مابتدخلش المنتدى خاااالص
وماتعرفش حاجة عنه
وعلى رأي شنوري بيك ..
طالما داخل المنتدى تاكل عيش ...يبقا ياسيدي الفاضل تاكل عيش
وتحترم أصحاب المكان إلي بتاكل فيه عيش
يا جماعة أنا متابع الموضوع من الاول وعايز أقول حاجه..صاحب الموضوع ممكن يكون اسلوبه صعب أو فظ شوية في الكلام ،وكلنا عرفنا كدة من أول كام بوست ليه ،خلاص يبقي مش لزم نسخنه ونشد معه في الكلام ونعمل عليه شله لغاية مايتوقف ..سواء كان تاجر أو مش تاجر .
فيه ناس بتبقي شديدة في التعامل وممكن تعاملها وحواراتها بتيقي صعبه ، مش لازم بقي أنا أول مكتشف الحكاية ديه أقوم دايس عليها زيادة في اللي قدامي علشان أخرجه عن شعوره وأخليه يغلط ..يعني مكنش ليه لازمة نخرجه برة الموضوع ، وإنت تاجر وبتسافر فين ..لانه قال أنا مش عايز اسئلة خارج الموضوع ..ولو انه قالها بطريقة مش كويسة بس لازم احنا نفهم المغزى اللي ورى الكلام .
علي العموم تحياتي للجميع ..داه كان رايئ الخاص الغير موجة لاي عضو بذاته شارك في هذا توبيك
إيه الدوشة اللى هنا دي؟ ده صوتكوا وصل للمنتديات التانية!!
خلاص ياجماعة كبروا بقي عشان الجو حر والراجل عضويته إتوقفت!
كل سنة وانتم طيبين ونشوفكوا فى منتدي الأوبل.
تحياتي.
ولا كأني شايف حاجة
الله يسامحك
المنتدي مانع وجود التجار وبيطردهم
علشام مياكلوش عيش علي قفانا
طابخين ايه في اوبل النهارده؟؟؟؟
انا كنت شامم ريحه ملوخيه طالعه من نيسان وانا جاي
لو انتم عاملين باميه قول وانا راشق
ممكن استلف حته كورسا ادخل بيها من باب المنتدي
الموضوع بصراحة شيق وتابعته من الاول بس انا في حاجة مش فاهمها هو الاخ الدكتور زعلان ليه
حتى لو انت مش تاجر فى حالتك دى تعتبر تاجر لانك بعت اكتر من عربية فى وقت صغير !!! افتكر ان الحل الامثل انك تقول انك تاجر وتتفق مع الادارة .......هما مش بيعضوا التجار ولا حاجة
ولو الاعضاء عرفوا انك تاجر ..هايكثفوا تعاملهم معاك بصفتك معانا فى المنتدى وشغلك هايزدهر اكتر ....
العربية ديه اكيد معيوبة
انا بقالى 3 شهور بشوفها فاعلانات على كونتاكت كارز و مواقع تانية
يعنى اكيد اللى راحو عاينوها لاقوها فيها حاجة غلط والله اعلم
الأخوة الأعضاء,
السلام عليكم جميعا,
أنا مش هعلق على الموضوع عشان مليش علاقة تماما بحد من المشتركين فى المشكلة, رغم انى كنت متابع مواضيع الاخ Mantros, و شايف صحيح انه بيعلى بالأسعار بس مجملا اعتقد العربيات كانت نضيفة و ده مش اسلوب التجار عموما لأن التجار مبيشتروش غير عربيات سهل او مضمون بيعها "مهما كانت الحالة" عشان يبيعها بسرعة و يدور راس المال (لكن استرا انجوى و شيفورليه بليزر و يعد بالعربية 6 شهور عشان يبيعها, متهيألى صعب يكون تاجر), خصوصا ان الراجل عضو قديم معانا.
المهم هو الراجل غلطان نسبيا لتشدده فى الرد, و لكن الأخوة الأخرين منهم من استفزوا كثيييرا, و أعتقد زيوا كتير كانو طبيعى هيقعوا فى الغلط بردو (رغم انو مذكرش غير اية قرأنية و محددش أسماء حد و أعتقد ده ممكن يجى تحت بند حرية التعبير الى حدا ما), لكن أعتقد من العدل الأتى:
- عدم الحديث فى الموضوع أو التريقة عليه بأى شكل من الاشكال فى غيابه, الراجل موقوف و ميصحش نتكلم عن حد فى غيابه خصوصا مع عدم تمكنه من الرد, فيأما الأخوة تحترم غيابه يأما أعتقد من الممكن ان ادارة المنتدى توقف عمليات الرد يا نهائيا ياما بعد نهاية فترة الوقف الممنوحة للاخ Mantros.
و شكرا
انا قرأت الموضوع والتعليقات كلها وليا تعقيب:
76 مشاركه من اصل 77 مشاركه هم اجمالى المشاركات فى موضوع بيع سياره ليس لمشاركه واحده فيهم اى فائده فى البيع والشراء بل بالعكس كلهم تهكم على صاحب الموضوع بالاضافه للتعليقات الجانبيه...
لا تعليق
حتى اذا كان صاحب الموضوع مخطئ-من وجهه نظر البعض-ولكن اكيد محدش هيكره الخير لصاحب الموضوع او لأى حد لذلك ياريت الاداره تفصل المشاركات اللى مش بتضيف حاجه للموضوع وتجمعها فى موضوع لوحده زى ماحصل فى موضيع كتير قبل كدا
تحياتى جميعا
لقد تابعت الموضوع منذ البداية دون تعليق و لكن............
بصراحة الغريب موقف الادارة من وقف عضو قديم و رجل له مشاركات عديدة فعالة في ابواب كثيرة و لا تحاسب كل من تهكم عليه و سخر منه !!!!!
و نرجو ايضا معرفة سبب وقف العضو mantoros و هل سمح له بفرصة لمناقشة القرار ؟؟!! خاصة و كما قال الاخوة الافاضل انه واضح انه ليس تاجر و هو طبيب وقال انه ليس تاجر و هو ايضا عضو قديم!! و هل يوجد تاجر يبيع سيارة كل 6 شهور كما ذكر الاخ الفاضل TOOLA ؟؟!!!
أرجو توضيح من الادارة حيث ان موقفها يمس كل عضو فينا و يعكس أمور كثيرة تحتاج الي ايضاح.........أرجو عدم وقفي انا الاخر لتدخلي !!!
هذا رأيي الشخصي و أرجو احترام حرية الرأي.....و تحياتي للجميع
و شكرا و السلام عليكم