الظابط اخد عربية والدي وسجن السواق وانا عايز اشتكيه

البارح السواق اللي سايق عربية والدي النص نقل كان ماشي علي كوبري كفر الدوار والمرايا بتاعة العربيه خبطت مراية عربيه ملاكي مش عارف ازاي بس المهم مفيش اي حاجه حصلت

السواق من طيبته نزل يتاسف قام الظابط (مباحث مش مروور وشغال في الأمن العام) واخد رخصه ورايح بيه القسم وسايب السواق في الحبس من البارح والعربية دخلت الحضانه والمفروض طبعا يطلع عين اهالينا عشان نطلعها

اولا انا مخنوق جدا لما عرفت - الفلوس في ستين داهيه بس الموقف نفسه حارق دمي

انا عايز اشتكي البني ادم المتخلف ده وعايز اعرف ازاي وهل اللي عمله ده قانوني ولا لآ لما اشتكيه اقول ايه

اشتكيه في اداره التفتيش في وزاره الداخليه

في لواء في الدراسة اسمو محسن حاجة ده اللي ماسك الحاجات اللي هناك دي و اللي اسمعو عنو انو راجل محترم جدا

لا تعليق

(10 احرف اهو)

افتكرت اسمو اللواء محسن عبد الستار

ربنا يقويك عليهم

لو تقدر تعمل أي حاجة ولو حتى تلغراف شكوى لوزارة الداخلية اعملها

ربنا يقويك عليهم

و يقولوا بلاش تسيبوها

ياخي بلا قرف

اللي ييجي له فرصه يطير و يفضل قاعد يستاهل اللي يجراله

اقتباس:

---

المشاركة الأصلية كتبت بواسطة أحمد كمال

و يقولوا بلاش تسيبوها

ياخي بلا قرف

اللي ييجي له فرصه يطير و يفضل قاعد يستاهل اللي يجراله

---

باشا....

كفاية احسن يتقال لك صدعتنا ولا حاجة :majd(4):

شكوى لمكتب الوزير
شكوى لادارة التفتيش بالوزارة
واعتقد ان فيه ادارة تفتيش تابعة للمديرية نفسها

شكوى فى النيابة ومكتب النائب العام - ممكن تلغراف له - بحبس السائق بالقسم بدون سبب

اهاااااااااااااااااا وقعت مع ايد الناس الجميلة المحترمة اللى بيعرفوا الحق

يااااااااااااااااه ناس جميلة اوى البظاط دول بجد ناس تتحط على الجرح يشفى على طول بلسم يا جماعة

ربنا يقويك ياباشا معاهم

بعد ذل طول النهار البارح انا ووالدي واخو السواق وازوج اختي اقولكم الحكايه

علي كوبري كفر الدوار اللي بقاله اكتر من 30 سنه وبجد لسه مخلصش كان الطريق واقف كالعاده

المرايا بتاعة عربيتنا خبطت في مراية البوكس اللي فيه الظابط الحيوان وكل اللي حصل ان المرايا اتقفلت

وبما ان الطريق واقف قام الظابط واللي معاه نازلين واخدين الرخص وقالولو تعالي ورانا

السواق من طيبته راح وراهم لحد القسم بالعربيه وطبعا خدوها منه والمفاتيح وحطوه في الحجز لحد تاني يوم

المصيبه بقي لقينا الظابط عامل محضر فيه البنود دي:
1- حزام وعلي كلام السواق كان شده
2- سواقه بسرعه جنونيه - مش هعلق
3- تحميل ركاب في الصندوق - وطبعا مكنش في حد

الحمد لله طلعنا السواق والبارح طلعنا العربيه من غير الرخص بعد الأتي

دفعت 500 جنيه في دمنهور في المحافظه وقال ايه تبرع للمحافظه والنظافه -
الحزام والركاب في الصندوق كانو عاملين 800 جنيه غرامه نزلناهم 185 جنيه
غير الرش الكتير في المرور وانتو سيد العارفين وبعد كل ده الظابط اللي هناك قال لازم العربيه ترخض من اول وجديد

والدي راح النهارده عشان يرخص العربيه من اول وجديد ويارب ياخد رخصه جديده فيها التاريخ من النهارده مش الرخصه القديمه اللي هتنتهي كمان 4 شهور

انا بجد اول مره احس بالظلم والقهر ده يعني عشان الظابط كتب البنود دي يبقي كلامه مصدق؟؟

كنت عايز اشتكيه البارح والكل قاللي العربيه لسه معاهم وممكن يدسو حاجه فيها ويبلسوك تهمه

ان شاء الله بعد مانستلم كل حاجه لازم اعمل حاجه في الحيوان ده

بالله عليكم بقي تقولولي بالتفصيل الممل اعمل ايه وابعت لمين ومن غير مااضر نفسي

دمى اتحرق و فار اول ما قريت مشكلتك
عموما حسبى الل ونعم الوكيل فى كل ........* فاكر نفسه باشا و ماشى يبلطج على الناس

اقتباس:

---

المشاركة الأصلية كتبت بواسطة shaddadfalcon1

بعد ذل طول النهار البارح انا ووالدي واخو السواق وازوج اختي اقولكم الحكايه

علي كوبري كفر الدوار اللي بقاله اكتر من 30 سنه وبجد لسه مخلصش كان الطريق واقف كالعاده

المرايا بتاعة عربيتنا خبطت في مراية البوكس اللي فيه الظابط الحيوان وكل اللي حصل ان المرايا اتقفلت

وبما ان الطريق واقف قام الظابط واللي معاه نازلين واخدين الرخص وقالولو تعالي ورانا

السواق من طيبته راح وراهم لحد القسم بالعربيه وطبعا خدوها منه والمفاتيح وحطوه في الحجز لحد تاني يوم

المصيبه بقي لقينا الظابط عامل محضر فيه البنود دي:
1- حزام وعلي كلام السواق كان شده
2- سواقه بسرعه جنونيه - مش هعلق
3- تحميل ركاب في الصندوق - وطبعا مكنش في حد

الحمد لله طلعنا السواق والبارح طلعنا العربيه من غير الرخص بعد الأتي

دفعت 500 جنيه في دمنهور في المحافظه وقال ايه تبرع للمحافظه والنظافه -
الحزام والركاب في الصندوق كانو عاملين 800 جنيه غرامه نزلناهم 185 جنيه
غير الرش الكتير في المرور وانتو سيد العارفين وبعد كل ده الظابط اللي هناك قال لازم العربيه ترخض من اول وجديد

والدي راح النهارده عشان يرخص العربيه من اول وجديد ويارب ياخد رخصه جديده فيها التاريخ من النهارده مش الرخصه القديمه اللي هتنتهي كمان 4 شهور

انا بجد اول مره احس بالظلم والقهر ده يعني عشان الظابط كتب البنود دي يبقي كلامه مصدق؟؟

كنت عايز اشتكيه البارح والكل قاللي العربيه لسه معاهم وممكن يدسو حاجه فيها ويبلسوك تهمه

ان شاء الله بعد مانستلم كل حاجه لازم اعمل حاجه في الحيوان ده

بالله عليكم بقي تقولولي بالتفصيل الممل اعمل ايه وابعت لمين ومن غير مااضر نفسي

---

طب احمد ربنا على كده والله كنت خايف عليك لا تحشر حاجه في زورك ولا حاجه علشان ترمي بلاك عليهم

ربنا يخلصنا منهم

ايه القرف ده3 بنود يودوا فى داهيه لا وايه الافندى مظبط البنود بالمسطره

اقتباس:

---

المشاركة الأصلية كتبت بواسطة adel_2346

ايه القرف ده3 بنود يودوا فى داهيه لا وايه الافندى مظبط البنود بالمسطره

---

الاتنين الأوليين ساهليين - المصيبه في التالت اللي لازم نرخص عشانه

لسه مكلم والدي وكان بيطلع شهادة مخالفات

بيقولي قالوله هيعملو معاه واجب ويطلعو الرخصه سنه - كان ناقص يطلعوها شهرين وهو دافع سنه كامله

حسبى الله ونعم الوكيل فى كل ظالم دلوقتى أستنا ذى ما أنت قلت لغاية ما تستلم كل حاجة علشان فعلا ما يحصلش ضرر فى العربية أو أى مصيبة تانية وبعدان أعمل ذى ما الآخوة هنا قالولك بالضبط . والله المستعان

لكن فى حاجة مهمة هنا يا ريت الآخوة الآعضاء يفيدونا فيها بخبرتهم فى المواقف اللى ذى دية أية اللى المفروض على السائق أنة يعملة معاهم قبل ما يروح معاهم على القسم وطبعا هو المفروض يرفض يروح معاهم لكن أية تانى كان من المفروض يتم علشان ما يحصلش كل دة تانى
والله المستعان

اقتباس:

---

المشاركة الأصلية كتبت بواسطة abdm

حسبى الله ونعم الوكيل فى كل ظالم دلوقتى أستنا ذى ما أنت قلت لغاية ما تستلم كل حاجة علشان فعلا ما يحصلش ضرر فى العربية أو أى مصيبة تانية وبعدان أعمل ذى ما الآخوة هنا قالولك بالضبط . والله المستعان

لكن فى حاجة مهمة هنا يا ريت الآخوة الآعضاء يفيدونا فيها بخبرتهم فى المواقف اللى ذى دية أية اللى المفروض على السائق أنة يعملة معاهم قبل ما يروح معاهم على القسم وطبعا هو المفروض يرفض يروح معاهم لكن أية تانى كان من المفروض يتم علشان ما يحصلش كل دة تانى
والله المستعان

---

الموقف ده حصل مع جوز اختي والظابط فضل يقوله هات العربيه بس طبعا زوج اختي كان رايحله بطوله والظابط كان واخد الرخصتين
اخر النهار جوز اختي كان معاه الرخصتين من غير مايدفع مليم

المشكله كلها ان السواق طيب قوي وسمع الكلام وراح برجله يعني لو مراحش كنا كلمنا اي حد جابلنا الرخص بس نقول ايه بقي - الحمد لله

اقتباس:

---

المشاركة الأصلية كتبت بواسطة shaddadfalcon1

الموقف ده حصل مع جوز اختي والظابط فضل يقوله هات العربيه بس طبعا زوج اختي كان رايحله بطوله والظابط كان واخد الرخصتين
اخر النهار جوز اختي كان معاه الرخصتين من غير مايدفع مليم

المشكله كلها ان السواق طيب قوي وسمع الكلام وراح برجله يعني لو مراحش كنا كلمنا اي حد جابلنا الرخص بس نقول ايه بقي - الحمد لله

---

طيب وهل يجوز عامة ان ظابط شرطة عادى مش مرور يشوف رخص ولا يسحب عربية؟

اقتباس:

---

المشاركة الأصلية كتبت بواسطة ahmed4000

طيب وهل يجوز عامة ان ظابط شرطة عادى مش مرور يشوف رخص ولا يسحب عربية؟

---

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟

اقتباس:

---

المشاركة الأصلية كتبت بواسطة ahmed4000

طيب وهل يجوز عامة ان ظابط شرطة عادى مش مرور يشوف رخص ولا يسحب عربية؟

---

وياخده ويسجنه ويعتقله كمان

انت ناسي انك عندك قانون طواريء ولا ايه

اقتباس:

---

المشاركة الأصلية كتبت بواسطة shaddadfalcon1

وياخده ويسجنه ويعتقله كمان

انت ناسي انك عندك قانون طواريء ولا ايه

---

و من غير قانون الطوارئ الظابط معاة ضبطيه قضائية طبقا للقانون
يعني لو ظابط في المرور شاف واحد معاة مخدرات من حقة يقبض علية؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة shaddadfalcon1

وياخده ويسجنه ويعتقله كمان

انت ناسي انك عندك قانون طواريء ولا ايه

---

اقتباس:

---

المشاركة الأصلية كتبت بواسطة elsherif_2000

و من غير قانون الطوارئ الظابط معاة ضبطيه قضائية طبقا للقانون
يعني لو ظابط في المرور شاف واحد معاة مخدرات من حقة يقبض علية؟؟؟؟؟؟؟؟؟؟؟؟؟

---

ايوه طبعا من حقه يعمل كل ده

لكن انا قصدى مش من حقه قانونا يعملى مخالفة مرور ولا حتى انه يطلب يشوف رخصتى ولا يتكلم على حزام ولا موبيل...الخ

اقتباس:

---

المشاركة الأصلية كتبت بواسطة ahmed4000

ايوه طبعا من حقه يعمل كل ده

لكن انا قصدى مش من حقه قانونا يعملى مخالفة مرور ولا حتى انه يطلب يشوف رخصتى ولا يتكلم على حزام ولا موبيل...الخ

---

يعني ياباشا اللي خلاه يعمل كل ده هتيجي علي مخالفة مرور

ده انا رايح اتحايل علي الرائد بتاع المرور اقوله ياباشا احنا كل ذنبنا ان مرايه العربيه جت في مرايه البوكس وده عربيه نص نقل مش اجره قام قايللي مليش دعوه طالما الظابط كاتب ركاب في الصندوق يبقي لازم تجدد ترخيص

ربنا يقويك

اولا السواق غلطان انو ادالو الرخص لان هو مش مرور

ثانيا انت عند ك نمر ورا وقدام واللي عندك اعملو

ثالثا دول شوية.... ماينفعش معاهم غير الصوت العالي

رابعا : بعد ماتخلص حاجتك لاااااااااااااااازم تعمل شكوي وتاخد رقم الشكوي وتتابعها

خامسا اوعي تسيب حقك في البلد دي علشان اللي بيسيب حقو بيتاكل

و الله لاحرق الباسبور في ميدان عام و اعمل عليه بيبي عشان اطفيه بس اخد جنسية تانية بس !!!!!

المشلكة ان اكيد ظابط زي ده مش هينفع معاه شكوة لان هو شكله شمال اساسا والنوع ده بيعرف يسلك نفسه زي بالظبط الحادثة بتاعة خالد سعيد الله يرحمه البلد كلها وقفت واشتكت ومفيش حد عمل حاجة لان ببساطة انت بتشتكي الحكومة للحكومة بمناسبة الموضوه ده كنت عايز اعرف تفسير الحديث ده (الشكوة لغير الله مذلة ) وهل ده ينطبق علي الحالة دي ولا ليه تفسير تاني
وعموما ربنا معاك الاحساس بالظلم افظع ما يكون !

اقتباس:

---

المشاركة الأصلية كتبت بواسطة brown-eyes

المشلكة ان اكيد ظابط زي ده مش هينفع معاه شكوة لان هو شكله شمال اساسا والنوع ده بيعرف يسلك نفسه زي بالظبط الحادثة بتاعة خالد سعيد الله يرحمه البلد كلها وقفت واشتكت ومفيش حد عمل حاجة لان ببساطة انت بتشتكي الحكومة للحكومة بمناسبة الموضوه ده كنت عايز اعرف تفسير الحديث ده (الشكوة لغير الله مذلة ) وهل ده ينطبق علي الحالة دي ولا ليه تفسير تاني
وعموما ربنا معاك الاحساس بالظلم افظع ما يكون !

---

الشكوى لغير الله مذلة ده مش حديث !

اقتباس:

---

المشاركة الأصلية كتبت بواسطة mrwho1982

رابعا : بعد ماتخلص حاجتك لاااااااااااااااازم تعمل شكوي وتاخد رقم الشكوي وتتابعها

خامسا اوعي تسيب حقك في البلد دي علشان اللي بيسيب حقو بيتاكل

---

ممكن حضرتك تاخد حقك من اى حد فى مصر بااستثناء
اعضاء الحزب الوطنى وقرايبهم
والظباط والقضاة ومسجلين الخطر
للاسف مش هياخد حقة غير يوم القيامة

اقتباس:

---

المشاركة الأصلية كتبت بواسطة أحمد كمال

الشكوى لغير الله مذلة ده مش حديث !

---

امال ده ايه ؟؟؟
انا سمعت الجملة دي كتير بس مش عارف هي ايه ولا عارف افسرها

فعلا شكلها كده مش هعمل حاجه لان الموال ده عايز حد كبير وانا الحمد لله مفيش ولا واحد في العيله يقدر يعمل حاجه

الموضوع ده حصل مع واحد صاحبي خاله لواء وواصل قوي - جاب الظابط وبهدله من غير حتي مايعرف اسم الظابط

اقتباس:

---

المشاركة الأصلية كتبت بواسطة mrwho1982

اولا السواق غلطان انو ادالو الرخص لان هو مش مرور

ثانيا انت عند ك نمر ورا وقدام واللي عندك اعملو

ثالثا دول شوية.... ماينفعش معاهم غير الصوت العالي

رابعا : بعد ماتخلص حاجتك لاااااااااااااااازم تعمل شكوي وتاخد رقم الشكوي وتتابعها

خامسا اوعي تسيب حقك في البلد دي علشان اللي بيسيب حقو بيتاكل

---

تصدق انا كنت داخل اقول نفس الكلام ,, وفعلا يا جماعه المنتدى ده بيعلمنا مواقف كتير مهمه زي دي يعني بجد لا قدر الله لا قدر الله لو حصل الكلام ده انا مش هعطي الرخص لحد طالما انا ما عملت حاجة "" مخالف بيها القانون "" وزي ما انت قولت عند النمر منورة في الاكصدامات يبقى ياخدها دي عالم زبالة , لان لو واحده الي كانت سايقه وشعرها بيرفر على خدودها كان زمانه سايبها بل كان نزل وسعلها السكه بنفسه الحيوان

اقتباس:

---

المشاركة الأصلية كتبت بواسطة kemoelord

تصدق انا كنت داخل اقول نفس الكلام ,, وفعلا يا جماعه المنتدى ده بيعلمنا مواقف كتير مهمه زي دي يعني بجد لا قدر الله لا قدر الله لو حصل الكلام ده انا مش هعطي الرخص لحد طالما انا ما عملت حاجة "" مخالف بيها القانون "" وزي ما انت قولت عند النمر منورة في الاكصدامات يبقى ياخدها دي عالم زبالة , لان لو واحده الي كانت سايقه وشعرها بيرفر على خدودها كان زمانه سايبها بل كان نزل وسعلها السكه بنفسه الحيوان

---

ماهو برضة السواق هيعمل اية

سواق على اد حالة وغلبان لقى ظابط نازل من البوكس وبيقولة رخصك اكيد هيدهالة