افضل نوع تيل فرامل مبيصفرش

**sweetheart_** · 28-06-2010 07:17 PM

و سمحت يا جماعه انا غيرت تيل الفرامل 3 مرات للفيورا وكلهم بيصفروا واخرهم كان المانى وبعدين تريكس المصرى وكل ما اروح لفرامكو اللى فى الملك الصالح واقله بيصفر اخرطلى الطنابير يقولى لا الطنابير مفهاش ريجه رغم انى بحس بايدى تمويجه خفيفه جدا جدا ويقوم فاكك التيل ويصنفر حرافه ويركبه الصوت يروح يوم وبعد ما امشى مسافه وتسخن تصفر وناس كتير قولتلهم اجيب تيل انضف قالولى تريكس دا احسن حاجه انا مش عارف هو بيعمل كدا عشان اروحله كل شويه يصنفر وياخد 10 جنيه ولا ايه فعايز حد يقولى هل ممكن التمويجه الخفيفه اوى دى تعمل صفاره مع العلم ان مفيس رجرجره مع الفرامل واخرطها ولا التيل وحش وياريت النصيحه بنوع تيل نضيف بالاسم ومنين ولو من الطنابير اخرطها فين بالكمبيوتر هى مليانه بتهيالى متخرطش قبل كده ولا انتوا شايفين ايه وعلى فكره انا بعمل كده عشان خطركوا عشان مزعجش حد منكم بصوت الفرامل بتاعتى وهو ماشى جنبىواللى مش هيرد هاجى تحت بيته وافضل افرمل رايح جاى

**kemoelord** · 28-06-2010 09:31 PM

طبعا من المهم الكشف على الطنابير لضمان سلامتها والتاكد من انها سليمه ولا تحتاج للخرط , اما بالنسبة لتيل الفرامل فانا كنت جربت نوع ممتاز جدا واعتقد حتى اغلب الناس تبع الدايو هنا بيستخدموا وهو اسمه
جولد ويعمل حوالي 65 ج كوري رائع جدا

**elewey** · 29-06-2010 02:27 AM

ما دام العربيه مبترجش معاك فى الفرامل يبقى الطنابير سليمة مفهاش حاجة المشكله كدة فى التيل

**darkangel007** · 29-06-2010 03:07 AM

انا كان عندى نفس الموضوع بزبط
لغاية ما زهقت و رميت طوبتة!
و راح لحال سبيلة لوحدة :)

**sweetheart_** · 29-06-2010 09:06 AM

شكرا على الرد يا جماعه طب بالنسبه لجولد دا ينفع للفيورا وهل السوست لو واقع والتيل مش ثابت يكون هو دا السبب وانا مش عارف ليه السوست دى بتقع اصلا انا كل شويه اركبهم ويقعوا والتيل يفصل يخبط وانا بفرمل مش عارف حل المشكله دى ايه انا حاولت اركب سوستيتين فى كل تيل بس لاقيته هيبها مزنوق اوى فبركب واحده بس مش عارف لو زنقته بالعافيه وركبت الاتنين التيل مش هيقفش على الطنابير لما افرمل ؟؟؟؟؟؟؟؟؟؟
معلش انا طولت عليكوا

**mikalos** · 24-05-2013 02:12 PM

بص بقى ياسيدى
الفرامل دى مشكله مع كل الناس و حكاية الصوت دى كانت عندى فى الدايو و المشكلة فى التيل لية بقى التيل اللى بيصفر دة لو بصيت علية حتلاقية بيلمع و كائن فية الومنيوم و لو حاولت تصنفرة حتجرحة و مش حينزل رايش و دة بنسمية التيل المزلط او الناشف على شان مبيتاكلش طيب الحل اية
اول حاجة هات تيل من نو ع sk صناعة المانى حتلاقية رصاصى فاتح و مفهوش اسبستوس و ممكن الجولد ماركه gm بس بص فية على شان فى منة مضروب و جرب و مش حتسمع صوت تانى