اخويا اشترى صني زيرو ..والتوكيل حل مشكلة التكييف
السلام عليكم ورحمة الله وبركاته ..اعضاء نيسان الكرم
ده اول موضوع ليا في منتدى نيسان
اخويا الكبير اشترى من 3 اسابيع صني مانيوال زيرو لونها ماشاء الله جميل اوي ( احمر نبيتي ) والتابلوه 3 الوان والفرش بيج
والعربيه كويسه والحمد لله ماعدا حاجه واحده بس
وهي التكييف
التكييف من اول لما اشترى العربيه وهو تبريده مش قد كده .... واخويا افتكر ان الصنى كده تكييفها ضعيف
لحد لما الحر شد وخصوصا يوم الاتنين اللي فات لما الحراره وصلت ل50 درجة والتكييف فصل خالص
وبعد كده بقى بيفصل كل شويه
لحد مااخويا اتصل بالتوكيل وحجز معاد وراح لقى هناك زحمه غير عاديه بسبب موضوع التكييف
ولقى ناس كتير عربياتهم زيرو وبيواجهو نفس المشكله
وبعد 3 ساعات في التوكيل ..قالوله ان السينسور بتاع التكييف بايظ ومحتاج يتغير وهو مش موجود دلوقت وهيبعتو يجيبوه وهيكلموه لما يوصل
ده غير ان الفريون كان ناقص وهما زودوه وده على حسب كلامهم علشان تخزين العربيه فلازم الفريون يكون ناقص
والتكييف بقى زي ماهو بيفصل بس تبريده اعلى
وبعد اسبوع خويا اتصل بيهم وقالوله ان السينسور موجود
وامبارح انا و اخويا روحنا مركز الصيانه اللي في العباسيه ومكانش فيه في المركز الا سينسور واحد
والحمد لله التكييف اتعمل وبقى تلاجه والحمد لله مفصلش امبارح ولا النهارده وربنا يسهل
وكل ده اتعمل في الضمان طبعا
والحق يتقال ان التوكيل قمه في الاحترام والامانه لانهم اكتشفو العيب من اول مره وما انكروش ولم يتاخرو في اصلاح العيب زي توكيلات تانيه العربيه بتدخل وبتطلع زي ماهي و مبيصلحوش الا لما تشتكيهم في حماية المستهلك